Matáyɔ 6:6 - Ɔngana á Kɛ̌kɛ

⁶ Oɓɛ gǎkɛ, aoɓá n'ogea ɔ́mɛmɛ, ngia suɓi éndu nɛkɔ, óphatiɛ kǐo, ɔ́mmɛmɛ abakɔ mmbé a kó ka ɓɔsɔmɛa. Abakɔ mmbɔ aɔɔna kema ndɔ oogea ka ɓɔsɔmɛa, akophendande.

Matáyɔ 6:6 Iomraidhean Croise

Matáyɔ 14:23

Mbusa á jisa á ɓakpa ndɔ, áoɗapha gǔ á mamba k'aphe á mɛma á Mokonga. Ɗátú tɔ wa, sisakɛ ka gɔgɔmana á esa.

Matáyɔ 6:18

ka gea ɓakpa ɓákáúbɛmbɛ gea te oiki kángá á eaga ka nyɔngɔ á mɛma á Mokonga. Abakɔ sisakɛ mmbɔ á kó ka ɓɔsɔmɛa aúbande. Abakɔ mmbé aɔɔna kema nde oogea ka ɓɔsɔmɛa, akophendande.

Matáyɔ 6:4

Ambe ɔpha á ɓato á ɓuyɛnɛ kema ka ɓɔsɔmɛa, mpɔ Abakɔ mmbɔ aɔɔna kema nde oogea ka ɓɔsɔmɛa, akophendande.

Yoáni 1:48

Kaɓondɔ, Natanaɛ́li áomúsia Yéso: «Omoúbi ɓo?» Yéso áonsikisia gea: «Mosá á Philípɔ ɔphana akɔ, nɛkɔɔnima n'okusi á me nde ɓáɔmɔphana ka kisambaye mtini.»

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Ekuma á ɓateki 10:30

Kɔɔnɛlíɔ áonsikisia te: «Anyɛ́nyi esa isaɔ, ɓea mbenɔ nde, ka yɛga á maní, ɗétú ɔmɛma Mokonga mɔtɛ-amɔ. Mɔngɔ moci, nkpa áɔmɔsɛnɛkɛa n'aɔ́li bɔngɔ n'aophenuaga.

Ekuma á ɓateki 10:9

Mama í, ɓî ɓakpa nde Kɔɔnɛlíɔ ɗáéteki ɗáɓábîmisi ntanga-nji á Yɔ́pa, Pɛ́tɛɛ ɗáoɗapha gǔ éndu k'aphe á mɛma á Mokonga, ɗátú ɓea kantende.

Ekuma á ɓateki 9:40

Cɔ, Pɛ́tɛɛ áǒjuanisa ɓakpa ɓɔbu, áogbuka muanku ka mɛma á Mokonga. Mbusa, áǒpháia ka mǒnda, áogeae: «Tabíta má!» Tabíta áokoɗa iso. Amɔni ye Pɛ́tɛɛ, áǒmesia.

Ɓalɔ́ma 8:5

Nga, ɓakpa nde ɓáoɓea tambea á kokpa, ɓáɔtɔtɔkisa mɔphɛ á kokpa. Ɓakpa nde ɓá gǎkɛ oɓea tambea á Měma á Mokonga, ɓá tɔ ɔtɔtɔkisa mɔphɛ á Měma ndɔɔ.

Ɓaɛphɛ́sɔ 3:14

Kaɓondɔ unge negbúki muanku mosá á Abɛ Mokonga,