Matáyɔ 4:10 - Ɔngana á Kɛ̌kɛ

¹⁰ Mpɔ Yéso áongea: «Tóka wa, Sɛtáni! Ɓáɗundu suɓi á Ɓuku á Mokonga ɓe: ‹Onɗokomisande Mɔkɔta, Mokonga nɛkɔ na yɛ sasakɛ tɔndɔ aámbé ombebande.›»

Matáyɔ 4:10 Iomraidhean Croise

Matáyɔ 16:23

Yéso áǒpháia ka Pɛ́tɛɛ, áongea: «Já nɛkɔ mbusa ani, Sɛtáni nde ca! Onde ephiphi ájeɗe k'éme nga, kanisia akɔ nna ɓea Mokonga, a ndiu tɔ á kokpa.»

Málikɔ 1:13

Áoika ka nkanda esa nkama gena (40). Kó, Sɛtáni áontombaga. Yéso ɗátú kimoci na ɓanyama, na ɓamalaéka ɓáɔmbɛɗaneaga.

Lóka 10:18

Mpɔ, Yéso áǒgea: «Ɗɛ́mɔni Sɛtáni n'agú ka toka na koba ɓea phenua á mbua.

Lóka 11:18

Aoɓá Sɛtáni n'aǒmanisa sasakɛ, koɓoamɛ nɛkɛ amamande ɓo? Negi ɓó nga, ɓogi te neǒjuanisaga ɓansombo ka ɓukpɛkpɛ á Bɛljɛbúli.

Lóka 13:16

Cɔ, nke nde ande mosuko ndea Abalaámu, Sɛtáni ɗángbúki ka ɓasaga nkama na ngianjaga isaɔ (18), kátókeni amisa á nke ndɔ k'ésa á saɓáto?»

Lóka 22:3

Ɓî Sɛtáni angí ka měma á Yúda mmbɔ ɓáɔmɔphana Isikaliɔ́ta, mmbé ɗátú ka ɓagoigi nkama na ɓaɓɛ (12),

Lóka 22:31

Yéso áɔyɔnga gea: «Simɔ́ni, Simɔ́ni, Sɛtáni anɔmɛmi gea, ánɔpɛcɛ sumbia ɓî ɓámɔ̂ɔpɛca mbó ka ungɔ.

Lóka 4:8

Yéso â gǎkɛ onsikisia: «Ɓuku á Mokonga agie: ‹Gbúka tɔ muanku akɔ mosá á Mɔkɔta nɛkɔ Mokonga. Ɔ́mbɛɗaneɛgɛ tɔ yɛ sasakɛ.›»

Yoáni 13:27

Yúda áɔbɛɗa gbútuka á mokati ndɔ, mpɔ Sɛtáni áongia suɓi akɛ. Yéso áongoɗea: «Cɔ, kamisaga tɔtɔkisa á kema nde oogea ógeɛ.»

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ekuma á ɓateki 5:3

Pɛ́tɛɛ â gǎkɛ ongoɗea te: «Ananía caa! Eke nde Sɛtáni, angí ně ka měma akɔ, na dema á Měma á kanga ɓojeɗe ɓende? Nga, ɔsɔ̌mi phaeka á imɔna nde ɔtɔí ka ciko ndɔɔ.

1 Ɓakɔlítɔ 5:5

Cɔ, mbisani nkpa ndɔ ka njaga á Sɛtáni gea, nyama akɛ áújukanɛ, měma akɛ áamɛ gǎkɛ esa nde Mɔkɔta Yéso ajande.

1 Ɓakɔlítɔ 7:5

Ɓókóúmanɛ mɔnɔ. Aoɓá n'ande ka nyɔngɔ á mɛma á Mokonga, ɔ́kanani ko ɓaɓɛ anu ka mbenɔ ábɔa. Mbusa í, ɓóodondana ka ɓánga gea, Sɛtáni kanótombɛgɛmbɛ, ka nyɔngɔ nde, ɓókó na ɓukpɛkpɛ á amba nyama anu.

2 Ɓakɔlítɔ 11:14

Kema ndɔ nna á tangaaga í nga, Sɛtáni aǒgaia sasakɛ ka gea te, ande malaéka nde aojuanisa owanga.

2 Ɓakɔlítɔ 12:7

Mokonga ɗámɔɓɛti na kenkumbɔ ka gea te, kěbebɛ mɔnɔ sasani, ka nyɔngɔ á mphaniɔ ángbó ndɔɔ. Kenkumbɔ ndɔ ɗátú ɓea mphaniɔ ndea nteki nde ɓa Sɛtáni nnde ɗámɔɓɛti ka imisiani ɓá na ɓemboko phɛɛ.

2 Ɓakɔlítɔ 2:11

Negi ɓondɔ ka gea, Sɛtáni kasódemɛgɛmbɛ, nga ɓeoúba kanisia akɛ.

Yakɔ́ɓɔ 4:7

Kaɓondɔ, ódidisani mosá á Mokonga, ɓón'yegɛ nketi na ateande áoga ɗanga.

1 Pɛ́tɛɛ 5:9

Ɓókogamanɛ na yɛ, kakamanani ka ɓeekea. Úbani gea ɓadanu ɓaɓêki ka mokonda bui ɓá tɔ ka tambaga ndɔɔ.