Matáyɔ 6:2 - Ɔngana á Kɛ̌kɛ

² Mbenɔ nde oomopha nto á ɓuyɛnɛ kema, kɔɓɛtɛ mɔnɔ ɓongungu ka gea ɓakpa ɓákɔɔnɛ sumbia ɓî ɓato á maibe ɓámɔnɔ ogea k'éndu á madondanɔ ndea Ɓayúda ka nyɔngɔ á Mokonga na k'aphe ka gea ɓakpa ɓáebebɛ. Nenóngoɗi ɗoni gea, ɓágoɓi na ɓátɔi ophendɔ nɛɓɔ.

Matáyɔ 6:2 Iomraidhean Croise

Matáyɔ 15:7

Ɓato á maibe nde ca! Isáya mɔtu-nyɔngɔ ndea Mokonga ɗáɔtu tɔ ɗoni ka phɔa anu gea:

Matáyɔ 16:3

Kamɓimba, ɓoogea: ‹Kesande mbua aɔkande nga, koba anjɛnjɛmani na akpangi índa.› Cɔ, ɓooúba engekisa etéte á koba, ɓókó gǎkɛ oúba engekisa mphangiɔ á matú!

Matáyɔ 22:18

Yéso ɗáúbi ye kanisia aɓɔ ájeɗe, áǒgea te: «Ɓato á maibe nde ca! Ɓoomotombaga ka ɓo?

Matáyɔ 23:5

Goto, ɓáogea kema nɛɓɔ bui ka gea te ɓakpa ɓáɛɓɔnɛ. Ɓáɔ̌ɓɔɛa phaeka á bɔngɔ ágbae kaɓɛ k'éndóndó, kaɓɛ ka njaga nnde ɓáɗundu kau nyɔngɔ moci-moci á Mokonga. Nkanjo nɛɓɔ an'ɛɔkɔ á koaga.

Matáyɔ 23:6

Ɓáokonda ika k'ɔ́ma á mosá ka mbenɔ á jaí, na k'éndu á madondanɔ ndea Ɓayúda ka nyɔngɔ á Mokonga.

Matáyɔ 24:51

Mɔkɔta nɛkɛ amɔnisande ka ɓɔngɔ na ɓinda akɛ ɓea ɓato á maibe na bisa akɛ k'ɔ́ma nde agámande na ea á minyɔ.

Matáyɔ 5:18

Nenóngoɗi ɗoni gea te, mosá á sungiaga á koba na mokonda, nna tanda na miki á nyɔngɔ moci kaɓɛ phaeka í, nnde aimikande k'ɛɔphi na ka ɓî nyɔngɔ bui atɔtɔkɛanande.

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Matáyɔ 6:3

Aoɓá gǎkɛ, n'omophi nto á ɓuyɛnɛ kema, kákeni njaga á mǔku áúbɛ nnde njaga á nkei agi.

Matáyɔ 6:5

Mbenɔ nde ɓɔɔmɛma, ɓókoɓɛmbɛ mɔnɔ ɓea ɓato á maibe ɓunde ɓámɔnɔ okonda mɛma na ɓámamege k'éndu á madondanɔ ndea Ɓayúda ka nyɔngɔ á Mokonga na k'aphe ka gea ɓakpa ɓɛ́ɓɔnɛ. Nenóngoɗi ɗoni gea, ɓá ye tɔi ophendɔ nɛɓɔ.

Matáyɔ 7:5

Ntoa-maibe nde ca! Tókisa phɔ́ gbútuka á me nde a k'íso akɔ, mpɔ ɔ́ɔnaphɛ ánjá ka phuia á gbɛɛkɛsɛ á k'íso á dakɔ.

Málikɔ 12:39

Ɓéɓophɛ phɔtɔ kankaanga á ɓakɔta k'éndu á madondanɔ ndea Ɓayúda ka nyɔngɔ á Mokonga, na k'ɔ́ma á ɓokutú k'ɛ́kɛka.

Málikɔ 7:6

Yéso áǒsikisia te: «Ɓato á maibe nde ca! Isáya ɗági ánjá ka tɔ̌mia á nyɔngɔ ka phɔa anu nga ɗáɗundu: ‹Mokonga ayɔngi ɓe: ɓakpa nde ɓá tɔ omoɗokomisa k'aphenɔkɔ, měma aɓɔ a gǎkɛ ɗanga n'eme.

Lóka 11:41

Cɔ, óɓophani ɓato á ɓuyɛnɛ kema nde a suɓi anu. Mpɔ, nyɔngɔ nɛnu bui â ye tɔ oɓá ánjá.

Lóka 11:43

Ande ngomi ka ɓenu Ɓaphaisáyɔ, ɓo tɔ okonda ika ka kankaanga á mosá suɓi éndu á madondanɔ ndea Ɓayúda ka nyɔngɔ á Mokonga. Ɓokondi phɔtɔ ɓánoseseɛ ka ntanga.

Lóka 12:33

Sombisani nkumba nɛnu, ɓóɓophɛ ɓato á ɓuyɛnɛ imɔna í. Ɓɔngisiani ndiu kanu njombi á na koba, nnde nnaoújukana. Phombeagani kanu ɛtɔi na koba k'ɔ́ma nde ɓákáújɛku, ɓakukuɓa ɓákádondɛeka na ɓansɛngɛ ɓákáújɛeka

Lóka 12:56

Ɓato á maibe-maibe nde ca! Ɓooúba kantíti á mphangiɔ á ka oɗo n'ego. Cɔ, eke nde ɓókóoúba mphangiɔ á ka matú nde?

Lóka 13:15

Mpɔ Mɔkɔta áonsikisia gea: «Ɓato á maibe nde ca! Nga nkpa buakɛ sɔsɔɓɛ anu aonkoɗa ngɔmbɛ nɛkɛ na mponda nɛkɛ ka mǒkomba esa á saɓáto ka gǎ nusa akɛ iɓo, nna ɓo?

Lóka 20:46

«Óengani na ɓaɗundu-ɛɔphi. Ɓákondi tamba na ɓáɔ́ligi ngɔ́mbɛ éndandandǎ, na ɓakpa ɓaɓɛǒsesea k'ɔ́ma á madondanɔ. Suɓi éndu á madondanɔ ndea Ɓayúda ka nyɔngɔ á Mokonga, ɓákondi phɔtɔ ikiɗia kankaanga á mosá na ka jaí ɗanga-ɗanga ɓáikɛ k'ɔ́ma á kɔkɔta.

Lóka 6:24

Ngomi ka ɓenu ɓatɔi! Nga, ɓo ye tɔí ɓonjánja ínɛnu bui.

Lóka 6:42

Ɔɔtɔka n'ongoɗi muna-amakɔ: ‹Muna ayí, gea nɛ́ophúiɛ gbɛɛkɛsɛ nde a k'íso akɔ.› Oɓɛ gǎkɛ, kɔ́ɔɔna gbútuka á me ndɔ a k'íso akɔ? Nto á maibe nde ca! Tókisa phɔ́ gbútuka á me nde a k'íso akɔ. Mpɔ, ɔ́ɔɔnapha ánjá, ka gea ótokisɛ ye tɔ gbɛɛkɛsɛ nde a k'íso á muna-amakɔ.

Yoáni 13:29

Ɓî Yúda aámbé ɗáoambaga imɔna, ɓagoigi ɓuangbo ɓáokanisia te, Yéso ɗángoɗi ágɛ sombɛ kema nde akeni ka jaí, kaɓɛ nnde akeni phɔtɔ ka opha á ɓaúki.

Yoáni 5:41

Kéokaɓa ɓoombia ka ɓakpa.

Yoáni 5:44

Ɓenu íɓunde ɓookonda éɗokomisa ɓenu ka ɓenu, ɓókókaɓɛ ndiu ɓoombia nde atóki ka Mokonga sasakɛ, ɓɔtɔkande ɓeekea ɓo?

Yoáni 7:18

Mmbé aɔyɔnga nyɔngɔ nɛkɛ sasakɛ, a tɔ okaɓa ɓoombia nɛkɛ sasakɛ. Mmbé a ndiu okaɓa ɓoombia á mmbé anteki, ande nto á ɗoni. Nna na ɓojeɗe suɓi akɛ.

Ekuma á ɓateki 10:2

Yɛ na ɓato á k'éndu nɛkɛ ɓɔbu ɗáɓátú omɓánga Mokonga na beba akɛ. Ɗá phɔtɔ ogaba imɔna nɛkɛ ka ɓaúki na mɛma á Mokonga kángá ɗeketa.

Ekuma á ɓateki 10:31

Áomongoɗea te: ‹Mokonga aɔ́ki ɛmɛmi nɛkɔ, aokokanisia ka nyɔngɔ á kema nde ǒgabei ɓaúki.

Ekuma á ɓateki 10:4

Kɔɔnɛlíɔ áontúmia n'iso, n'ana kɔɓɔɓɔkɔ. Áomúsia: «Mɔkɔta, ama ɓo?» Malaéka áonsikisia te: «Mokonga aɔ́ki ɛmɛmi nɛkɔ na ɓeekea á kema nde ǒgabei ɓaúki. Kaɓondɔ, aokokanisia.

Ekuma á ɓateki 11:29

Cɔ, ɓagoigi á ka Antiɔkía ɓáosuia gea, ɓáphúiɛ imɔna ɓíndɔ nkpa na nkpa atɔande, ɓátekɛ ka enga á ɓadaɓɔ ɓaɓêki á na Yudɛ́a.

Ekuma á ɓateki 24:17

Cɔ, ɓî ɗékétú ka Yɛusalɛ́ma ka ɓasaga ɓásii, ɗébiki goto ka nyɔngɔ á gaba á imɔna ka ɓato-ékuna nɛmɔ, na phúia ɔ́phɛ́ɔ.

Ekuma á ɓateki 9:36

Nke ngoigi moci ɗáoikaga ka Yɔ́pa, ina akɛ Tabíta mmbé ɓáɔmɔphana ka Kigiíki «Dɔlíka», ka Kikomo ande gea te: «Cɔcɔɗɛ». Ɗáogea ekuma ánjánja, na gabea á ɓaúki.

Ɓalɔ́ma 12:8

Kaɓɛ n'ande ebigɔ á phɛá, áphɛɛ. Kaɓɛ n'ande ebigɔ á gaba, ágabɛ na měma á maseye, kaɓɛ n'ande ebigɔ á mamea á ɓakpa, áémameɛ na nténdé, kaɓɛ n'ande ebigɔ á taɓea ɓato á ɓuyɛnɛ, áétaɓeɛ na maseye.

1 Ɓakɔlítɔ 13:3

Nanga négaba nkumba nɛmɔ bui ka ɓato á ɓuyɛnɛ, nanga nétambisaga nyama ani ka nsa, na neǒbeba, na ké gǎkɛ n'ekondi, kɛ́tɔɛku ka kema ka phɔani.

Ɓagalatía 2:10

Ɗáɓásɔ́mɛmi tɔ gea, ɓéekanisiɛ ɓato á ɓuyɛnɛ ndea kanisa nɛɓɔ ka Yɛusalɛ́ma na ɗétɔtɔkisi ú na měma mo.

Ɓaɛphɛ́sɔ 4:28

Nkukuɓa kaúɓɛmbɛ ye goto. Ákpangɛ ndiu bɛɗanaga ekuma á njaga ánjá, ka gea, áendɛ ánjá na áɓɛ na kema á gabea ɓato á ɓuyɛnɛ.

1 Ɓatɛsalɔníka 2:6

Ɓéké phɔtɔ okáɓa obebɔ ka ɓakpa, kaɓɛ ka ɓenu, kaɓɛ ka ɓakpa ɓuangbo.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

Philɛmɔ́nɔ 1:7

Dani, ekondi nɛkɔ ɗámopi maseye phɛɛ na gbagisaga měma ani ka nyɔngɔ nde, ɗɔ́phɔngisigi měma á ɓato á Mokonga.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.