Matáyɔ 4:23 - Ɔngana á Kɛ̌kɛ

²³ Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Matáyɔ 4:23 Iomraidhean Croise

Matáyɔ 11:5

Ɓakeíme-íme ɓáɔnaphi, ɓaɗɔti ɓátambi ánjá, ɓato á sǔ ɓáesokosei, ɓaɗakekanigi-kecue ɓáɔ́kaphi, ɓasí ɓájujúki ka kukuwa, ɓato á ɓuyɛnɛ ɓáɔ́ki Mbino-Ánjá.

Matáyɔ 12:9

Yéso atóki wa, áoga ongia k'éndu á madondanɔ ndea Ɓayúda ka nyɔngɔ á Mokonga.

Matáyɔ 13:19

Mbó nde ɗágú ka mpɛphɛ á aphe, a ɓea ɓakpa ɓundɔ ɓáɔɔ́ka ɓɔphɛi á koɓoamɛ, kángá engekisa í, na nketi áobika k'aphe á kpɔa nndɔ ɓátókoni ka měma aɓɔ.

Matáyɔ 13:54

áoja ka nji nɛkɛ. Kó, áogoisaga k'éndu á madondanɔ nɛɓɔ Ɓayúda ka nyɔngɔ á Mokonga, ɓato á kó ɓáoyayama, ɓáoúsianaga te: «Atóki na kɔɓɔɔngɛ na ketangaɔ nde aogea suani?

Matáyɔ 14:14

Ɓî Yéso atóki ka koko, áɔɔna usɛsɛ á ɓakpa, áǒkuia ngomi phɛɛ. Áǒamisa ɓunde ɗáɓáosamba ka ɔlɔ aɓɔ.

Matáyɔ 24:14

Ɓáphɛande Mbino-Ánjá á koɓoamɛ ka Mokonda bui ka gea, ɓakpa ɓɔbu ɓáɗigimisɛ ú. Mpɔ sungiaga áojua.

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 9:35

Yéso ɗáɔtɔmba nji na ntanga-nji bui n'aǒgoisaga ɓakpa suɓi éndu á madondanɔ ndea Ɓayúda ka nyɔngɔ á Mokonga, n'aɔphɛa Mbino-Ánjá á koɓoamɛ, n'aoamisa etéte á ngobo na kiɗɔti bui.

Málikɔ 1:14

Esa moci Yéso áoga na Galiláya ka mbenɔ nde ɗáɓándungisi Yoáni. Áɔtɔmia Mbino-Ánjá ndea Mokonga.

Málikɔ 1:21

Mbusa á wa, Yéso na ɓagoigi nɛkɛ ɓáoga na Kapɛɛnaúmu. Esa á saɓáto, kɛ̌kɛndɔ áongia suɓi éndu á madondanɔ ndea Ɓayúda ka nyɔngɔ á Mokonga, áǒgoisaga ɓakpa.

Málikɔ 1:39

Áoga n'aɔtɔmba nji bui nde á ka Galiláya. Áɔ̌phɛa ɓakpa suɓi éndu nɛɓɔ á madondanɔ ndea á Ɓayúda ka nyɔngɔ á Mokonga, â phɔtɔ ǒjuanisa ɓansombo kó.

Málikɔ 3:10

Ɓáɔni ye ɓî Yéso aéamisi ɓakpa ɓásii, ɓasambi ɓɔbu ɓáokamisaga sɛkɛɗa ka mpɛphɛ akɛ ka gea, ɓɔbu ɓámbooɛ ka yɛ.

Málikɔ 6:2

Aɓi ye esa á saɓáto, Yéso áokpanga phɛá suɓi éndu nɛɓɔ á madondanɔ ka nyɔngɔ á Mokonga. Cɔ, ɓunde ɗáɓátú ɔɔ́ka ɓɔphɛi ndɔ ɗáɓáɓiki. Ɓáotangaaga, ɓáogea te: «Mogaa nde atóki na kema nde bui wani? Nkpa sina mmbé amophi kɔɓɔɔngɛ na ɓukpɛkpɛ á tɔtɔkisa ketangaɔ ɓínde?

Málikɔ 6:6

 phɔtɔ kotangaaga ka nyɔngɔ á ɓakpa ndɔ ɓána kángá ɓeekea. Mbusa, Yéso áotimba nji bui nde a bîbíbí á Najalɛ́ti n'aǒgoisaga ɓakpa.

Lóka 10:9

Óamisani phɔtɔ ɓasambi á ka nji ndɔ na ngoɗea ɓɔ te: ‹Koɓoamɛ ndea Mokonga a ye tɔ bíbí anu.›

Lóka 13:10

Cɔ, esa á saɓáto moci, Yéso ɗáogoisaga k'éndu á madondanɔ ndea Ɓayúda ka nyɔngɔ á Mokonga.

Lóka 16:16

Matú ɛ́ɔphi ndea Mósa na ɓuku á ɓaɔtu-nyɔngɔ ndea Mokonga ɗáge osungiaga ka saga ndea Yoáni-Mɓatisi. Kpangea esa ndɔ unge Mbino-Ánjá á koɓoamɛ ndea Mokonga aúbikani, mpɔ nkpa buakɛ a tɔ ǒkukumisa ka gea ángiɛ kau.

Lóka 20:1

Cɔ, esa moci Yéso ɗáǒgoisaga ɓakpa na tɔ̌mia aɓɔ Mbino-Ánjá suɓi éndu ndea Mokonga. Wa, ɓagbɛga á ɓatoɓeigi-phɛ́a, ɓaɗundu-ɛɔphi na ɓakɔta á ɓato á ka nji ɓáobika,

Lóka 4:14

Yéso áoja na Galiláya, ɓukpɛkpɛ á Měma á kanga ɓojeɗe n'atúmi ka měma akɛ, mbino akɛ áɔɛmba ka nji bui á ka mpɛphɛ.

Lóka 5:17

Esa ímoci, ɓî Yéso ɗáogoisaga, Ɓaphaisáyɔ na ɓagoisigi-ɛɔphi ɗáɓáiki ka mpɛphɛ akɛ. Ɗáɓátóki ka nji ɗanga-ɗanga á ka Galiláya n'índe á ka Yudɛ́a na á ka Yɛusalɛ́ma. Ɓukpɛkpɛ á Mɔkɔta Mokonga ɗátú suɓi akɛ ka amisa á ɓasambi.

Lóka 6:17

Cɔ, Yéso áodida na ɓɔ, áomamaga ka ntánda. Wa, ɓagoigi ɗáɓádondani ɓásii. Usɛsɛ ángbó á ɓakpa na ɓátóki na Yɛusalɛ́ma na nji nɛngbo ndea Yudɛ́a, ɗáɓátú phɔtɔ wa, kimoci na ɓato á ka ntanga-nji á ka Tílɔ na Sidɔ́na.

Lóka 6:6

Ɗátú ye esa nɛngbo á saɓáto, Yéso áongia k'éndu á madondanɔ ndea Ɓayúda ka nyɔngɔ á Mokonga, áogoisaga. Nkpa moci ɗátú kuɓei, njaga akɛ á mǔku na káoemana.

Lóka 7:21

Ka mbenɔ ndɔ tɔ, Yéso ɗátú ǒamisa ɓasambi ɓásii, ɓaɗɔti, â phɔtɔ ǒjuanisa ɓansombo na ɔnaphisa á ɓakeíme-íme ɓásii.

Lóka 7:22

Cɔ, Yéso áǒsikisia ɓateki ndea Yoáni áǒgea: «Gǎni, ɓógongoɗeɛ Yoáni nnde ɓɔɔni na ɔ́ka í: ‹Ɓakeíme-íme ɓáɔnaphi, ɓaɗɔti ɓáotamba dɛ! dɛ! dɛ! Ɓato á sǔ ɓésokosei, ɓaɗakekanigi-kecuɛ ɓáɔ́kaphi, ɓasí ɓájujúki ka kukuwa, ɓato á ɓuyɛnɛ ɓáɔ́ki Mbino-Ánjá.

Lóka 8:1

Mbusa á wa, Yéso áoga ka ntanga-nji na ka nji nɛngbo abɔbɔa. Kó, áɔ̌tɔmiaga ɓakpa na phɛá aɓɔ, Mbino-Ánjá á koɓoamɛ ndea Mokonga. Ɓagoigi nkama na ɓaɓɛ (12) ɓáotamba kimoci na yɛ.

Lóka 9:11

Ɓî ɓakpa ɗáɓáúbi gǎkɛ ɓó, ɓâ tɔ omɓea kó. Yéso áǒsesea, áɔ̌tɔ̌miaga nyɔngɔ á koɓoamɛ ndea Mokonga, â phɔtɔ ǒamisa ɓundɔ ɗáɓá na siki á ɓoamia.

Lóka 9:60

Yéso áongoɗea: «Óɗeketa ɓakpa nde ɓáku ɓéúmbɛ ɓakpa nɛɓɔ íɓundɔ ɓáku. Oɓɛ gǎkɛ, gǎ ɔ́tɔ̌miɛgɛ nyɔngɔ á koɓoamɛ ndea Mokonga.»

Yoáni 18:20

Yéso áonsikisia: «Ɗɛ́yɔngi base mosá á ɓakpa ɓɔbu, néogoisaga k'éndu á madondanɔ ndea Ɓayúda ka nyɔngɔ á Mokonga na k'éndu á Mokonga, kuɓî Ɓayúda ɓɔbu ɓáodondanaga. Ɗékébuníígi ka nyɔngɔ mosá á ɓakpa.

Yoáni 6:59

Ɗáyɔngi nndɔ ɓî ɗátú ogoisaga k'éndu á madondanɔ ndea Ɓayúda ka nyɔngɔ á Mokonga ka Kapɛɛnaúmu.

Yoáni 7:1

Mbusa á wa, Yéso áɔtɔmba Galiláya. Ɗákákondi gǎkɛ tɔmba á Yudɛ́a ka nyɔngɔ nde, Ɓayúda ɗáɓáokáɓa mowa akɛ.

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.

Ekuma á ɓateki 18:4

Cɔ, esa á saɓáto bui, Pɔ́lɔ ɗáoabaga na Ɓayúda na Ɓagiíki suɓi éndu á madondanɔ ndea Ɓayúda ka nyɔngɔ á Mokonga ka gea te, ɓáɓeekeɛ.

Ekuma á ɓateki 20:25

Ɗétú ɔphɛa nyɔngɔ á koɓoamɛ ndea Mokonga ka ɔlɔ anu ɓenu ɓɔbu. Kɛ̌kɛnde gǎkɛ, neoúba te ɓɔ́kɔ́mɔɔnɛku ye.

Ekuma á ɓateki 28:31

n'aɔ́phɛa nyɔngɔ á koɓoamɛ ndea Mokonga, na goisaga á nyɔngɔ ndea Mɔkɔta Yéso Kiísito. Â phɔtɔ ɔɔ̌phɛa kángá kɔɓɔɓɔkɔ na kángá á kema nde áonimisia.

Ɓalɔ́ma 10:15

Na ɓakpa ɓátɔmiagande ú ɓo na ɓákáeteki ka tɔ̌miaga í? A ɓíndɔ Ɓuku á Mokonga agi: «Ande maseye ka ɔna bika á ɓunde ɓábiki na Mbino-Ánjá.»