Matáyɔ 6:9 - Ɔngana á Kɛ̌kɛ

⁹ Cɔ, mɛmani ndiu ɓe: Abasu, ímbɔ ona koba, ambe ɓáɗokomisɛ ina akɔ phɛɛ.

Matáyɔ 6:9 Iomraidhean Croise

Matáyɔ 10:29

Esombi á ɓaciɔɗɔ ɓaɓɛ a kusi phɛɛ nna ɓo? Nanga ɓó, ka ɓɔ moci nnaɔtɔka n'agu ka oɗo Abanu Mokonga na káubi.

Matáyɔ 23:9

Ɓɔ́kɔmɔphanɛ mɔnɔ gǎkɛ nkpa ka mokonda nde: ‹Abɛ›. Nga, Abanu a tɔ moci mmbé á na koba.

Matáyɔ 26:29

Nenóngoɗi gea, kpanga á kɛ̌kɛnde, kénoɛeka ye divai nde na ka ɓî negaeka tɔ onoa nnde á kɛ̌kɛ kimoci na ɓenu ka koɓoamɛ ndea Abɛ.»

Matáyɔ 26:42

 goto osɛkɛɗa mosá ábɔa ka mɔngɔ á ko iɓɛ, áɔmɛma ɓe: «Abɛ, aoɓá kiɓe nde na nnaɔtɔka n'anyɛ́nyi, kángá eme noa í, ambe mɔphɛ nɛkɔ átɔtɔkɛanɛ!»

Matáyɔ 5:16

Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Matáyɔ 6:14

Nga, aoɓá n'oími ɓojeɗe nde ɓakpa ɓákogǐí, Abakɔ ímbɔ ana koba, aímande phɔtɔ ɓojeɗe nɛkɔ.

Matáyɔ 6:6

Oɓɛ gǎkɛ, aoɓá n'ogea ɔ́mɛmɛ, ngia suɓi éndu nɛkɔ, óphatiɛ kǐo, ɔ́mmɛmɛ abakɔ mmbé a kó ka ɓɔsɔmɛa. Abakɔ mmbɔ aɔɔna kema ndɔ oogea ka ɓɔsɔmɛa, akophendande.

Matáyɔ 7:11

Ɓenu, nanga ɓóɓa ɓakpa ɓájeɗe, ɓoúba opha á ɓ'ananu kema ánjánja. Abanu mmbé á na koba, aéɓophande ɓunde ɓáɔmmɛma kema ánjá phɛɛ.

Lóka 15:18

Cɔ, nɛmɛande, néoga ondonda abɛ, néonɗengemisa ɓe: Abɛ, ɗéngǐí Mokonga ɓojeɗe, nê phɔtɔ ogea ɓojeɗe mosá akɔ.

Lóka 15:21

Anakɛ áongoɗea: ‹Abɛ, ɗéngǐí Mokonga ájeɗe, nê phɔtɔ ogea ɓojeɗe mosá akɔ. Kékeni ye ɓámɔɔphanɛ anakɔ.›

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

Ɓalɔ́ma 8:15

Cɔ, Měma á Mokonga nnde ɓɔtɔí mɔtɛ á Mokonga, nna měma índɔ á ngisa anu ka kɔkɔɓɛ na túmisa goto kɔɓɔɓɔkɔ suɓi anu, a ndiu Měma nde anobisi ɓóɓɛ ɓana-Mokonga. Ka nyɔngɔ á Měma ndɔ aunge ɓɛɔtɔka ɔphana á Mokonga «Abɛ.»

Ɓagalatía 1:1

Ka ɓaɓêki á ka Galatía sambani! Eme Pɔ́lɔ aámbé neɗundu ɓaoɓa ndee. Nende nteki, nna ka mɔphɛ á ɓakpa na nna nkpa aámbé amoɓǒtei. Yéso Kiísito na Abakɛ Mokonga mmbé ɗánjujúkisi ka ɔlɔ á ɓasí aámbé amoteki.

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

1 Timɔtɛ́ɔ 6:16

Yɛ sasakɛ tɔ aámbé kákuwɛeka. Aiki k'owanga nde nkpa nnaɔtɔka n'ambîmisi. Nna na nkpa nde amɔnimbɛmɔnɔ na nna na nkpa nde aɔtɔka n'amɔni. Cɔ, Mokonga áɓɛ na ɓoombia na ɓukpɛkpɛ ka saga na saga, áɓɛ ɓó.

1 Pɛ́tɛɛ 1:17

Cɔ, akoɓá k'ɛ́mɛmi nɛnu na ɓɔɔmɔphana Mokonga «Abɛ», mmbé aotena nyɔngɔ á nkpa buakɛ kángá oɓayɔ, ka ɓeana na tambea akɛ, tambeani na kɔɓɔɓɔkɔ ka Mokonga ka mbenɔ nde ɓo phɔ́tɔ ka mokonda.

Mphaniɔ 4:11

«Mɔkɔta nɛsu Mokonga, okeni na opha akɔ ɓoombia, ɓokutú, na ɓukpɛkpɛ. Nga, oɓɛ aámbé ɗóconji kema bui, Ka nyɔngɔ á mɔphɛ nɛkɔ aunge, kema bui ɓácɔnji na a ɓei.»

Mphaniɔ 5:12

Ɗáɓáoemba n'ɛsɔ akpɛ gea: «Muna-mɔgɔgɔ, mmbé ɗáɓámowe, akeni áɓɛ na okuu, ɛtɔi, kɔɓɔɔngɛ na ɓukpɛkpɛ ɓokutú, ɓoombia na obebɔ!»