Matáyɔ 6:4 - Ɔngana á Kɛ̌kɛ

⁴ Ambe ɔpha á ɓato á ɓuyɛnɛ kema ka ɓɔsɔmɛa, mpɔ Abakɔ mmbɔ aɔɔna kema nde oogea ka ɓɔsɔmɛa, akophendande.

Matáyɔ 6:4 Iomraidhean Croise

Matáyɔ 10:42

Nenóngoɗi ɗoni gea, mmbé aomopha cǎ moci á iɓo ádɛdɛ̌ ka ɓakpa ɓábɔbɔbɔa nde moci sɔsɔɓɛ á ɓagoigi nɛmɔ, ka nyɔngɔ nde yɛ ande ngoigi nɛmɔ, atɔande ophendɔ nɛkɛ.»

Matáyɔ 6:18

ka gea ɓakpa ɓákáúbɛmbɛ gea te oiki kángá á eaga ka nyɔngɔ á mɛma á Mokonga. Abakɔ sisakɛ mmbɔ á kó ka ɓɔsɔmɛa aúbande. Abakɔ mmbé aɔɔna kema nde oogea ka ɓɔsɔmɛa, akophendande.

Matáyɔ 6:3

Aoɓá gǎkɛ, n'omophi nto á ɓuyɛnɛ kema, kákeni njaga á mǔku áúbɛ nnde njaga á nkei agi.

Matáyɔ 6:6

Oɓɛ gǎkɛ, aoɓá n'ogea ɔ́mɛmɛ, ngia suɓi éndu nɛkɔ, óphatiɛ kǐo, ɔ́mmɛmɛ abakɔ mmbé a kó ka ɓɔsɔmɛa. Abakɔ mmbɔ aɔɔna kema ndɔ oogea ka ɓɔsɔmɛa, akophendande.

Lóka 14:14

Kaɓondɔ, oɓande na maseye nga, ɓakpa ndɔ ɓáká na kema á sikisia akɔ. Mokonga akosikisiande mbenɔ nde ɓato á koɗoni ɓájujukande ka kukuwa.»

Lóka 8:17

Nga, nna na ka kema á ɓɔsɔmɛa nde káɔnɛkanɛku. Nna phɔtɔ na ka nyɔngɔ á ɓɔsɔmɛa nde kángoɗokanɛku na úbikana base.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

Ɓaɛbulanía 4:13

Nna na ka kema nde Mokonga ɗáconji nnde ɛ̌sɔmɛani k'íso akɛ. Kema bubui a tɔ ndúmbú mosá akɛ. Aoúba ú. Yɛ goto tɔ aámbé ɓɛtɔmiande nyɔngɔ ndeasu bubui mosá akɛ.

Yúda 1:24

Mokonga aɔtɔka ámbá anu ka gea ɓókoguɛmbɛ ka ɓojeɗe na kiɗianisa anu mosá á ɓoombia akɛ kángá kisɛki ka maseye.

Mphaniɔ 2:23

Kaɓɛ na ɓákáɗeketi, němowande ɓakpa nde ɓágamani na yɛ. Mpɔ, ɓato á ka kanisa ɓɔbu ɓáúbande gea, neoengekisa mɔphɛ á ɓakpa na kanisia aɓɔ. Úbani gea, nemphendande nkpa na nkpa sɔsɔɓɛ anu ka ɓeana na tambea akɛ.