Matáyɔ 3:6 - Ɔngana á Kɛ̌kɛ

⁶ Ɓáoɓeekea ɓojeɗe nɛɓɔ, mpɔ Yoáni áǒɓatisa ɓɔbu ka iɓo Yɔɔdáni.

Matáyɔ 3:6 Iomraidhean Croise

Matáyɔ 3:11

Eme, neonóɓatisa ka iɓo ka phangia base gea, ɓosagi ɓojeɗe nɛnu. Mmbé a gǎkɛ obika mbusa ani, anoɓatisande na Měma á kanga ɓojeɗe na nsa. Yɛ, amɔnyɛ́nyi ka ɓoombia, kékeni na phúia ɓiato nɛkɛ.

Málikɔ 1:5

Ɓakpa ɓɔbu á ka ntanga-nji á Yudɛ́a na ɓunde á ntanga-nji á Yɛusalɛ́ma, ɓáondonda, ɓáɔyɔnga nyɔngɔ á ɓojeɗe nɛɓɔ. Mpɔ, Yoáni áǒɓatisa ka iɓo Yɔɔdáni.

Lóka 1:16

Ějisande Ɓaisilaɛ́li ɓásii ka Mokonga, Mɔkɔta nɛɓɔ.

Lóka 3:16

Yoáni â gǎkɛ ǒsikisia ɓakpa ɓɔbu gea: «Eme neonóɓatisa nɛmɔ ka iɓo. Nkpa moci a gǎkɛ obika mbusa ani n'amɔnyɛ́nyi ka ɓukpɛkpɛ. Kékeni koɗa á ngoi á ɓiato nɛkɛ. Yɛ aámbé anóɓatisande ka Měma á kanga ɓojeɗe na ka nsa.»

Ekuma á ɓateki 1:5

Nga, Yoáni ɗéɓatisi ɓaɓêki na iɓo, ɓenu gǎkɛ mbusa á esa ábɔa, Mokonga anoɓatisande na Měma akɛ.»

Ekuma á ɓateki 11:16

Wa, ɗénekanisi nyɔngɔ á Mɔkɔta Yéso nnde ɗági te: ‹Yoáni ɗátúoɓatisa na iɓo. Ɓenu gǎkɛ, Mokonga anoɓatisande na Měma akɛ.›

Ekuma á ɓateki 19:18

Ɓakpa ɓásii, ɓunde ɗáɓámɓeeki Mɔkɔta Yéso, ɓáobika ɔɓɔngisiaga nyɔngɔ nɛɓɔ na yɔnga í mosá á ɓakpa.

Ekuma á ɓateki 22:16

Cɔ, kɛ̌kɛnde, kema sina nde ooɓondea? Má, ɓáoɓatisɛ, ɔ́mɛmɛ Mokonga ka gea te, áímɛ ɓojeɗe nɛkɔ.›

1 Ɓakɔlítɔ 10:2

Egugu na iɓo ndɔ, ɗátú mphangiɔ á oɓatísɔ ka ɓɔ ɓɔbu ka gea, ɓájukanɛ na Mósa.

Ɓakɔlɔsái 2:12

Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

Ɓaɛbulanía 6:2

ɓɔphɛi ka nyɔngɔ á oɓatisɔ, ka nyɔngɔ á bisia á njaga, ka nyɔngɔ á jujúka ka kukuwa, ɓakpa nde ɗáɓáku na nyɔngɔ á tena nyɔngɔ á ka sungiaga.

Ɓaɛbulanía 9:10

Nndɔ bui atɔndɔ ka nyɔngɔ á kema á koea, kema á onoa na moangɔ ɗanga-ɗanga á sokosea á ɓojeɗe á nkpa. Kantíti índɔ ɗásungíígi ka mbenɔ nde Mokonga ɗáɓɔngisigi moangɔ á kɛ̌kɛ.

Yakɔ́ɓɔ 5:16

Cɔ, Phúiani kaɓu nde nkpa na nkpa atú ně ka dakɛ. Nkpa na nkpa ámɛmɛ phɔtɔ Mokonga ka phɔa dakɛ ka gea ɓóamɛ. Nga, ɛmɛmi á nto á koɗoni ana ɓukpɛkpɛ phɛɛ.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

1 Yoáni 1:9

Aoɓá gǎkɛ na ɓekěti tambea asu, Mokonga nto á koɗoni mmbé aɔtɔtɔkisa mɔkɔ nɛkɛ, aímande ɓojeɗe nɛsu bui na sokosea asu.