Matáyɔ 3:2 - Ɔngana á Kɛ̌kɛ

² «Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 3:2 Iomraidhean Croise

Matáyɔ 10:7

Ɔ́tɔ̌miagani ɓakpa k'aphe gea: ‹Koɓoamɛ á na koba a ye tɔ bíbí.›

Matáyɔ 11:20

Mpɔ Yéso áokpanga yeya á ɓato á ka ntanga-nji ɗanga-ɗanga nde ɗági ketangaɔ ásii kau nga, ɗáɓákákěti tambea aɓɔ ájeɗe. Aogea:

Matáyɔ 12:41

Esa á tena á nyɔngɔ, ɓato á ka Nináwe ɓábikande ɔnɔtɔnga ɓenu ɓato á k'ɛɓɔkɔti nde ka nyɔngɔ nde ɓɔ, ɗáɓákěti tambea aɓɔ ájeɗe ka ɔ́ka á ɓɔphɛi ndea Yɔ́na. Cɔ, mmbé awani, anyɛ́nyi Yɔ́na.

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Matáyɔ 13:24

Yéso áǒngoɗea mɛní nɛngbo, áɔyɔnga te: «Koɓoamɛ á na koba akengeani na nkpa moci mmbé ɗákoni mbó ánjá ka ciko nɛkɛ.

Matáyɔ 13:31

Yéso áǒngoɗea mɛní nɛngbo, áɔyɔnga te: «Koɓoamɛ á na koba akengeani na mbó á Aladáli nnde nkpa ɗábɛɗi, áokona ka ciko nɛkɛ.

Matáyɔ 13:33

Yéso áǒngoɗea mɛní nɛngbo, áogea: «Koɓoamɛ á na koba akengeani na cacu nnde nke ɗádausani na mpusu á mucɛɛ ásii ka gea, mpusu ndɔ áɓimbɛ.»

Matáyɔ 13:47

Koɓoamɛ á na koba a ɓea moaɓɔ na ɓáubi ka iɓo nnde etéte bui á ɓasú ɓáotá kau.

Matáyɔ 13:52

Mpɔ áǒngoɗea gea: «Ngoisigi-ɛɔphi mmbé aɓeeki nyɔngɔ á koɓoamɛ á na koba, akengeani na mɛna-éndu, mmbé aphúi k'ɛtɔi nɛkɛ, kema á kɛ̌kɛ, na kema á kala.»

Matáyɔ 18:23

Cɔ, ka nyɔngɔ índɔ unge koɓoamɛ ndea na koba akengeani na mɛní ndee: Moamɛ moci ɗákondi áúbɛ nyɔngɔ á imɔna nɛkɛ nnde ɗáɛɛkisi ɓabɛɗanigi nɛkɛ.

Matáyɔ 20:1

«Koɓoamɛ á na koba akengeani na nndee: Nkpa moci ɗájúani ka mɔkɛsuɛ, ka kaɓa á ɓakpa á bɛɗanaga ka ciko nɛkɛ á mujabíbu.

Matáyɔ 22:2

«Koɓoamɛ á na koba akengeani na Moamɛ moci mmbé ɗáɓɔngisigi ka anakɛ jaí á eyamani.

Matáyɔ 23:13

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒɗakea ɓakpa aphe á ngia ka koɓoamɛ ndea na koba na ɓenu ɓókóongia sasanu kau. Ɓókóokonda gea ɓunde ɓána mɔphɛ á ngia ɓángiɛ. [

Matáyɔ 25:1

Koɓoamɛ á na koba aɓande ɓea eganí á ɓaseka nkama (10) ɓundɔ ɗáɓábɛɗi ɔbɛa nɛɓɔ ka gǎ dondanisa á mǒko éyamani.

Matáyɔ 25:14

«A ɓea mǒko moci mmbé ɗáogea ámɛɛ tamba, áɔ̌ɓɔphana ɓabɛɗanigi nɛkɛ ka ɗeketea aɓɔ nkumba nɛkɛ.

Matáyɔ 4:17

Ka mbenɔ ndɔ tɔ, Yéso áokpanga phɛá ɓe: «Kětiani tambea anu ájeɗe nga, koɓoamɛ ndea na koba a bíbí!»

Matáyɔ 4:23

Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Matáyɔ 5:10

Maseye ka ɓunde ɓakpa ɓáǒtambisaga ka nyɔngɔ á koɗoni nga, koɓoamɛ á na koba ande aɓɔ.

Matáyɔ 5:3

«Maseye ka ɓundɔ ɓá na ɓuyɛnɛ á ka měma ka nyɔngɔ nde koɓoamɛ á na koba ande aɓɔ!

Matáyɔ 6:10

Ambe koɓoamɛ nɛkɔ ábikɛ. Ambe mɔphɛ nɛkɔ átɔtɔkɛanɛ ka mokonda ɓíndɔ á na koba.

Matáyɔ 6:33

Kaɓani phɔ́ koɓoamɛ na koɗoni ndea Mokonga. Mpɔ, anóphande kema bubui nde anójiganei.

Málikɔ 1:15

Áogea te: «Cɔ, mbenɔ ajú nga, koɓoamɛ ndea Mokonga a ye tɔ bíbí. Kětiani tambea anu ájeɗe, ɓóɓeekeɛ Mbino-Ánjá.»

Málikɔ 1:4

Kaɓondɔ, Yoáni-Mɓatisi ɗásɛnɛki ka nkanda n'aɔ̌tɔmia ɓakpa ɓe: «Kětiani tambea anu ájeɗe, ɓánoɓatisɛ, mpɔ Mokonga áimɛ ɓojeɗe nɛnu.»

Málikɔ 6:12

Mbusa í, ɓateki ɓáoga, ɓáɔ̌tɔmia ɓakpa te: «Kětiani tambea anu ájeɗe.»

Lóka 1:16

Ějisande Ɓaisilaɛ́li ɓásii ka Mokonga, Mɔkɔta nɛɓɔ.

Lóka 11:20

Cɔ, eme gǎkɛ, ɓî neǒjuanisa ɓansombo ka ɓukpɛkpɛ á miki á njaga á Mokonga, ande gea, koɓoamɛ ndea Mokonga anódondi.

Lóka 13:3

Ɓɛɛndɔ! Nenógie, akoɓá na ɓókókěti tambea anu, ɓotindande ɓenu ɓɔbu ɓea ɓɔ.

Lóka 13:5

Ɓɛɛndɔ! Nenógie, aoɓá na ɓókókěti tambea anu, ɓotindande phɔtɔ ɓenu ɓɔbu ɓea ɓɔ.»

Lóka 15:10

Nenógie, ɓondɔ unge ɓamalaéka ndea Mokonga ɓáguande jaí ka nyɔngɔ á nto á ɓojeɗe moci n'akěti tambea akɛ.»

Lóka 15:7

Nenógie, ɓondɔ unge aɓande maseye ángbó na koba, aoɓá nto á ɓojeɗe moci n'akěti tambea akɛ ájeɗe, kɔ̌nyɛ́nya ɓakpa nkama ngianjaga gena na ngianjaga gena (99) ɓunde ɓáká na siki á kětia tambea aɓɔ.

Lóka 16:30

Ntɔi áogea: «Nna ɓó! Abɛ Abalaámu, atú oɓá nkpa n'atóki ka ɔlɔ á ɓasí, áoga mɔtɛ-aɓɔ, ɓékětiande.»

Lóka 21:31

A tɔ ɓó ka ɓenu. Mbenɔ nde ɓɔɔna nyɔngɔ ndɔ n'atɔtɔkɛani, úbani gea koɓoamɛ ndea Mokonga a ye tɔ bíbí.»

Lóka 24:47

Goto ka ina akɛ unge ɓɛ̌phɛande ɓato á ka ekuna bui, kpanga ka Yɛusalɛ́ma gea te, ɓákětiɛ tambea aɓɔ, mpɔ Mokonga áímɛ ɓojeɗe nɛɓɔ.

Lóka 6:20

Yéso áɔ̌ɔnjia ɓagoigi nɛkɛ áǒngoɗea: «Maseye ka ɓenu ɓato á ɓuyɛnɛ nga, koɓoamɛ ndea Mokonga ande anu.

Lóka 9:2

Mpɔ áǒteka ka tɔ̌miaga á nyɔngɔ á koɓoamɛ ndea Mokonga na amisa á ɓasambi.

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 17:30

Mokonga nna ye gǎkɛ oɓea nyɔngɔ nde ɓakpa ɗáɓági na ɓákáomúba. Kɛ̌kɛnde aeɓɔphani ye tɔ ɓakpa ɓɔbu á k'ɔma bui ka kětia á tambea aɓɔ.

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ekuma á ɓateki 20:21

Nɛ̌phɛí Ɓayúda na ɓunde ɓáná Ɓayúda base gea, ɓákětiɛ tambea aɓɔ mosá á Mokonga na ɓámɓeekeɛ Mɔkɔta nɛsu Yéso.

Ekuma á ɓateki 26:20

Cɔ, ɗɛ́phɛí phɔ́ gǎkɛ ɓato á ka Damasíki, mpɔ ɓato á ka Yɛusalɛ́ma, na ɓato á ka nji á Yudɛ́a ɓɔbu, na ɓakpa nde ɓáná Ɓayúda. Ɓɔphɛi ndɔ ɗátú ka gea, ɓákětiɛ tambea aɓɔ ájeɗe, ɓéphaiɛ ka Mokonga, mpɔ ɓáúbisɛ gea, ɓá ye ěkěti.

Ekuma á ɓateki 3:19

Cɔ, akeni phɔ́ ɓókětiɛ tambea anu, ɓóopháiɛ ka Mokonga. Mpɔ, áoíma ɓojeɗe nɛnu.

2 Ɓakɔlítɔ 7:10

Nga, esúia nde aotóka ka mɔphɛ á Mokonga, aoketia tambea ka ɓá na ɓoamia á ka měma, ianaga káɓéku ye. Esúia á mɔphɛ á ka mokonda a gǎkɛ okusisa.

Ɓakɔlɔsái 1:13

Yɛ aámbé ɗásókoɗigi ka ɓukpɛkpɛ á kaiphiɔ, áosóngisa ka koɓoamɛ ndea Miki nɛkɛ ékondi.

2 Timɔtɛ́ɔ 2:25

Mmbé aɔ̌phɛa ɓakpa nde ɓáopúa na yɛ na měma aphɔngɔ. Kǎi Mokonga aeɓophande měma á kětia á tambea aɓɔ ájeɗe, ɓáoúba koɗoni,

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

2 Pɛ́tɛɛ 3:9

Cɔ, Mɔkɔta nnaoiphia ka tɔtɔkisa á mɔkɔ nɛkɛ ɓíndɔ ɓakpa ɓuangbo ɓáokanisia. Yɛ, a gǎkɛ onóphiphia nga, kákondi gea, ka ɓenu moci áɓungɛgɛ. Akondi ndiu gea, ɓakpa ɓɔbu ɓákětiɛ tambea nɛɓɔ ájeɗe.

Mphaniɔ 2:21

Ɗémophi mbenɔ ka gea ákětiɛ tambea akɛ ájeɗe, nna gǎkɛ okonda ɗeketa nyɔngɔ á iɛɓɛ.

Mphaniɔ 2:5

Cɔ, kanisia phɔ́ tambea akɔ á mosá, kɛ̌kɛnde gǎkɛ, ogu. Cɔ, kětia tambea akɔ ájeɗe, ótambeɛ ɓíndɔ ɗótú otambea mosá. Kaɓɛ na kókěti tambea akɔ ájeɗe, ámbé nekobikiande, néophúia ɔbɛa nɛkɔ k'ɔ́ma í.