Matáyɔ 4:13 - Ɔngana á Kɛ̌kɛ

¹³ Áotóka ka ntanga-nji á Najalɛ́ti, áoga oika ka ntanga-nji á Kapɛɛnaúmu, ka motii á etǔ Galiláya ka nji á Jebulúni na Naphutáli.

Matáyɔ 4:13 Iomraidhean Croise

Matáyɔ 11:23

«Cɔ, ɓenu ɓato á ka Kapɛɛnaúmu, ɓooúba te, ɓotáiande na koba? Ɓánodidisande sua nji á ɓasí. Nga, ɗátú oɓá ketangaɔ ndɔ ɗágeani mɔtɛ-anu, ɗátú ogeana ka Sɔdɔ́ma, ámbé nji ndɔ ɗátú phɔ́ tɔ ɓei na ka kesande.

Matáyɔ 17:24

Mbenɔ nde Yéso na ɓagoigi nɛkɛ ɓákiɗi ka Kapɛɛnaúmu, ɓaphendisigi-manjanja á endu ndea Mokonga, ɓáɔnsɛkɛɗɛa Pɛ́tɛɛ, ɓáomúsia: «Ngoisigi nɛnu nnaophenda manjanja á endu ndea Mokonga ee?»

Matáyɔ 4:14

Cɔ, ɗágeani ɓo, ka tɔtɔkisa nyɔngɔ nde Isaya mɔtu-nyɔngɔ ndea Mokonga ɗáyɔngi gea:

Matáyɔ 4:15

«Nji á Jabulúni na Naphutáli, k'aphe nde age n'oɓenge, kubi á Yɔɔdáni. Nji á Galiláya ɔma nde ɓakpa nde ɓáná Ɓayúda ɓáiki ɓei!

Matáyɔ 9:1

Yéso áokambea ka koko. Áojaba etǔ, áojúa ka ntanga-nji nɛkɛ.

Málikɔ 1:21

Mbusa á wa, Yéso na ɓagoigi nɛkɛ ɓáoga na Kapɛɛnaúmu. Esa á saɓáto, kɛ̌kɛndɔ áongia suɓi éndu á madondanɔ ndea Ɓayúda ka nyɔngɔ á Mokonga, áǒgoisaga ɓakpa.

Málikɔ 2:1

Mbusa á ɓ'esa ábɔa, Yéso áosikianaga na Kapɛɛnaúmu. Ɓakpa ɓáɔɔ́ka te a mɔtɛ-aɓɔ.

Lóka 10:15

Na ɓenu ɓato á ka Kapɛɛnaúmu, ɓookanisia te, Mokonga anótáisande na koba? Anódidisande ndiu ka nji á ɓasí.»

Lóka 4:23

Mpɔ Yéso áǒsikisia ɓoabi: «Ɗoni, ómongoɗeani phɔ́ mɛní ndee: ‹Nsaku, ósakoa sasakɔ.› Cɔ, gea phɔ́ wani nyɔngɔ ndɔ ɓɛtɔ́ɔ́ki n'ogi na Kapɛɛnaúmu nga, wani ande nji nɛkɔ.»

Yoáni 2:12

Mbusa á wa, Yéso áoga na Kapɛɛnaúmu, kimoci na amakɛ, ɓana-amakɛ, na ɓagoigi nɛkɛ. Ɓáoika kó k'ésa ábɔa.

Yoáni 4:46

Yéso â goto oga na Kána á ka Galiláya, k'ɔ́ma ndɔ ɗágaí iɓo ka divai. Cɔ, muna-moamɛ moci ɗátú osamba ka Kapɛɛnaúmu.

Yoáni 6:17

Kó, ɓáokambea ka koko, ka gǎ nci á na Kapɛɛnaúmu. Esa ɗágeoípha Yéso na k'édondimbɛ.

Yoáni 6:24

Mbenɔ nde usɛsɛ á ɓakpa ndɔ ɗáɓáɔni gea, Yéso kaɓɛ ɓagoigi nɛkɛ, ɗáɓákátú wa, ɓáokambea ka koko ndɔ, ɓáoga onkaɓa Yéso na Kapɛɛnaúmu.

Yoáni 6:59

Ɗáyɔngi nndɔ ɓî ɗátú ogoisaga k'éndu á madondanɔ ndea Ɓayúda ka nyɔngɔ á Mokonga ka Kapɛɛnaúmu.