Matáyɔ 6:10 - Ɔngana á Kɛ̌kɛ

¹⁰ Ambe koɓoamɛ nɛkɔ ábikɛ. Ambe mɔphɛ nɛkɔ átɔtɔkɛanɛ ka mokonda ɓíndɔ á na koba.

Matáyɔ 6:10 Iomraidhean Croise

Matáyɔ 12:50

Nga, nkpa buakɛ mmbé aogea kema nde Abɛ mmbé á na koba akondi, yɛ aámbé ande muna-ayi, áwáni na ayi.»

Matáyɔ 16:28

Nenóngoɗi ɗoni gea, ka ɓunde ɓá wani, ɓákákuwɛku mosá á ɔna á Muna-Nkpa, n'aobika ɓea Moamɛ.»

Matáyɔ 26:42

 goto osɛkɛɗa mosá ábɔa ka mɔngɔ á ko iɓɛ, áɔmɛma ɓe: «Abɛ, aoɓá kiɓe nde na nnaɔtɔka n'anyɛ́nyi, kángá eme noa í, ambe mɔphɛ nɛkɔ átɔtɔkɛanɛ!»

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 4:17

Ka mbenɔ ndɔ tɔ, Yéso áokpanga phɛá ɓe: «Kětiani tambea anu ájeɗe nga, koɓoamɛ ndea na koba a bíbí!»

Matáyɔ 7:21

Nna ɓakpa ɓɔbu ɓunde ɓáɔmɔɔphana ‹Mɔkɔta! Mɔkɔta!› ɓáunge ɓángiande ka koɓoamɛ ndea na koba. A tɔndɔ gǎkɛ ɓunde ɓáɔtɔtɔkisa mɔphɛ ndea Abɛ, mmbé á na koba.

Málikɔ 11:10

Ɓosegi ka kiɗia á koɓoamɛ ndea tatasu Daúdi. Obebɔ átáiɛ na koba!

Málikɔ 3:35

Nga, nkpa nde aotambea ɓíndɔ Mokonga akondi, mmbɔ aámbé ande muna-ayi, áwáni na ayi.»

Lóka 19:11

Ɓî ɓakpa ɗáɓátú ɔɔ́ka nyɔngɔ ndɔ, Yéso áotútuisa na mɛní. Wa, ɗátú bíbí na Yɛusalɛ́ma, ɓakpa ɗáɓáokanisia gǎkɛ te, koɓoamɛ ndea Mokonga aobika kɛ̌kɛndɔ.

Lóka 19:38

Ɗáɓáɔyɔnga ɓe: «Ɓosegi ka Moamɛ, mmbé aobika k'ína á Mɔkɔta, ɓujɛjɛ áɓɛ na koba, ɓoombia áɓɛ ka Mokonga.»

Lóka 22:42

áɔyɔnga ɓe: «Abɛ, kaɓɛ n'okondi, ómophausa na cǎ ndee kaɓɛmbɛ ka mɔphɛ ani, ambe ndeakɔ ndiu unge átɔtɔkɛanɛ.» [

Yoáni 4:34

Yéso áǒgea: «Eea nɛmɔ ande tɔtɔkisa á mɔphɛ á mmbé amoteki na gɔɓa á ekuma nɛkɛ.

Yoáni 6:40

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Ekuma á ɓateki 13:22

Mbusa í, Mokonga áontókisa Saúlɔ, áomamisa ká ɓɔ Daúdi ka kɔkɔta. Â phɔtɔ ɔyɔnga ka phɔa akɛ ɓe: ‹Nɛnsɔmbu Daúdi, muna Yɛ́sɛ, mmbé amɔɓɔngɛi ka měma. Yɛ, atɔtɔkisande mɔphɛ nɛmɔ bui.›

Ekuma á ɓateki 21:14

Ɓî kásɔɔ́ki ye, ɓéodakana, ɓeogea ambe mɔphɛ á Mɔkɔta átɔtɔkɛanɛ.

Ekuma á ɓateki 22:14

Yɛ áomongoɗea te: ‹Mokonga ndea ɓatatasu ɗákɔsɔmbu gea, óubɛ kema nde akondi na ɔna á Nto á ɗoni, na ɔ́ɔ́kɛ ɛsɔ akɛ sasakɛ.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓaɛphɛ́sɔ 6:6

Ɓókóɓɛmbɛ tɔ ɔbɛɗanaga ámbé ɓánómamei ka ékondisaga na ɓɔ. Tɔtɔkisani ndiu mɔphɛ á Mokonga na měma mo, ɓea ɓakɔɓɛ á Kiísito.

Ɓakɔlɔsái 1:13

Yɛ aámbé ɗásókoɗigi ka ɓukpɛkpɛ á kaiphiɔ, áosóngisa ka koɓoamɛ ndea Miki nɛkɛ ékondi.

Ɓakɔlɔsái 1:9

Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

1 Ɓatɛsalɔníka 4:3

Nga, Mokonga akondi gea, ɓóɓɛ ɓakpa ɓ'ánjá phɛɛ, ɓóɓangɛ iɛɓɛ,

1 Ɓatɛsalɔníka 5:18

nségani ka nyɔngɔ nɛnu bui. Nga, nyɔngɔ ndɔ ande mɔphɛ á Mokonga ka ɓenu ɓunde ɓɔɔngani na Yéso Kiísito.

Ɓaɛbulanía 1:14

Cɔ, ɓamalaéka ɓánde ɓaani? Ɓɔbu ɓá tɔ ɔmbɛɗaneaga Mokonga. Yɛ aǒteka ka enga ɓakpa nde ɓátɔande ɓoamia á ka měma.

Ɓaɛbulanía 10:36

Cɔ, akeni ɓóɓɛ na moíngí mpɔ ɓɔ́tɔtɔkisɛ kema nde Mokonga akondi ka ɓondɔ unge ɓɔtɔande kema nde ɗánɔɔku.

Ɓaɛbulanía 10:7

Ɗéyɔngi ɓe: ‹Cɔ, eme yɛ, nebiki ɔtɔtɔkisa kema nde oɓɛ Mokonga okondi nga, ɓondɔ unge ɓáɗundu ka phɔani suɓi á ɓuku nɛkɔ.›»

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

1 Pɛ́tɛɛ 2:15

Ɓondɔ unge Mokonga akondi gea, ɓógeɛ ɓonjánja, ka gea te, ɓabóbó na ɓato á jǎi-jǎi ɓáphɔngɛ.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 12:10

Mpɔ, nɛ́ɔɔ́ka ɛsɔ akpɛ n'aotóka na koba, áogea ɓe: «Mpɔ ye tɔ mbenɔ á ɓoamia á ka měma, ɓukpɛkpɛ, koɓoamɛ ndea Mokonga ajú na kɔkɔta á Kiísito nɛkɛ. Nga, ɓámmaki ka mokonda ntɔngi á ɓana-amasu mmbé ɗáɔ̌tɔngaga ɓɔ keiphe n'esa mɔtɛ á Mokonga.

Mphaniɔ 19:6

Mbusa, nɛ́ɔɔ́ka eongo ɓea ɓakpa ɓásii, n'aɔɔya ɓea gɔa, ɓea ɓáoka á mbua. Áogea: «Obebɔ ka Mokonga nɛsu! Nga, Mɔkɔta nɛsu Mokonga, Mɛna-ɓukpɛkpɛ, amamei nji bui.

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).