Matáyɔ 5:12 - Ɔngana á Kɛ̌kɛ

¹² Gúani jaí na maseye, ka nyɔngɔ nde ɛkɔmi nɛnu ángbó ana koba. Nga, ɓondɔ unge ɗáɓáetambisigi ɓaɔtu-nyɔngɔ ndea Mokonga á mosá anu.

Matáyɔ 5:12 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Lóka 13:34

Hoo! Yɛusalɛ́ma, hoo! Yɛusalɛ́ma, oɓɛ ímbe ǒmowa ɓaɔtu-nyɔngɔ ndea Mokonga, kusa aɓɔ ka makeaga ɛtɛ ɓunde Mokonga aǒteka mɔtɛ-akɔ! Mɔngɔ kǔngaáni ɗékondi dondanisa á ɓakpa nɛkɔ bíbí ani ɓea ama-gbɔ̌kɔ n'aódondanisa ɓ'anakɛ kusi á kepupe akɛ. Cɔ, ɓenu ɗóɓokókóndi gǎkɛ!

Lóka 6:23

Gúani jaí k'ésa ndɔ, ɓɛ́kágáni na maseye nga, ɓoɓande n'ophendɔ ángbó na koba. Nga, ɓondɔ unge ɓatataɓɔ ɗáɓěsoni ɓaɔtu-nyɔngɔ ndea Mokonga.

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Ekuma á ɓateki 16:25

Ka gabekana ésa, Pɔ́lɔ na Síla ɗáɓátú ɔmɛma na émba embɔ á beba á Mokonga. Ɓadaɓɔ ɓato á mekakɔ, ɓáɔ̌ɓɔ́ka.

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ɓalɔ́ma 5:3

Nanga ɓéotambaga, ɓena maseye nga, ɓeoúba gea, tambaga aobikisa moíngí,

1 Ɓakɔlítɔ 3:8

Nkonanigi na nɗuki-iɓo, ɓá tɔ kímoci. Mokonga amphendande nkpa na nkpa ɓíndɔ abɛɗanigi ekuma nɛkɛ.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

Ɓaphilípi 2:17

Nanga ɓámomowa gǎkɛ ɓea nyama á phɛ́a ka nyɔngɔ á ekuma á ɓeekea nɛnu nnde ande ɛkɔmi ka Mokonga, nena maseye k'índɔ, nésikia ɓá na maseye kimoci na ɓenu ɓɔbu.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

Ɓakɔlɔsái 3:24

Úbáni gea, Mɔkɔta anɔkɔmande na ɓotukɔ nde aebisíí ɓakpa nɛkɛ. Kiísito aámbé ande Mɔkɔta á ɗoni mmbé ɓɔɔmbɛɗaneaga.

1 Ɓatɛsalɔníka 2:15

Ai! Ɓayúda ɗáɓěme ɓaɔtu-nyɔngɔ ndea Mokonga, ɓâ phɔtɔ ommowa Mɔkɔta Yéso. Mpɔ, ɓáosótambisaga ɓesu ɓateki. Ɓakpa ndɔ ɓámɓɛisi Mokonga, ɓáoɓá ɓaɓiɓia á ɓakpa ɓɔbu.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Ɓaɛbulanía 11:26

Ɗáúbi gea, tóndea akɛ ɓíndɔ ɗáɓántóndei Kiísito, ana ɓokambia ángbó phɛɛ kɔnyɛ́nya ɛtɔi bubui nde ɗátú ka Mísii nga, ɗáobisa mɔphɛ akɛ k'ophendɔ nde Mokonga amphendande.

Ɓaɛbulanía 11:33

Ka nyɔngɔ á ɓeekea unge ɗáɓátɔki nji ndea ɓaamɛ. Ɗáɓáɔbɛɗanaga ka kɔkɔta nɛɓɔ na koɗoni na tɔá á kema nde Mokonga ɗáɔku. Ɓakpa ɓuangbo ɗáɓáɗaki aphenɔkɔ á ɓasimba.

Ɓaɛbulanía 11:6

Cɔ, kángá á ɓeekea nna na nkpa nde aɔtɔka n'ěkondisigi na Mokonga. Nkpa nde áombîmisia akeni áɓeekeɛ gea te, Mokonga a ɓei. A phɔtɔ ǒphenda ɓundɔ ɓáonkáɓa.

Yakɔ́ɓɔ 1:2

Ɓaya, ɓáni na maseye phɛɛ mbenɔ nde ɓoongia ka tombaga ɗanga-ɗanga.

Yakɔ́ɓɔ 5:10

Ɓaya, ókanisiani phɔ́ ɓaɔtu-nyɔngɔ ndea Mokonga ɓunde ɗáɓáɔyɔnga k'ína á Mɔkɔta, ɓî ɗáɓáphiphíí suɓi á tambaga. Ɓenu, ɓáni phɔtɔ ɓó.

1 Pɛ́tɛɛ 4:13

Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.