Matáyɔ 5:16 - Ɔngana á Kɛ̌kɛ

¹⁶ Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Matáyɔ 5:16 Iomraidhean Croise

Matáyɔ 23:5

Goto, ɓáogea kema nɛɓɔ bui ka gea te ɓakpa ɓáɛɓɔnɛ. Ɓáɔ̌ɓɔɛa phaeka á bɔngɔ ágbae kaɓɛ k'éndóndó, kaɓɛ ka njaga nnde ɓáɗundu kau nyɔngɔ moci-moci á Mokonga. Nkanjo nɛɓɔ an'ɛɔkɔ á koaga.

Matáyɔ 23:9

Ɓɔ́kɔmɔphanɛ mɔnɔ gǎkɛ nkpa ka mokonda nde: ‹Abɛ›. Nga, Abanu a tɔ moci mmbé á na koba.

Matáyɔ 5:45

Ɓoogea ɓó, ɓóoɓá ɓana-Abanu mmbɔ á na koba. Nga, yɛ aɔɓɛtisa maní ka ɓakpa ɓánjá na ɓakpa ɓájeɗe na ɔkisa mbua ka ɓato á koɗoni na ɓunde ɓáká ɓato á koɗoni.

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Matáyɔ 6:9

Cɔ, mɛmani ndiu ɓe: Abasu, ímbɔ ona koba, ambe ɓáɗokomisɛ ina akɔ phɛɛ.

Matáyɔ 9:8

Mbenɔ nde usɛsɛ á ɓakpa ɓáɔni nyɔngɔ ndɔ, ɓáoɓá na kɔɓɔɓɔkɔ, ɓáombeba Mokonga ka opha á ɓakpa ɓukpɛkpɛ ɓíndɔ.

Lóka 11:2

Yéso áǒngoɗea: «Mbenɔ nde ɓɔɔmɛma, yɔngani ɓe: Abɛ, Ina akɔ áɓɛ n'obebɔ. Koɓoamɛ nɛkɔ ábikɛ.

Yoáni 15:8

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Ekuma á ɓateki 9:36

Nke ngoigi moci ɗáoikaga ka Yɔ́pa, ina akɛ Tabíta mmbé ɓáɔmɔphana ka Kigiíki «Dɔlíka», ka Kikomo ande gea te: «Cɔcɔɗɛ». Ɗáogea ekuma ánjánja, na gabea á ɓaúki.

1 Ɓakɔlítɔ 14:25

Nga, kema nde aɛsɔmɛani ka měma akɛ, aúbukanande base. Kaɓondɔ, agbúkande muanku akɛ mosá á Mokonga, keongi akɛ áogbondoa oɗo ka beba á Mokonga, áɔyɔnga gea: «Eya, Mokonga a ka ɔlɔ anu.»

2 Ɓakɔlítɔ 9:13

Ɓǒphangiande ɓakpa base ekuma nɛnu ánjá. Ɓakpa ɓásii ɓánɗɔkɔmisande Mokonga ka nyɔngɔ á ɔ́kapha anu. Nndɔ ungɔ aoɗigimisa ɓeekea nɛnu ka Mbino-Ánjá ndea Kiísito. Ɓámbebande phɔtɔ ka nyɔngɔ á ɓonjánja nɛnu ka égabea ɓɔ nkumba nɛnu na ɓuangbo ɓɔbu.

Ɓagalatía 1:24

Mpɔ, ɓaɓêki ndɔ ɓáombeba Mokonga ka phɔani.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 5:8

Mosá, ɗóɓotú suɓi á kaiphiɔ. Kɛ̌kɛnde gǎkɛ, ka nyɔngɔ á ɔngana anu na Mɔkɔta, ɓo ye tɔ suɓi á owanga. Ɓî aɓó, tambeani ɓea ɓato á owanga.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

1 Timɔtɛ́ɔ 2:10

Ɓáɛtɔndɛ ndiu na tambea ánjá nnde akeni ka ɓake íɓunde ɓáokáɓa beba á Mokonga.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

1 Timɔtɛ́ɔ 5:25

A phɔtɔ ɓó k'ékuma ánjá, aoúbikana base. Nanga nɛngbo nna ɔɔnɛkana, aúbikanande tɔ.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Títɔ 2:7

ka kema bui. Oɓɛ sasakɔ, óɓɛ mphangiɔ k'ékuma ánjá. Góisaga tɔ ɓɔphɛi á ɗoni, nnde akeni.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Títɔ 3:4

Cɔ, ɓî Mokonga Namisi nɛsu, ɗáphangi gǎkɛ base ɓonjánja na ekondi nɛkɛ ka ɓakpa,

Ɓaɛbulanía 10:24

Ɓéenganɛni ka gea te, nkpa na nkpa átɔtɔkisɛ ekondi na ekuma ánjá ka dakɛ.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

1 Pɛ́tɛɛ 3:1

A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

1 Pɛ́tɛɛ 4:14

Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.