Matáyɔ 6:1 - Ɔngana á Kɛ̌kɛ

¹ Ɛ́ngɛphani! Ɓókogeɛ mɔnɔ kema ánjá mosá á ɓakpa ka gea, ɓɔ́ɔnɛkanɛ. Ámbé Abanu mmbɔ á na koba kánophendɛku.

Matáyɔ 6:1 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 16:6

Yéso áǒngoɗea te: «Óengani na cacu ndea Ɓaphaisáyɔ na Ɓasadukáyɔ.»

Matáyɔ 23:13

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒɗakea ɓakpa aphe á ngia ka koɓoamɛ ndea na koba na ɓenu ɓókóongia sasanu kau. Ɓókóokonda gea ɓunde ɓána mɔphɛ á ngia ɓángiɛ. [

Matáyɔ 23:5

Goto, ɓáogea kema nɛɓɔ bui ka gea te ɓakpa ɓáɛɓɔnɛ. Ɓáɔ̌ɓɔɛa phaeka á bɔngɔ ágbae kaɓɛ k'éndóndó, kaɓɛ ka njaga nnde ɓáɗundu kau nyɔngɔ moci-moci á Mokonga. Nkanjo nɛɓɔ an'ɛɔkɔ á koaga.

Matáyɔ 25:40

Moamɛ aesikisiande te: ‹Nenóngoɗi ɗoni gea, kema nde ɓoogea ka ɓadani íɓundɔ ɓáná na ɓoombia, aunge ɓo ye gi k'eme.›

Matáyɔ 5:16

Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Matáyɔ 5:46

Aoɓá na ɓǒkondi tɔ ɓundɔ ɓáonókonda, ɓooɓondea ophendɔ ka Mokonga ka ɓo? Ɓaphendisigi-manjanja ɓá phɔtɔ ogea ɓó.

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Matáyɔ 6:9

Cɔ, mɛmani ndiu ɓe: Abasu, ímbɔ ona koba, ambe ɓáɗokomisɛ ina akɔ phɛɛ.

Málikɔ 8:15

Yéso â gǎkɛ ɔ̌phɛá te: «Ɛ́ngɛphani! Óɓangisani na cacu ndea Ɓaphaisáyɔ n'índe á Ɛlɔ́dɛ.»

Lóka 11:35

Ɓî a ɓó, ɛ́ngɛpha ka gea, bɛnya nde a suɓi akɔ kěketiɛmbɛ ka kaiphiɔ.

Lóka 12:1

Wandɔ, usɛsɛ á ɓakpa ɓáotúndukanaga. Ɓáoɓá ɛlɛphu na ɛlɛphu na ka ɓî ɗáɓáɗɛtɛanigi. Yéso â phɔ́ kǒngoɗeaga ɓagoigi nɛkɛ mosá ka mpɛphɛ gea: «Óengani na cacu ájeɗe ndea Ɓaphaisáyɔ. Ande gea, maibe-maibe nɛɓɔ.

Lóka 12:15

Mpɔ, áǒngoɗea ɓɔbu ɓe: «Ɛ́ngɛphani na nyɔngɔ á ekondi á ɛtɔi nga, enda á nkpa nna ka nyɔngɔ á nkumba nɛkɛ nanga áɓá ntɔi phɛɛ.»

Lóka 16:15

Kaɓondɔ, Yéso áǒngoɗea ɓe: «Ɓǒphangisia k'íso á ɓakpa gea te, ɓonde ɓato á ɗoni. Mokonga aámbé a gǎkɛ oúba měma anu. Kema nde ɓakpa ɓáoɗokomisa, aunge Mokonga aɔɔna n'ajɔɔkani.

Yoáni 12:43

Nga, ɓakɔta ndɔ ɗáɓáokonda obebɔ ndea ɓakpa, kɔnyɛ́nya nnde atóki ka Mokonga.

Yoáni 5:44

Ɓenu íɓunde ɓookonda éɗokomisa ɓenu ka ɓenu, ɓókókaɓɛ ndiu ɓoombia nde atóki ka Mokonga sasakɛ, ɓɔtɔkande ɓeekea ɓo?

Ekuma á ɓateki 3:12

Ɓî Pɛ́tɛɛ aɔni ye ɓó, áǒngoɗea ɓakpa gea te: «Ɓaisilaɛ́li ɓaya, ɓootangaaga nyɔngɔ nde? Ɓosótúmíí n'íso ka ɓo? Ɓokanisi gea, nkpa nde atambi tɔ ka ɓukpɛkpɛ na ɓonjánja nɛsu mosá á Mokonga?

Ɓagalatía 6:12

Ɓakpa ɓunde ɓáokáɓa gúsisa anu ganja k'akpɛ, ɓánde ɓakpa ɓunde ɓáokonda ébeba ka nyɔngɔ á kokpa. Ɓáogea ɓó ka ɓánga tambaga ka moyangɔ ndea Kiísito.

Ɓaɛbulanía 11:26

Ɗáúbi gea, tóndea akɛ ɓíndɔ ɗáɓántóndei Kiísito, ana ɓokambia ángbó phɛɛ kɔnyɛ́nya ɛtɔi bubui nde ɗátú ka Mísii nga, ɗáobisa mɔphɛ akɛ k'ophendɔ nde Mokonga amphendande.

Ɓaɛbulanía 2:1

Ɓî a ɓó, akeni ɓétetemisɛ phɛɛ nyɔngɔ nde ɓɛɔ́ki ka gea, ɓékeɓúngɛgɛmbɛ.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

2 Yoáni 1:8

Cɔ, ɔ́ɛnjɛani ka gea, ɓókóújɛmbɛ ekuma nde ɓɛbɛɗanigi sɔsɔɓɛ anu, akeni ndiu ɓɔ́tɔɛ ophendɔ nɛnu bui.