Matáyɔ 7:11 - Ɔngana á Kɛ̌kɛ

¹¹ Ɓenu, nanga ɓóɓa ɓakpa ɓájeɗe, ɓoúba opha á ɓ'ananu kema ánjánja. Abanu mmbé á na koba, aéɓophande ɓunde ɓáɔmmɛma kema ánjá phɛɛ.

Matáyɔ 7:11 Iomraidhean Croise

Matáyɔ 23:9

Ɓɔ́kɔmɔphanɛ mɔnɔ gǎkɛ nkpa ka mokonda nde: ‹Abɛ›. Nga, Abanu a tɔ moci mmbé á na koba.

Matáyɔ 7:10

Kaɓɛ miki nɛkɛ n'amɛmi sú, amophande nkoto?

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Ɓalɔ́ma 3:19

Cɔ, ɓeoúba gea, nyɔngɔ bubui nde ɛɔphi ayɔngi a tɔ ka phɔa ɓakpa nde ɓá kusi á ɛɔphi. Ka gea te, nkpa buakɛ ádakanɛ, na úba gea, ɓato á ka mokonda ɓɔbu ɓánde ɓato á ɓojeɗe mosá á Mokonga.

Ɓalɔ́ma 3:9

Cɔ, ɓɛ́yɔngɛni ɓoni? Ɓesu Ɓayúda ɓɛɛ́nyɛ́nyi ɓakpa ɓunɛngbo? Tanda phɔ́! Ɓe ye phangi base gea Ɓayúda na ɓunde ɓáná Ɓayúda, ɓesu ɓɔbu ɓe tɔ kusi á kɔkɔta á ɓojeɗe.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?

Ɓagalatía 3:22

Ɓuku á Mokonga ayɔngi gǎkɛ gea, mokonda bui a kusi á ɓukpɛkpɛ á ɓojeɗe. Kaɓondɔ, ɓakpa nde ɓánde ɓaɓêki, ambe ɓáɓɛ na ɓotukɔ nde Mokonga ɗáɛɓɔku ka nyɔngɔ á ɓeekea Yéso Kiísito.

Yakɔ́ɓɔ 1:17

Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

1 Yoáni 4:10

Nndɔ unge ande ekondi: Nna ɓesu ɓáunge ɗéɓenkondi Mokonga, yɛ ndiu aámbé ɗásokondi, áonteka Miki-mǒko nɛkɛ, áɓɛ ɓea nyama á phɛ́a, ka íma á ɓojeɗe nɛsu.