Matáyɔ 5:9 - Ɔngana á Kɛ̌kɛ

⁹ Maseye ka ɓunde ɓáobikisa ɓujɛjɛ, ka nyɔngɔ nde Mokonga aɛɓɔphanande ɓɔ, ɓ'anakɛ.

Matáyɔ 5:9 Iomraidhean Croise

Matáyɔ 5:45

Ɓoogea ɓó, ɓóoɓá ɓana-Abanu mmbɔ á na koba. Nga, yɛ aɔɓɛtisa maní ka ɓakpa ɓánjá na ɓakpa ɓájeɗe na ɔkisa mbua ka ɓato á koɗoni na ɓunde ɓáká ɓato á koɗoni.

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Lóka 20:36

Ɓákátɔkɛku ye na ɓáku nga, ɓáɓande ɓea ɓamalaéka. Ɓánde ɓana-Mokonga, ɓî ɓájujúki ka kukuwa.

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Ekuma á ɓateki 7:26

Mama í, Mósa áǒdonda Ɓaisilaɛ́li ɓaɓɛ na ɓáomana, áogea éunɛ. Áǒngoɗea: ‹Ɓaya, ɓókó phɔ́ ɓato ékita? Eke nde ɓootambisanaga kau?›

Ɓalɔ́ma 12:18

Aoɓá n'atɔtɔkɛani, na nndɔ atókani na ɓenu, endani ka ɓujɛjɛ na ɓakpa ɓɔbu.

Ɓalɔ́ma 8:14

Nga ɓakpa ɓɔbu ɓunde Měma á Mokonga aǒtambisa, ɓánde ɓana-Mokonga.

Ɓalɔ́ma 8:16

Měma á Mokonga sasakɛ aámbé aɗigimisi měma asu gea, ɓesu ɓende ɓana-Mokonga.

Ɓalɔ́ma 8:19

Kema bui nde Mokonga aconji aoɓondea na mosenda phɛɛ mbenɔ nde Mokonga aphangisiaeka ɓoombia á ɓ'anakɛ base.

1 Ɓakɔlítɔ 6:6

Kɛ̌kɛnde gǎkɛ, mɓêki aɔntɔnga dakɛ mɓêki mosá á ɓateni nyɔngɔ ɓunde ɓáká ɓaɓêki!

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

2 Ɓakɔlítɔ 5:20

Ɓende ɓakpa nde ɓɛɔyɔnga k'ína á Yéso nga yɛ aámbé asóteki. Ande gea te, Mokonga aámbé agi te ɓɛ́nɔɔphanɛ. Cɔ, ɓenóɗengemisigi k'ína á Kiísito gea te, ɓɔ́ɔnganɛ na Mokonga.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaphilípi 4:2

Cɔ, ɓenu Eɔdía na Sitíkɛ, nenóɗengemisigi: Ɔnganani sɔsɔɓɛ anu suɓi á Mɔkɔta.

Ɓakɔlɔsái 3:13

Phiphianani, aoɓá ka ɓenu n'ana nyɔngɔ á kitɔngi ka dakɛ, áímɛ ú ɓíndɔ Mɔkɔta ɗáími ɓojeɗe nɛnu.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.