Matáyɔ 6:12 - Ɔngana á Kɛ̌kɛ

¹² Íma ɓojeɗe nɛsu, ɓíndɔ ɓesu ɓe phɔtɔ oíma ka ɓundɔ ɓásogǐí ɓojeɗe.

Matáyɔ 6:12 Iomraidhean Croise

Matáyɔ 26:28

nga, nnde ande magia ani, magia á ɔngana nnde aɗǔkani ka nyɔngɔ á ima ɓojeɗe á ɓakpa ɓásii.

Matáyɔ 9:2

Ɓakpa ɓáombikia na nɗɔti n'aɗe k'éka. Ɓî Yéso aɔni ye ɓeekea á ɓakpa ndɔ, áongoɗea nkpa ndɔ gea: «Mukuamɔ, koɓangɛ mɔnɔ, ɓojeɗe nɛkɔ aímiki.»

Málikɔ 11:25

A phɔtɔ oɓá na ɓomame ka mɛma á Mokonga, na ɓona nyɔngɔ na nkpa, ímani ɓojeɗe nde ɓánogǐí ka gea te, Abanu mmbé á na koba áímɛ phɔtɔ ɓojeɗe nɛnu. [

Lóka 11:4

Íma ɓojeɗe nɛsu nga, ɓesu sasasu ɓe phɔtɔ oíma ka ɓakpa ɓɔbu ɓojeɗe nde ɓasogǐí. Kosóɗeketɛmbɛ ka mbenɔ á tombaga.»

Lóka 13:4

Cɔ, ɓooúba nyɔngɔ á ɓakpa nkama na ngianjaga isaɔ (18) ndɔ ɗáɓáku mbenɔ nde otá á ka Silɔámu ɗěgui. Ɓookanisia te, ɓakpa ndɔ ɗáɓátú ɓájeɗe kɔ̌nyɛ́nya ɓakpa ɓunɛngbo á ka Yɛusalɛ́ma?

Lóka 6:37

Ɓókotenɛmbɛ nyɔngɔ á nkpa ka gea, ɓákatenɛmbɛ nyɔngɔ ínɛnu. Ɓókotenɛmbɛ nyɔngɔ á ɓakpa ka gea, ɓákatenembɛ nyɔngɔ ínɛnu akpɛ. Ímani ɓojeɗe nde ɓakpa ɓági ka phɔanu ka gea, ɓáímɛ ɓojeɗe ínɛnu.

Ekuma á ɓateki 13:38

Cɔ, ɓaya, úbani gea, ɓánóngoɗi nyɔngɔ á íma á ɓojeɗe. Ka nyɔngɔ á Yéso unge, mmbé amɓeeki, ana ɓukpɛkpɛ á ɓá nto á koɗoni mosá á Mokonga ka kema bui. Ɛɔphi ndea Mósa nna gǎkɛ ɔtɔka amisa anu ka kema ndɔ bui.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 4:32

Ɓáni na měma ánjá na á kuina ngomi. Nkpa na nkpa áímɛ ɓojeɗe ndea dakɛ ɓíndɔ Mokonga ɗáími ɓojeɗe nɛnu ka nyɔngɔ á Kiísito.

Ɓakɔlɔsái 3:13

Phiphianani, aoɓá ka ɓenu n'ana nyɔngɔ á kitɔngi ka dakɛ, áímɛ ú ɓíndɔ Mɔkɔta ɗáími ɓojeɗe nɛnu.