Matáyɔ 26:53 - Ɔngana á Kɛ̌kɛ

⁵³ Kóoúba gea te, netókeni ɔphana á Abɛ, ámotekisiɛ mɔngɔ ímoci ekombo émani á ɓamalaéka kɔnyɛ́nya nkama moci na iɓɛ (12)?

Matáyɔ 26:53 Iomraidhean Croise

Matáyɔ 25:31

Mbenɔ nde Muna-Nkpa abikande k'óbebɔ nɛkɛ kimoci na ɓamalaéka ɓɔbu, aikande ka kankaanga á koɓoamɛ.

Matáyɔ 4:11

Mpɔ, nketi áonsaga Yéso, ɓamalaéka ɓáobika ɔmbɛɗaneaga.

Málikɔ 5:15

Ɓáobika bíbí á Yéso, ɓáɔmɔna nto á kukuwa á ɓansombo ɓásii n'aiki ka oɗo, n'aɔ́li bɔngɔ ánjá, n'aye tɔ oúbapha. Ɓakpa ndɔ ɓâ gǎkɛ oɓá na kɔɓɔɓɔkɔ.

Málikɔ 5:9

Mbusa, Yéso áomúsia: «Ina akɔ ande eke?» Áonsikisia te: «Ina ani ande Ekombo á ɓato émani nga, ɓeɓiki phɛɛ.»

Lóka 8:30

Cɔ, Yéso áomúsia te: «Ina akɔ ande eke?» Áonsikisia: «Ina ani ande Ekombo á ɓato émani.» Ɗági ɓo nga, ɓansombo ɓásii ɗáɓángí suɓi akɛ.

Yoáni 10:18

Nna na nkpa nde aomoúta enda, eme sasani tɔndɔ aámbé neoɗeketa ú. Nga, nena ɓukpɛkpɛ á phúia í, ne phɔtɔ na ɓukpɛkpɛ á ɓoá í goto. Nndɔ ungɔ Abɛ amososi.»

Yoáni 18:36

Yéso áonsikisia gea: «Koɓoamɛ nɛmɔ nna á ka mokonda ndee. Atúoɓá koɓoamɛ nɛmɔ n'ande á ka mokonda nde, ámbé ɓato á ka koɓoamɛ nɛmɔ ɗáɓámomanei gea, ɓákamobisɛmbɛ ka njaga á ɓaamɛ ndea Ɓayúda. Koɓoamɛ nɛmɔ nna gǎkɛ á wani.»

2 Ɓatɛsalɔníka 1:7

Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

Yúda 1:14

Cɔ, nyɔngɔ aɓɔ unge Ɛnɔ́ka nkpa á ko ngianjaga iɓɛ kpangá ka Adámu ɗáɔtu kala gea te: «Ɔ́nani, Mɔkɔta aobika na ɓamalaéka ndeakɛ ɓásii phɛɛ