Matáyɔ 3:11 - Ɔngana á Kɛ̌kɛ

¹¹ Eme, neonóɓatisa ka iɓo ka phangia base gea, ɓosagi ɓojeɗe nɛnu. Mmbé a gǎkɛ obika mbusa ani, anoɓatisande na Měma á kanga ɓojeɗe na nsa. Yɛ, amɔnyɛ́nyi ka ɓoombia, kékeni na phúia ɓiato nɛkɛ.

Matáyɔ 3:11 Iomraidhean Croise

Matáyɔ 3:6

Ɓáoɓeekea ɓojeɗe nɛɓɔ, mpɔ Yoáni áǒɓatisa ɓɔbu ka iɓo Yɔɔdáni.

Málikɔ 1:4

Kaɓondɔ, Yoáni-Mɓatisi ɗásɛnɛki ka nkanda n'aɔ̌tɔmia ɓakpa ɓe: «Kětiani tambea anu ájeɗe, ɓánoɓatisɛ, mpɔ Mokonga áimɛ ɓojeɗe nɛnu.»

Lóka 1:17

Ammɛande Mɔkɔta mosá, atambande na měma á ɓukpɛkpɛ ɓíndɔ Elía mɔtu-nyɔngɔ ndea Mokonga ɗátú ně. Abikande k'aphe á ɔnganisa á ɓaɓɔkɔti na ɓ'anaɓɔ, ɓaɗakekanigi-kecue ɓáúbaphande ɓea ɓato á koɗoni. Abisande měma ánjá suɓi á ɓakpa ka ɓondea á Mɔkɔta nɛɓɔ.»

Lóka 3:16

Yoáni â gǎkɛ ǒsikisia ɓakpa ɓɔbu gea: «Eme neonóɓatisa nɛmɔ ka iɓo. Nkpa moci a gǎkɛ obika mbusa ani n'amɔnyɛ́nyi ka ɓukpɛkpɛ. Kékeni koɗa á ngoi á ɓiato nɛkɛ. Yɛ aámbé anóɓatisande ka Měma á kanga ɓojeɗe na ka nsa.»

Lóka 3:3

Áɔtɔmba nji bui á ka mpɛphɛ á Yɔɔdáni n'aɔ̌phɛa ɓakpa ɓe: «Kětiani tambea anu ájeɗe, ɓánoɓatisɛ, mpɔ Mokonga áímɛ ɓojeɗe nɛnu.»

Yoáni 1:15

Yoáni ɗáɗigimisi nyɔngɔ nɛkɛ, áoaba n'ɛsɔ akpɛ gea: «Yɛ aámbé ɗɛ́yɔngi nyɔngɔ nɛkɛ gea: ‹Mmbé aobika mbusa ani, amɔnyɛ́nyi nga, ɗáendi mosá á ɓɔkɔtɛana ani.›»

Yoáni 1:30

Yɛ aámbé ɗɛ́ɔyɔnga ka phɔakɛ gea: ‹Mmbé aobika mbusa ani, amɔnyɛ́nyi nga, ɗáendi mosá á ɓɔkɔtɛana ani.›

Ekuma á ɓateki 1:5

Nga, Yoáni ɗéɓatisi ɓaɓêki na iɓo, ɓenu gǎkɛ mbusa á esa ábɔa, Mokonga anoɓatisande na Měma akɛ.»

Ekuma á ɓateki 19:4

Pɔ́lɔ áǒngoɗea te: «Yoáni ɗéɓatisi ɓundɔ ɗáɓákěti tambea aɓɔ ájeɗe, na ngoɗea á ɓakpa gea, ɓámɓeekeɛ mmbé abikande mbusa akɛ, ande gea Yéso.»

Ekuma á ɓateki 8:36

Ɓáotútuisa tamba nɛɓɔ, ɓáokiɗia k'ɔ́ma nde ɗátú na iɓo. Mbɛɗanigi angbóngbó ndɔ â gǎkɛ ongea te: «Cɔ, iɓo ungee, ekende aomoimisia oɓatisɔ?» [

Ekuma á ɓateki 8:38

Mpɔ, mbɛɗanigi angbóngbó ndɔ áomamisisa koko, ɓɔbu ɓáodida ka iɓo, Philípɔ áomɓatisa.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Títɔ 3:5

áosóamisa ka měma. Nna gǎkɛ ka nyɔngɔ á ekuma ánjá nɛsu nnde ɓɛtɔtɔkisi unge agi ně ɓó, a ndiu ka kuia asu ngomi. Ɗásóamisi ka měma ka opha asu enda á kɛ̌kɛ ka iɓo á oɓatisɔ na Měma á kanga ɓojeɗe.

1 Pɛ́tɛɛ 5:5

A phɔtɔ ɓó ka ɓenu ɓaganda na ɓaseka, ɔ́ɓɔ́kani ɓagbɛga á kanisa. Ɓenu ɓɔbu ka tambea anu, ódidisani nkpa moci ka dakɛ nga, Ɓuku á Mokonga ayɔngi gea: «Mokonga nnaogamana na ɓato á ɓemboko, a ndiu ǒɓopha ɓato á édidisa ɓonjánja-ékondi nɛkɛ.»