Matáyɔ 5:11 - Ɔngana á Kɛ̌kɛ

¹¹ Maseye ka ɓenu, mbenɔ nde ɓáonóbóma, ɓáonótambisaga, ɓáonógeea ájeɗe na ɓátekea anu na nyɔngɔ á mbɛa ka nyɔngɔ ani.

Matáyɔ 5:11 Iomraidhean Croise

Matáyɔ 10:18

Ɓánojúsande mosá á ɓakɔta na ɓaamɛ ka nyɔngɔ ani, ka gea ɓɔ́tɔ̌miɛgɛ nyɔngɔ ani mosá aɓɔ na mosá á ɓundɔ ɓáná Ɓayúda.

Matáyɔ 10:22

Ɓakpa ɓɔbu ɓánokangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande.»

Matáyɔ 10:25

Ambe ngoigi áɓɛ ɓea ngoisigi nɛkɛ, mbɛɗanigi áɓɛ ɓea mɔkɔta ékuma nɛkɛ. Aoɓá na ɓámɔphani mɔkɔta á ekombo k'ína Bɛljɛbúli, ɓáɛɓɔphanande ɓato á k'ékombo nɛkɛ k'ína ájeɗe phɛɛ.»

Matáyɔ 10:39

Mmbé aokonda amba á enda akɛ, aɓúngisande ú. Mmbé aɓungisande gǎkɛ enda akɛ ka nyɔngɔ ani, atɔande ú.»

Matáyɔ 19:29

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Matáyɔ 24:9

Ɓánɔtɔngande ka tambisaga na mowa anu. Ɓakpa ɓɔbu ɓánokangeande ka nyɔngɔ á ina ani.

Matáyɔ 27:39

Ɓakpa nde ɗáɓáɔnyɛ́nya wa, ɗáɓáombóma, na kɔngɔmiaga akɛ na mɔ̌

Málikɔ 13:13

Ɓakpa ɓɔbu ɓánókangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande ka měma.»

Málikɔ 13:9

Ɓenu gǎkɛ, ɛ́ngɛphani. Ɓakpa ɓánɔtɔngande ka ntua á tena á nyɔngɔ. Ɓánóɓindande phɛɛ suɓi éndu á madondanɔ ndea Ɓayúda ka nyɔngɔ á Mokonga. Ɓánóbisande ka njaga á ɓakɔta na ɓaamɛ ka nyɔngɔ ani. Kó, ɓɔ̌tɔmiande gǎkɛ nyɔngɔ nɛmɔ.

Málikɔ 4:17

Aoɓá ka mbenɔ á kpǎ á minyɔ na tambaga ka Nyɔngɔ á Mokonga, ɓâ ndiu okamba ú. Ɓáogua nga, Nyɔngɔ á Mokonga ɗákángisi mǐgi suɓi aɓɔ.

Málikɔ 8:35

Nga, nkpa nde akondi amisa á enda akɛ, aɓúngisande ú. Mmbé a ndiu oɓúngisa enda akɛ ka phɔani na ka phɔa á Mbino-Ánjá, aamisande ú.

Lóka 21:12

Cɔ, mosá índɔ bui, ɓánodungande gǎkɛ na tambisaga anu. Ɓánobisande ka njaga á ɓateni-nyɔngɔ á k'éndu á madondanɔ ndea Ɓayúda ka nyɔngɔ á Mokonga na makea anu ka mekakɔ. Ɓánomámisande mosá á ɓaamɛ na ɓakɔta á ntanga-nji ka nyɔngɔ á ina ani.

Lóka 21:17

Ɓakpa ɓɔbu ɓánokangeande ka nyɔngɔ á ina ani.

Lóka 6:22

Maseye ka ɓenu ɓî ɓakpa ɓáonókangea, ɓáonóphaphea, ɓáonóbóma, ɓáonóyága ka nyɔngɔ ani, eme Muna-Nkpa.

Lóka 9:24

Nga, nkpa nde akondi amisa á enda akɛ, aɓúngisande ú. Mmbé a gǎkɛ oɓúngisa ú ka nyɔngɔ ani, aamisande enda akɛ.

Yoáni 15:21

Cɔ, ɓánotambisagande ɓó ka nyɔngɔ ani. Nga, ɓánaomúba mmbé amoteki.

Yoáni 9:28

Mpɔ, ɓáombóma, ɓáogea: «Oɓɛ aámbé onde ngoigi nɛkɛ, ɓe ndiu ɓagoigi ndea Mósa.

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

Ɓalɔ́ma 8:36

Ɓáɗundu suɓi á Ɓuku á Mokonga ɓe: «Ka nyɔngɔ akɔ unge kukuwa aosókena esa bui. Ɓáɔsɔɔna ɓea ɓamɔgɔgɔ nde ɓákeni na kukuwa.»

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

2 Ɓakɔlítɔ 4:11

Nanga ɓî ɓe phɔ́tɔ oenda, ɓe bíbí á kukuwa ka nyɔngɔ á Yéso, ka gea enda akɛ áɔnɛkanɛ ka nyama á kukuwa nde ɓeně.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

1 Pɛ́tɛɛ 2:23

Cɔ, mbenɔ nde ɗáɓámbómi, kěsikisiɛ mbóma. Mbenɔ nde ɗáɓántambisigi, kěɓángisɛ tanda ɓakpa. Ɗébisi ndiu sasakɛ ka njaga á Mokonga mmbé aotena nyɔngɔ na koɗoni.

1 Pɛ́tɛɛ 4:14

Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.

Mphaniɔ 2:3

Eya! Ona měma á phiphia, otambigi ka nyɔngɔ á ina ani, kángá ɛla.