Matáyɔ 3:9 - Ɔngana á Kɛ̌kɛ

⁹ Ɓókokanisiɛmbɛ gea, nnde ɓooianaga sasanu ka měma anu gea te: ‹Abalaámu ande tatasu›, sungíi ungɔ. Nenóngoɗi gea, Mokonga aɔtɔka gaiya á ɓ'ɛtɛ nde ɓáɓɛ ɓasuko á Abalaámu.

Matáyɔ 3:9 Iomraidhean Croise

Málikɔ 7:21

Nga, suɓi á měma á nkpa, aunge kanisia ájeɗe aojuana kaɓɛ: mambɔ, kuɓa, mowa á nkpa,

Lóka 12:17

Kaɓondɔ, ntɔi ndɔ ɗáokanisia ɓe: ‹Negeande ɓo? Kéná ɔma ka bisa á ɗungu nɛmɔ bui.›

Lóka 16:24

Áontoɓea Abalaámu ɓe: «Abɛ hoo! Ómokuia ngomi. Nteka kani Lajáɔ, áubɛ́ sese á miki á njaga akɛ ka iɓo, ádɛkisɛgɛ n'eɗáka ani. Eme aámbé neotambaga k'ɛɛmbɛ á nsa ndee.»

Lóka 19:40

Mpɔ Yéso áǒsikisia gea: «Nenóngoɗi, nanga ɓɔ ɓáphɔnga, ɓ'etae ɓáphúiande ɛsɔ akpɛ.»

Lóka 3:8

Tɔtɔkisani pɛ ekuma ánjá ka úbisa gea ɓokěti ye tambea anu ájeɗe. Ɓókóikiɛmbɛ égea sasanu te, tatasu ande Abalaámu. Cɔ, nenóngoɗi gea, Mokonga ana ɓukpɛkpɛ á gaía á ɓ'ɛtɛ nde, áomesia ɛɓɔkɔti ndea Abalaámu.

Lóka 5:22

Ɓî Yéso, ɗáúbi ianaga aɓɔ, áǒngoɗea ɓe: «Ka nyɔngɔ sina nde ɓona nkókó á ianaga nde suɓi á měma anu?

Lóka 7:39

Ɓî Mophaisáyɔ mmbɔ ɗámɔphani Yéso aɔni ye ɓó, áǒgea sasakɛ te: «Atú oɓá nkpa nde n'ande mɔtu-nyɔngɔ ndea Mokonga ɗoni, ámbé aúbi etéte á nke nde aondungaga nga, ana tambea ájeɗe.»

Yoáni 8:33

Ɓáonsikisia: «Ɓesu, ɓende ɓato á k'ɛɓɔkɔti ndea Abalaámu. Nkpa kásobisimbɛ mɔnɔ tanda ka kɔkɔɓɛ ndeakɛ. Cɔ, ɔɔtɔka n'osóngoɗi gea, ɓetókande ka kɔkɔɓɛ ɓo?»

Yoáni 8:37

Eya, neoúba gea, ɓonde ɓato á k'ɛɓɔkɔti ndea Abalaámu. Ɓo ndiu okaɓa mowa ani ka nyɔngɔ nde, ɓókóoɓeekea nyɔngɔ nɛmɔ.

Yoáni 8:53

Ande gea te, onde ngbɛga kɔnyɛ́nya tatasu Abalaámu, mmbɔ aku ndɔ, na ɓaɔtu-nyɔngɔ ndea Mokonga phɔtɔ? Cɔ, oɓɛ onde ani?»

Ekuma á ɓateki 13:26

Ɓaya, ɓasuko á Abalaámu na ɓaɓángi-Mokonga. Ɓesu ɓáunge Mokonga ɗásotekisíí nyɔngɔ á ɓoamia á ka měma ndee.

Ekuma á ɓateki 15:14

Simɔ́ni ɗásóngoɗi ɓî Mokonga aphangisi phɔ́ ngomi nɛkɛ ka ɓato á k'ékuna nɛngbo gea, ɛ́sɔmbɔɛ ka ɔlɔ aɓɔ, ɓábɛ ɓakpa nɛkɛ.

Ɓalɔ́ma 4:1

Cɔ, ɓɛyɔngande ka phɔa tatasu Abalaámu ɓo? Ekende ɗátɔí ka kokpa akɛ?