Matáyɔ 5:7 - Ɔngana á Kɛ̌kɛ

⁷ Maseye ka ɓunde ɓáǒkuia ɓadaɓɔ ngomi, ka nyɔngɔ nde Mokonga aékuiande phɔtɔ ngomi.

Matáyɔ 5:7 Iomraidhean Croise

Málikɔ 11:25

A phɔtɔ oɓá na ɓomame ka mɛma á Mokonga, na ɓona nyɔngɔ na nkpa, ímani ɓojeɗe nde ɓánogǐí ka gea te, Abanu mmbé á na koba áímɛ phɔtɔ ɓojeɗe nɛnu. [

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Ɓalɔ́ma 11:30

Cɔ, kala, ɗóɓókótú ɔmɔ́ka Mokonga, kɛ̌kɛnde gǎkɛ anokui ngomi ka nyɔngɔ nde Ɓayúda ɗáɓákámɔ́ki.

1 Ɓakɔlítɔ 7:25

Ka ɓunde ɓákáɔmanimbɛ, Mɔkɔta kámososi ka kema ka phɔa aɓɔ. Nɛɔnɔphɛa nga, nende nkpa nde akeni ɓáɓeekeɛ nyɔngɔ nɛmɔ ka nyɔngɔ á ɓonjánja-ékondi nde Mɔkɔta ɗámopi.

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

Ɓaɛphɛ́sɔ 4:32

Ɓáni na měma ánjá na á kuina ngomi. Nkpa na nkpa áímɛ ɓojeɗe ndea dakɛ ɓíndɔ Mokonga ɗáími ɓojeɗe nɛnu ka nyɔngɔ á Kiísito.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

1 Timɔtɛ́ɔ 1:13

Nanga mosá ɗétú ombóma Mokonga, néontambisaga, néoɓá nto á kampápa mosá akɛ, kíndɔ bui â gǎkɛ tɔ omokuia ngomi nga, ɗébóbóki ka kanga á ɓeekea akɛ.

1 Timɔtɛ́ɔ 1:16

Kaɓondɔ unge, Mokonga ɗámokui gǎkɛ ngomi. Cɔ, Kiísito Yéso ɗámophiphíí phɛɛ eme nto á ɓojeɗe á k'ama mosá-mosá ka ɔlɔ á ɓato á ɓojeɗe. Nndɔ ande mphangiɔ ka ɓunde ɓámɓeekeande ka gea, ɓáendɛ mɛyɔ kimoci na Mokonga.

Ɓaɛbulanía 4:16

Ɓî a ɓó, ɓébikɛni mosá á kankaanga á ɓonjánja á Mokonga kángá ngǎka nga, kó unge ɓɛtɔande ngomi na ɓonjánja-ékondi, nnde asóengande ka mbenɔ nde ɓena siki í.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

Yakɔ́ɓɔ 2:13

Kaɓɔndɔ, ɓátenande nyɔngɔ á ɓunde ɓáná na ngomi á ɓadaɓɔ kángá á ngomi. Nkui-ɓakpa ngomi káɓɛku gǎkɛ na kɔɓɔɓɔkɔ ka tena á nyɔngɔ.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Pɛ́tɛɛ 2:10

Kala, ɗóɓókótú ɓato á k'ékombo ndea Mokonga, kɛ̌kɛnde, ɓo ye tɔ ekombo nɛkɛ. Kala, Mokonga ɗákáonókuia ngomi, kɛ̌kɛnde gǎkɛ, a ye tɔ onókuia ngomi.