Matáyɔ 27:2 - Ɔngana á Kɛ̌kɛ

² Mbusa á ɓoaga akɛ, ɓáonga ně mosá á Pilátɔ, mɔkɔta nde amamei nji á Yudɛ́a.

Matáyɔ 27:2 Iomraidhean Croise

Matáyɔ 20:19

Ɓámbisande ka njaga á ɓakpa ɓunde ɓáná Ɓayúda ka gea, ɓánɛphɛɛ, ɓámɓindɛ na gbutu na kɔkɛaga akɛ ka moyangɔ. Mpɔ, k'ésa á ko isaɔ ajujúkande ka kukuwa.»

Matáyɔ 28:14

Aoɓá mɔkɔta n'aɔ́ki nyɔngɔ ndɔ, ámbé ɓesu ɓɛyɔngagande na yɛ bîbíbí gea, ɓákanógeɛmbɛ ájeɗe.

Lóka 13:1

Ka mbenɔ ndɔ, ɓakpa ɓuangbo ɓáobika ɔntɔmia Yéso te: «Moamɛ Pilátɔ ěmówesi ɓa Galiláya ɓî ɗáɓáotoɓoa phɛ́a ka Mokonga.»

Lóka 20:20

Mpɔ ɓáokpanga ɓɔgɔmɛaga á Yéso, ɓáǒteka ɓakpa nde ɗáɓáǒdemisaga gea ɓánde ɓato á koɗoni ka gea, Yéso átɛ ka mɛ̌kɔ nɛɓɔ mbenɔ nde aɓande ɔyɔnga. Wa unge ɓántɔngande mɔtɛ á mmbé ana kɔkɔta á nji bui.

Lóka 23:1

Mpɔ, ɓakpa ndɔ ɓáɔmɛɛa ɓɔbu, ɓáonga na Yéso mosá á Pilátɔ.

Lóka 23:12

Esa ndɔ Ɛlɔ́dɛ na Pilátɔ ɓáɔɔngana nga, ɗáɓátú na k'oɓiɓiá mosá.

Lóka 3:1

Nyɔngɔ nde ɗátú ka saga á ko nkama na ɓɔku á koɓoamɛ ndea moamɛ angbóngbó Tibɛlíɔ Kaisáa, Pɔntíɔ Pilátɔ ɗátú mɔkɔta ka Yudɛ́a. Galiláya ɗátú kusi á kɔkɔta á Ɛlɔ́dɛ. Itulɛ́a na Taakɔníti ɗátú kusi á kɔkɔta á Philípɔ, muna-amakɛ na Ɛlɔ́dɛ. Abilɛ́nɛ ɗátú kusi á kɔkɔta á Lisanía.

Yoáni 18:12

Cɔ, ɓato émani, mɔkɔta nɛɓɔ, na ɓaɓondigi ndea Ɓayúda, ɓáondunga Yéso, ɓáomɓóaga.

Yoáni 18:24

Mpɔ, Anási áonteka Yéso na ɓámɓóege, mɔtɛ á Kayápha, ngbɛga á ɓatoɓeigi-phɛ́a.

Yoáni 18:28

Ka mɔkɛsuɛ, ɓaamɛ á Ɓayúda ɓáonjuana na Yéso mɔtɛ á mɔkɔta Kayápha, ɓáonga ně k'éndu ndea moamɛ á ntanga-nji ndea Ɓalɔ́ma. Ɗáɓákángi gǎkɛ k'éndu ndɔ nga, ɗáɓákátúokonda ɓájɔɔkanɛ ka nyɔngɔ á ea á Pasáka.

Ekuma á ɓateki 12:6

Ɗájigi esa moci ka gea Ɛlɔ́dɛ átenɛ nyɔngɔ ndea Pɛ́tɛɛ. Kǐpha, Pɛ́tɛɛ áoɗá sɔsɔɓɛ á ɓato émani ɓaɓɛ. Ɗáɓámɓóege na ngoi iɓɛ á ngɔa. Ɓato émani ɓaɓɛ ɗáɓátú oɓondeaga mosá á kǐo á mekakɔ.

Ekuma á ɓateki 21:33

Mɔkɔta á ɓato émani ndɔ, áombîmisia Pɔ́lɔ, áondunga, áososea gea, ɓámɓóɛgɛ na ngoi-ngoi á ngɔa iɓɛ, mpɔ áǒɓúsia ɓakpa ndɔ: «Ɓaya, animámbe? Agi eke?»

Ekuma á ɓateki 22:25

Cɔ, ɓî ɗáɓáomɓóaga na ngoi, Pɔ́lɔ â gǎkɛ ongoɗea mɔkɔta á ɓato émani mmbɔ ɗátú wa gea: «Aoɓá nkpa n'ande Mɔlɔ́ma, ona kɔkɔta á ɓinda akɛ na ɓákátenimbɛ nyɔngɔ nɛkɛ?»

Ekuma á ɓateki 22:29

Kɛ̌kɛndɔ, ɓunde ɗáɓátú ogea ɓámɓindɛ Pɔ́lɔ ɓáǒjujia. Mɔkɔta â phɔtɔ oɓánga nga, ɗásosi ɓámɓóegɛ Pɔ́lɔ n'ande Mɔlɔ́ma.

Ekuma á ɓateki 24:27

Mbusa á ɓasaga ɓaɓɛ, Pɔɔkíɔ Phɛ́sitɔ áɔmpɛna Phelíki. Phelíki ɗákondi ékondisaga na Ɓayúda, ka ɓɔndɔ áonɗeketa Pɔ́lɔ ka mekakɔ.

Ekuma á ɓateki 28:20

Kaɓondɔ unge nɛnɔ́ɔphani gea nɛ́nɔɔnɛ, nɛ́yɔngɛgɛ na ɓenu. Nga, ɓámɔɓɔí ngoi á ngɔa nde, ka nyɔngɔ á nseɓeɔ nde Ɓaisilaɛ́li ɓáně.»

Ekuma á ɓateki 3:13

Nna ɓó, atambi ka ɓukpɛkpɛ ndea Mokonga, mmbɔ ɓatatasu Abalaámu, Isáka na Yakɔ́ɓɔ ɗáɓámbɛɗaneigi. A phɔtɔ aámbé anɗokomisi mbɛɗanigi nɛkɛ Yéso ka ketangaɔ ndee. Ɗóɓombisi ka njaga á Moamɛ Pilátɔ, ɓóon'yá. Nanga ɓî ɗákondi ɗeketa akɛ,

Ekuma á ɓateki 4:27

Ande ɗoni, moamɛ Ɛlɔ́dɛ, mɔkɔta Pɔntíɔ Pilátɔ, ɓato á ka Isilaɛ́li na ɓato á k'ékuna nɛngbo ɗáɓádondanigi ka ntanga-nji nde ka maca á dunga á Yéso, nto á kanga ɓojeɗe na mbɛɗanigi nɛkɔ mmbé ɗɔ́nsɔmbu áɓɛ Kiísito.

Ekuma á ɓateki 9:2

áɔmmɛma ɓaoɓa á ngia í ně k'éndu á madondanɔ ndea Ɓayúda ka nyɔngɔ á Mokonga á ka Damasíki, ka gea, aoɓá n'aedondi ɓǒko na ɓake, ɓunde ɓáotamba k'aphe ndea Yéso, áédungɛ, áéɓóɛgɛ, áégɛ na ɓɔ na Yɛusalɛ́ma.

1 Timɔtɛ́ɔ 6:13

Nekososi mosá á Mokonga, mmbé ande cina á enda bui, na mosá á Kiísito Yéso, mmbé ɗáengekisi koɗoni nɛkɛ mosá á Pɔntíɔ Pilátɔ gea,

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

Ɓaɛbulanía 13:3

Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.