Matáyɔ 4:3 - Ɔngana á Kɛ̌kɛ

³ Kó, Ntombigi áɔsɛkɛɗa bíbí á Yéso, áongoɗea: «Aoɓá n'onde Muna-Mokonga, sosea phɔ́ ɛtɛ nde, áɓɛ mokati.»

Matáyɔ 4:3 Iomraidhean Croise

Matáyɔ 14:33

Cɔ, ɓagoigi nɛkɛ ndɔ ɗáɓátú suɓi á koko, ɓáogbuka muanku aɓɔ mosá á Yéso, ɓáongoɗea te: «Onde Muna-Mokonga ɗoni!»

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 26:63

Yéso áɔphɔnga, phioo! Ngbɛga á ɓatoɓeigi-phɛ́a áongoɗea Yéso te: «K'ína á Mokonga mmbé aoenda, ósongoɗea phɔ́ aoɓá n'ɔmɔ̂ Masíya Muna-Mokonga ɗoni.»

Matáyɔ 3:17

Wa, ɛsɔ áɔɔ́kɛkana n'atóki na koba gea: «Mmbé ande miki nɛmɔ á ekondi, nena maseye ka phɔakɛ.»

Málikɔ 1:1

Wani ande nkpangeɔ á Mbino-Ánjá á Yéso Kiísito, Muna-Mokonga.

Málikɔ 3:11

Ɓuangbo ɗáɓátú na kukuwa á ɓansombo. Ɓansombo ndɔ, ɓî ɓámɔni ye Yéso, ɓáogua k'écinji akɛ, ɓáokoga, ɓáogea: «Oɓɛ onde Muna-Mokonga.»

Málikɔ 5:7

áokoga akpɛ phɛɛ: «Eke nde ɓe n'ɔɓɛ kau Yéso Muna-Mokonga mmbé ana kɔkɔta bui? Nɛɔmɛmi k'ína á Mokonga, komotambisɛgɛmbɛ!»

Lóka 1:35

Malaéka áonsikisia te: «Měma á kanga ɓojeɗe adidande, áoika gǔ akɔ. Mokonga, Mmbé ana kɔkɔta bui, aogbukumiande n'iimbiɔ á ɓukpɛkpɛ nɛkɛ. Kaɓondɔ unge mmbé ɔmɓɔkɔtande aɓande nto á kanga ɓojeɗe, ɓámɔphanande phɔtɔ Muna-Mokonga.

Lóka 22:70

Ɓɔbu ɓâ gǎkɛ ɔyɔnga: «O gǎkɛ tɔ Muna-Mokonga?» Áǒsikisia te: «Ɓɛnu ɓáunge ɓɔyɔngi gea nende yɛ.»

Lóka 4:3

Nketi áongea: «Aoɓá n'onde Muna-Mokonga, sosea phɔ́ ɛtɛ nde áɓɛ mokati.»

Lóka 4:41

Ɓansombo ɓâ phɔtɔ ojuana ɓásii na ɓáokoga: «Onde Muna-Mokonga!» Yɛ, â ndiu ǒkeea, áǒdakanisa, ka nyɔngɔ nde, ɗáɓáúbi gea, Yéso ande Kiísito.

Lóka 4:9

Nketi â goto ɔmɛɛa mosá na Yɛusalɛ́ma, áonɗaphisa gǔ éndu á Mokonga. Áongea: «Aoɓá n'onde Muna-Mokonga ɗoni, ómaka phɔ́ ka oɗo.

Yoáni 1:34

Cɔ, eme Yoáni ɗɛ́nɛɔni nndɔ, néoɗigimisa gea, nkpa ndɔ ande Muna-Mokonga.»

Yoáni 1:49

Kaɓondɔ, Natanaɛ́li áongoɗea: «Ngoisigi, onde Muna-Mokonga, Moamɛ ndea Ɓaisilaɛ́li.»

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Yoáni 9:35

Ɓî Yéso aɔ́ki gea, ɓámɓîgi nami ndɔ, áondonda, áomúsia: «Cɔ, omɓeeki Muna-Nkpa?»

Ekuma á ɓateki 9:20

Kɛ̌kɛndɔ, áɔphɛa k'éndu á madondanɔ ndea Ɓayúda ka nyɔngɔ á Mokonga gea, Yéso ande Muna-Mokonga.

2 Ɓakɔlítɔ 1:19

Nga, Muna-Mokonga Yéso Kiísito mmbé eme Pɔ́lɔ, Timɔtɛ́ɔ na Síla ɗɛ́ɓɛnɔtɔ̌mi nyɔngɔ akɛ, ɗákábiki ka nyɔngɔ á ɓeekea kaɓɛ yá á nyɔngɔ. Suɓi akɛ a ndiu tɔ ɗoni.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

1 Ɓatɛsalɔníka 3:5

Kaɓondɔ unge, ɓî ɗékétɔki phiphia á ɓondeaga, kángá á engekisa á ɓeekea nɛnu, ɗénotekisíí Timɔtɛ́ɔ. Nga, ɗéɓángi gea, Ndemigi kanótombɛgɛ mɔnɔ, mmbe ekuma nɛsu mɔtɛ-anu akuwande ecici.

Ɓaɛbulanía 12:16

Ka ɓenu kaɓɛmbɛ nto á iɛɓɛ na ɓɛnjiaga á kema á ɓonjánja ndea Mokonga ɓea Ɛsáu, mmbé ɗásombisi ɓokutú á ɓɔkɔtɛana akɛ mosá ka nyɔngɔ á eea.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 7:3

Abakɛ n'amakɛ ɓánáoúbikana, ɓatatakɛ phɔtɔ ɓánáoúbikana. Mbino á nkpangeɔ á enda akɛ na mbino á kukuwa akɛ nnaoúbikana. Ka nyɔngɔ nde akengeani na Muna-Mokonga, yɛ aiki ye tɔ ntoɓeigi-phɛ́a mɛyɔ.

1 Yoáni 3:8

Mmbé a gǎkɛ ogea ɓojeɗe, ande nkpa ndea Nketi. Nga, Nketi ɗági ɓojeɗe kpanga conjá á mokonda. Kaɓondɔ unge, Muna-Mokonga ɗásɛnɛki ka túkatúka ekuma ndea Nketi.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.