Matáyɔ 26:10 - Ɔngana á Kɛ̌kɛ

¹⁰ Yéso áoúba kanisia aɓɔ, áǒngoɗea te: «Ka nyɔngɔ éke nde ɓoontambisaga nke nde ka měma? Kema nde agi ka phɔani aánjá.

Matáyɔ 26:10 Iomraidhean Croise

Matáyɔ 26:11

Ɓona ɓato á ɓuyɛnɛ esa bui bíbí anu. Eme kéɓɛku gǎkɛ na ɓenu wani esa bui.

Matáyɔ 26:9

Nga, ɓátú ndiu osombisa ú k'ésombi akpɛ phɛɛ, na gabea á ɓaúki imɔna í.»

Málikɔ 14:6

Mpɔ, Yéso áǒngoɗea te: «Nkambani nke ndɔ, phio! Ɓoma ontambisaga ka ɓo? Amogǐí ánjá phɛɛ.

Lóka 8:49

Yéso n'a phɔ́tɔ ɔyɔnga, ntɔmi-mbino moci áokiɗia n'atóki k'éndu á moamɛ á endu á madondanɔ ndea Ɓayúda ka nyɔngɔ á Mokonga. Áongoɗea Yaílɔ: «Cɔ, nseka nɛkɔ aku. Kɔ́nɛisɛgɛmbɛ ye Ngoisigi.»

2 Ɓakɔlítɔ 9:8

Mokonga ana ɓukpɛkpɛ á opha anu kema ásii phɛɛ ka gea, ɓóɓɛ na kema bui nde ɓookonda. Gǔ índɔ goto, ɓoɓande na nnde ɓɔtɔtɔkisande ně kema ánjá bubui.

Ɓagalatía 1:7

Eya, nna na Mbino-Ánjá nɛngbo, a ndiu tɔ na ɓakpa nde ɓáonoyombokisa na kaɓa á gaía Mbino-Ánjá ndea Kiísito.

Ɓagalatía 5:12

Cɔ, ɓakpa nde ɓáobika n'oyombɔ sɔsɔɓɛ anu, ɓáétongoɛ ye tɔ sasaɓɔ!

Ɓagalatía 6:17

Kpanga á kɛ̌kɛnde, nkpa kamotambisɛgɛmbɛ ye goto. Nga, epe-epe nde neně ka nyama ani, ande ka nyɔngɔ á Yéso.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

2 Ɓatɛsalɔníka 2:17

ánóphɛ ɓukpɛkpɛ, na mamisa anu akpɛ esa bui k'ékuma ánjá, nanga á ɓá kaɓɛɗanaga, nanga á ɓá ka yɔnga.

1 Timɔtɛ́ɔ 3:1

Nyɔngɔ á ɗoni aungee: Aoɓá nkpa n'aokonda ekuma á ɓá nambi-kanisa, akondi ekuma ánjá.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

2 Timɔtɛ́ɔ 2:21

Aoɓá nkpa n'ěsokosei ka tokisa á ɓojeɗe bui á ka měma akɛ, aɓande ɓea nkumba nde ɓáɔbɛɗanaga ně ka jaí, nnde mɛna-endu abisi ka mpɛphɛ, n'aɓɔngisi k'ékuma ánjá bui.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Títɔ 3:1

Cɔ, ókanisia ɓaɓêki gea te, akeni ɓaedidisɛ kusi á ɓakɔta na ɓaamɛ nɛɓɔ, ambe ɓáɛɓɔ́kɛ na ɓeekea á tɔtɔkisa ekuma bui nde aánjá.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.