Matáyɔ 26:41 - Ɔngana á Kɛ̌kɛ

⁴¹ Cɔ, ɓókoɗɛmbɛ, mɛmani Mokonga gea te, ɓókoguɛmbɛ ka mbenɔ á tombaga, měma ana ɓukpɛkpɛ, nyama gǎkɛ aunge aɔlɔmani.»

Matáyɔ 26:41 Iomraidhean Croise

Matáyɔ 24:42

Cɔ, ɛ́ngɛphani nga, ɓókóoúba esa nde Mɔkɔta nɛnu abikaeka.

Matáyɔ 25:13

Yéso áɔsɛkisia yɔnga te: «Ɛ́ngɛphani nga, ɓókóoúba kaɓɛ esa, kaɓɛ mbenɔ.»

Matáyɔ 26:38

Áǒngoɗea te: «Měma ani atúmi na ɓɔmbɛ á kukuwa, ikani wani, ɓókoɗɛmbɛ ɓíndɔ eme kéɗɛku.»

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Málikɔ 14:38

Cɔ, ɓókóɗɛmbɛ, mɛmani Mokonga gea te, ɓókoguɛmbɛ ka mbenɔ á tombaga. Měma ana ɓukpɛkpɛ, nyama gǎkɛ aunge aɔlɔmani.»

Lóka 11:4

Íma ɓojeɗe nɛsu nga, ɓesu sasasu ɓe phɔtɔ oíma ka ɓakpa ɓɔbu ɓojeɗe nde ɓasogǐí. Kosóɗeketɛmbɛ ka mbenɔ á tombaga.»

Lóka 21:36

Cɔ, ɓókóɗɛmbɛ. Mɛmani Mokonga ka mbenɔ bui. Kaɓondɔ, ɓoɓande na ɓukpɛkpɛ á oloka nyɔngɔ bui nde akiɗianande, mpɔ ɓômama mosá ani eme Muna-Nkpa.»

Lóka 22:40

Aɓí ye ɓî ajú kó, áǒngoɗea: «Mɛmani ka gea ɓókóguɛmbɛ mbenɔ nde ɓáonótombaga.»

Lóka 22:46

Mpɔ áǒngoɗea: «Ɓoɗe ka nyɔngɔ éke? Máni ɓɔ́mɛmɛ ka gea ɓókoguɛmbɛ mbenɔ nde ɓáonótombaga.»

Lóka 8:13

Ɓuangbo ɓá gǎkɛ ɓea mbenɔ nde mbó ndɔ ɗágu ka oɗo nde á n'ɛtɛ. Ɓáɔɔ́ka nyɔngɔ á Mokonga, ɓáɔbɛɗa ú na maseye. Nyɔngɔ ndɔ kangiɛ ndiu ɓea mǐgi suɓi aɓɔ. Ɓá tɔ oɓeekea ka mbenɔ ábɔa. Aoɓá na ɓáetambisigi tɔ ábɔa, ɓáoɗeketa ú.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

1 Ɓakɔlítɔ 10:13

Tombaga bubui nde aonódonda, a tɔ unge aǒdonda ɓakpa ɓɔbu. Mokonga kánóɗeketɛku gea, tombaga nde ɓoɓande kau anyɛ́nyɛ ɓukpɛkpɛ anu nga, Yɛ nna oketia mɔkɔ nɛkɛ. Mbenɔ nde ɓoɓande suɓi á tombaga, anóphande gǎkɛ ɓukpɛkpɛ á phiphia í na aphe á tɔka í.

1 Ɓakɔlítɔ 16:13

Phɛani tɔ̌, ósimbiani ka ɓeekea nɛnu. Ɓáni na nténdé na ɓukpɛkpɛ!

1 Ɓakɔlítɔ 9:27

Ne gǎkɛ otambisaga nyama ani phɛɛ ka gea, nena kɔkɔta gǔ í. Ande ka gea, mbusa á phɛá á ɓakpa ɓuangbo, ɓákámoyɛgɛ mɔnɔ.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 6:18

Mɛmani Mokonga kángá ɗeketa. Mɛmani mbenɔ bui ka ɓukpɛkpɛ á Měma. Phɛani tɔ̌ kángá ɛla k'ɛ́mɛmi ka phɔa ɓakpa ɓɔbu ndea Mokonga.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.

Mphaniɔ 16:15

«Cɔ, ɔ́kani, nebiki ɓea nkukuɓa. Maseye ka mmbé aɔphɛa tɔ̌ na ámbá bɔngɔ nɛkɛ, kágɛku ndúmbú na kuwa na soni mosá á ɓakpa.»

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.