Matáyɔ 24:7 - Ɔngana á Kɛ̌kɛ

⁷ Ɓato á k'ékuna moci ɓámanande na ɓato á k'ékuna nɛngbo, koɓoamɛ moci amanande na koɓoamɛ nɛngbo. Monganya na ɓaningina aɓande ka nji ɗanga-ɗanga.

Matáyɔ 24:7 Iomraidhean Croise

Lóka 21:11

K'ɔ́ma ɗanga-ɗanga aɓande na ɓaningina akpɛ, na monganya, na kěta. Kema á ɓangisa, na mphangiɔ ángbóngbó atókande phɔtɔ na koba.

Ekuma á ɓateki 11:28

Ka ɓɔ moci ina akɛ Agábɔ, áɔɔ́tɔa nyɔngɔ ka ɓukpɛkpɛ á Měma á kanga ɓojeɗe gea, monganya aguande ka mokonda bui. Monganya ndɔ ɗágú gǎkɛ ka matú á moamɛ ndea Lɔ́ma, ina akɛ Kɔɔdíɔ.

Ekuma á ɓateki 2:19

Negeande ketangaɔ na koba k'égo, nê phɔtɔ ogea mphangiɔ kusi á maní. Magia, nsa n'eɓundu á maki aɓande ɓei.

Ɓaɛbulanía 12:27

Ɓî agi: «Neɗengisande goto», ande gea te, Mokonga aɗengisande kema nde ɗáconji, kema ndɔ káɓɛku ye. Kema nde nnaɔtɔka n'aɗengi aunge ajigande.

Mphaniɔ 6:12

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ngianjaga (6), ɓaningina akpɛ phɛɛ áoɓá, maní áoinda ɓea bɔngɔ á kekusa, songe áotaneaga ɓea magia.

Mphaniɔ 6:5

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko isaɔ, nɛ́ɔmɔ́ka makɛlúbi ɓa ko ɓasaɔ n'aogea: «Bika!» Nɛɔmɔna mponda á emani ɓa ko ɓasaɔ n'aphíphí. Mmbé ɗákǎmbi gǔ akɛ ɗábɛɗi kilɔ ka njaga.

Mphaniɔ 6:6

Nɛ́ɔɔ́ka ɓea ɛsɔ n'aotóka sɔsɔɓɛ á ɓamakɛlúbi gena ndɔ, n'aogea: «Kilɔ moci á nganɔ ande ophendɔ á ekuma á esa moci. Kilɔ isaɔ á saíli ande ophendɔ á ekuma á esa moci. Cɔ, ɓókotúkatúkɛmbɛ gǎkɛ gamba na divai.»

Mphaniɔ 6:8

Nɛɔmɔna mponda á emani moci, nkeke akɛ n'akengeani na ebǔ. Ina á mmbé ɗákǎmbi gǔ akɛ ande Kukuwa. Nji á ɓasí ɗáobika mbusa akɛ. Ɓáǒɓopha kɔkɔta gǔ á phaeka gena á mokonda, ka mowa á ɓakpa na píndí, monganya, esambɔ, na ɓanyama akaekae á ka mokonda.