Matáyɔ 5:10 - Ɔngana á Kɛ̌kɛ

¹⁰ Maseye ka ɓunde ɓakpa ɓáǒtambisaga ka nyɔngɔ á koɗoni nga, koɓoamɛ á na koba ande aɓɔ.

Matáyɔ 5:10 Iomraidhean Croise

Matáyɔ 10:23

Aoɓá na ɓáonótambisaga ka ntanga-nji moci, ɓôtea ka ntanga-nji nɛngbo. Nenóngoɗi ɗoni gea, ɓɔ́kɔ́gɔɓɛku tɔmba á ntanga-nji bui á ka Isilaɛ́li na Muna-Nkpa kábikimbɛ.

Matáyɔ 19:14

Yéso â gǎkɛ ogea: «Óɗoani ɓaniki ɓásɛkɛɗɛ bíbí ani, ɓókǒimisiɛmbɛ nga, koɓoamɛ ndea na koba a ka ɓunde ɓá ɓea ɓaniki.»

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Matáyɔ 5:3

«Maseye ka ɓundɔ ɓá na ɓuyɛnɛ á ka měma ka nyɔngɔ nde koɓoamɛ á na koba ande aɓɔ!

Málikɔ 10:14

Yéso aɔni ye ɓó áɔɓɛa, áǒngoɗea te: «Óɗeketani ɓaniki ɓábɔbɔa ɓábikɛ mɔtɛ-amɔ. Ɓókǒimisiɛmbɛ nga, koɓoamɛ ndea Mokonga a ndiu á ɓakpa ɓunde ɓá ɓea ɓaniki.

Málikɔ 10:30

Mokonga amophande goto kema ndɔ bui mɔngɔ mia moci (100) ka matú nde ɓe phɔ́tɔ oenda, kaɓɛ endu, ɓana-amakɛ, ɓáwákɛ, ɓamakɛ, ɓ'anakɛ na ciko, aɓande phɔtɔ na tambaga. Mpɔ, ka matú nde abikaeka, aɓande na enda á mɛyɔ.

Lóka 21:12

Cɔ, mosá índɔ bui, ɓánodungande gǎkɛ na tambisaga anu. Ɓánobisande ka njaga á ɓateni-nyɔngɔ á k'éndu á madondanɔ ndea Ɓayúda ka nyɔngɔ á Mokonga na makea anu ka mekakɔ. Ɓánomámisande mosá á ɓaamɛ na ɓakɔta á ntanga-nji ka nyɔngɔ á ina ani.

Lóka 22:29

Eme gǎkɛ nenóbisíí koɓoamɛ ɓíndɔ abɛ amobisíí.

Lóka 6:20

Yéso áɔ̌ɔnjia ɓagoigi nɛkɛ áǒngoɗea: «Maseye ka ɓenu ɓato á ɓuyɛnɛ nga, koɓoamɛ ndea Mokonga ande anu.

Lóka 6:22

Maseye ka ɓenu ɓî ɓakpa ɓáonókangea, ɓáonóphaphea, ɓáonóbóma, ɓáonóyága ka nyɔngɔ ani, eme Muna-Nkpa.

Yoáni 15:20

Kanisiani phɔ́ nyɔngɔ nde ɗénóngoɗi gea: ‹Nna na mbɛɗanigi nde, ana ɓoombia kɔnyɛ́nya mɔkɔta nɛkɛ.› Ɓî ɓámotambisigi, ɓánotambisagande phɔtɔ ɓó. Atúoɓá na ɓáambi nyɔngɔ nɛmɔ, ámbé ɓáambande phɔtɔ nɛnu.

Ekuma á ɓateki 5:40

ɓáɔ̌ɓɔphana ɓateki, ɓáǒɓindisa. Ɓáǒimisia gea, Ɓákáyɔngɛmbɛ ye k'ína á Yéso. Mpɔ, ɓáǒɗeketa.

Ekuma á ɓateki 8:1

Cɔ, Saúlɔ ɗáɓeeki mowa á Sɛtɛphánɔ. Esa ndɔ tɔ, Ɓayúda ɓáokpanga sona á kanisa á ka Yɛusalɛ́ma akpɛ. Kaɓondɔ, ɓaɓêki ɓɔbu ɓáophanjekana ka nji á Yudɛ́a na Samalía. Ɓateki ɓáunge ɓâ tɔ ojiga ka Yɛusalɛ́ma.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

Ɓaphilípi 1:28

Ɓókǒɓangɛmbɛ tanda ɓaɓiɓia nɛnu. Ka ɓɔ, nndɔ ande mphangiɔ á ɓungaga aɓɔ, na ka ɓenu, nndɔ ande mphangiɔ á ɓoamia nɛnu ka měma, nnde Mokonga atɔtɔkisi.

2 Timɔtɛ́ɔ 2:12

Aoɓá na ɓeophiphia tambaga kimoci na Kiísito, ɓemameande nji kimoci na yɛ. Kaɓɛ na ɓen'yé Kiísito, yɛ phɔtɔ, asóyande.

2 Timɔtɛ́ɔ 3:11

Ɔphɔtɔ oúba ɓî ɓakpa ɓámodaɗi na tambisaga ani ka Antiɔkía, Ikɔnía, na ka Lísta. Eya, ɗétambigi phɛɛ. Mɔkɔta â gǎkɛ ómoamisa kíndɔ bui.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

Yakɔ́ɓɔ 5:11

Maseye áɓɛ ka ɓunde ɓáphiphíí tambaga. Ɗɔ́ɓɔɔ́ki nyɔngɔ á měma áɗoko ndea Yɔ́bu. Ɓooúba kema nde Mɔkɔta ɗági ka phɔakɛ mbusa í. Nga, Mɔkɔta atúmi na ngomi na ɓonjánja.

1 Yoáni 3:12

Ɓékéɓɛmbɛ ɓea Kaína, mmbé ɓa Nto-ajeɗe, ɓî ɗámmowe muna-amakɛ. Ɗámmowe ka ɓo? Ka nyɔngɔ nde tambea á Kaína ɗátú ájeɗe, nnde á muna-amakɛ gǎkɛ ɗátú á koɗoni.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.