Matáyɔ 3:7 - Ɔngana á Kɛ̌kɛ

⁷ Cɔ, Ɓaphaisáyɔ na Ɓasadukáyɔ ɓásii, ɗáɓámbikíí Yoáni-Mɓatisi, ka gea áeɓatisɛ, áǒngoɗea: «Ɛɓɔkɔti á kaɓokosa nde ca! Ani mmbé ɗánophangi aphe á tea á esúia ndea Mokonga nnde a bíbí á bika?

Matáyɔ 3:7 Iomraidhean Croise

Matáyɔ 12:24

Ɓî Ɓaphaisáyɔ ɓáɔ́ki gǎkɛ nyɔngɔ ndɔ, ɓáogea: «Mogaa nde aǒjuanisa ɓansombo ka kɔkɔta á Bɛljɛbúli, mɔkɔta á ɓansombo.»

Matáyɔ 12:34

Cɔ, benu ɛɓɔkɔti á kaɓokosa nde ca! Ɓɔ́kɔ́ɔtɔka na ɓɔyɔngi nyɔngɔ nde aánjá nga, ɓo ɓakpa ɓájeɗe. Nga, nyɔngɔ nde atúmi ka měma á nkpa, aunge aɔyɔnga ú.

Matáyɔ 15:12

Mpɔ ɓagoigi ɓáɔnsɛkɛɗɛa Yéso, ɓáongea: «Ooúba gea, měma á Ɓaphaisáyɔ agú ka ɔ́ka á nyɔngɔ ndɔ ɔtɔ́yɔngi?»

Matáyɔ 16:1

Ɓaphaisáyɔ na Ɓasadukáyɔ ɗáɓámbîmisi Yéso, ka tombaga akɛ. Ɓáɔmɛma gea, áephangiɛ mphangiɔ á ketangaɔ ka ubisa aɓɔ ɗoni gea, Mokonga aámbé anteki.

Matáyɔ 16:6

Yéso áǒngoɗea te: «Óengani na cacu ndea Ɓaphaisáyɔ na Ɓasadukáyɔ.»

Matáyɔ 22:15

Mpɔ Ɓaphaisáyɔ ɓáoga onca Yéso ka ɛkɛa akɛ mɛ̌kɔ ka gea, ɓánkoɗɛ ka yɔngɛa akɛ sisakɛ.

Matáyɔ 22:23

Esa ndɔ tɔ, Ɓasadukáyɔ ɓɔ, ɗáɓákátúoɓeekea nyɔngɔ á jujúka ka kukuwa, ɓáombîmisia Yéso ɓáomúsia te:

Matáyɔ 22:34

Mbenɔ nde Ɓaphaisáyɔ ɗáɓáɔ́ki gea, Yéso aedakanisi Ɓasadukáyɔ, ɓáodondanaga.

Matáyɔ 23:33

Ɓanjɔka, ekombo á ɓakaɓokosa nde ca! Ɓookanisia gea ɓoúkaeka ka tena á nyɔngɔ nɛnu akpɛ k'ɛɛmbɛ á nsa nde nnaoímika ɓo?

Matáyɔ 5:20

Nenógie, akoɓá koɗoni anu na kányɛ́nyi nnde á ɓaɗundu-ɛɔphi na Ɓaphaisáyɔ, ɓókóngiɛku ka koɓoamɛ á na koba.

Málikɔ 12:13

Ɓáǒteka ka Ɓaphaisáyɔ na ka ɓakpa ndea Moamɛ Ɛlɔ́dɛ kuɓî Yéso aɔ, ka gea ɓánkongoɛ ka ɓoabi nɛkɛ.

Málikɔ 12:18

Ka Ɓasadukáyɔ ɓáobika mɔtɛ á Yéso. Ɓasadukáyɔ ɓánde ka Ɓayúda nde ɗáɓátú ɔphɛa gea, ɓasí ɓákájujúkaeka ka kukuwa. Kaɓondɔ, ɓáomúsia Yéso te:

Málikɔ 8:15

Yéso â gǎkɛ ɔ̌phɛá te: «Ɛ́ngɛphani! Óɓangisani na cacu ndea Ɓaphaisáyɔ n'índe á Ɛlɔ́dɛ.»

Lóka 16:14

Wandɔ, Ɓaphaisáyɔ ɓáɔntɛbɛaga Yéso ka nyɔngɔ ndɔ bui nga, ɗáɓáokondaga imɔna.

Lóka 18:11

Mophaisáyɔ áǒmesia, áɔmɛma Mokonga ka měma akɛ sasakɛ ɓe: ‹Hoo Mokonga! Nekosikisíí ɓosegi nga, ké ɓea ɓakpa ɓuangbo ɓunde ɓánde ɓakukuɓa, ɓato á kanga koɗoni, ɓato á iɛɓɛ. Nekosikisíí phɔtɔ ɓosegi gea, ké ɓea mphendisigi-manjanja ndee.

Lóka 7:30

Wa, Ɓaphaisáyɔ, na ɓaɗundu-ɛɔphi, ɗáɓáyé ndiu moangɔ á Mokonga ka ɓɔ, ka nyɔngɔ nde, ɗáɓákákondi gea te Yoáni éɓatisɛ.»

Yoáni 1:24

Cɔ, sɔsɔɓɛ á ɓateki ndɔ, ɓunɛngbo ɗáɓátú Ɓaphaisáyɔ.

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

Yoáni 9:40

Ka Ɓaphaisáyɔ nde ɗáɓátú wa, ɓî ɓáɔ́ki nyɔngɔ ndɔ, ɓáomúsia: «Ande gea te, ɓe phɔtɔ ɓakeíme-íme?»

Ekuma á ɓateki 15:5

Ɓaɓêki ɓuangbo, ɓundɔ ɗáɓátú mosá k'ékombo ndea Ɓaphaisáyɔ, ɓáoma, ɓáɔyɔnga te: «Akeni ndiu ɓaɓêki á k'ékuna nɛngbo ɓunde ɓáɓeeki, ɓáguɛ ganja na sosea aɓɔ gea ɓáambɛ ɛɔphi ndea Mósa.»

Ekuma á ɓateki 20:31

Cɔ, ɛngɛphani na ɓókoɓoseɛmbɛ gea ka ɓasaga ɓasaɔ keiphe n'esa ɗékéɗeketi phɛá ka nkpa ka ɔlɔ anu na iɓo á ngamɔ.

Ekuma á ɓateki 26:5

Ɗáɓáomúba kpanga á kala. Aoɓá na ɓákondi, ɓáɔtɔka na ɓáɗigimisi nyɔngɔ nɛmɔ gea nende ka ɓato á esomba nɛsu á Ɓaphaisáyɔ, ɓundɔ ɓáoamba phɛɛ ɛɔphi ndea Ɓayúda.

Ekuma á ɓateki 5:17

Mpɔ, ngbɛga á ɓatoɓeigi-phɛ́a, na ɓunde ɗáɓátú kimoci na yɛ ande gea te, ɓato á k'ékombo ndea Ɓasadukáyɔ, ɓáoɓá na nsengo ka ɓateki na kanea aɓɔ.

Ɓalɔ́ma 1:18

Cɔ, na koba, Mokonga aúbisi base gea, aɓɛí ka nyɔngɔ á ɓojeɗe bui nde ɓakpa ɓáogea, phɔtɔ ɓî ɓákáomɓánga. Ɓakpa ndɔ ɓáunge ɓáɗaki gea, ɗoni á Mokonga kaɓɛ base.

Ɓalɔ́ma 5:9

Kɛ̌kɛnde, Mokonga asótangi ye ɓato á koɗoni ka nyɔngɔ á magia ndea Yéso, nndɔ aúbisi base gea, yɛ asóamisande k'ésúia ndea Mokonga.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

Ɓaɛbulanía 6:18

Cɔ, Mokonga aɔɔkɔa na ɔphá, ande gea te nyɔngɔ iɓɛ ndɔ a tɔ ɗoni, kátinganɛku. Nga, Mokonga kátɔkɛku n'asódemi. Ka nyɔngɔ índɔ unge ɓena ɓukpɛkpɛ á ka měma. Cɔ, ɓesu íɓunde ɓetí, ɓedungi ye tɔ nseɓeɔ nde a mosá asu.

1 Yoáni 3:10

Aphe á uba ɓana-Mokonga na ɓana-nketi aungee: Nkpa nde nnaotamba k'aphe á koɗoni na nnaonkonda dakɛ, aámbé nna muna-Mokonga.