Matáyɔ 24:3 - Ɔngana á Kɛ̌kɛ

³ Ɓî Yéso ɗáiki gǔ á mamba á Mijɛitúni, ɓagoigi nɛkɛ ɓáombîmisia, ɓáongoɗea ka mpɛphɛ te: «Ósongoɗea phɔ́ mbenɔ sina, nndɔ ageanande. Goto, mphangiɔ sina nde aúbisaeka mbenɔ á jua akɔ na á sungiaga á mokonda?»

Matáyɔ 24:3 Iomraidhean Croise

Matáyɔ 13:36

Mpɔ, Yéso áoɗeketa usɛsɛ á ɓakpa, áoga k'éndu. Ɓagoigi nɛkɛ ɓáɔsɛkɛɗa bíbí akɛ, ɓáongoɗea te: «Ósongoɗea phɔ́ kantíti á mɛní á ɔphɔ ájeɗe á ka ciko.»

Matáyɔ 13:49

Ɓende unge aɓáeka k'ésa á sungia á mokonda: Ɓamalaéka ndea Mokonga, ɓáekatanisaeka ɓato-ájeɗe na ɓato á koɗoni.

Matáyɔ 15:12

Mpɔ ɓagoigi ɓáɔnsɛkɛɗɛa Yéso, ɓáongea: «Ooúba gea, měma á Ɓaphaisáyɔ agú ka ɔ́ka á nyɔngɔ ndɔ ɔtɔ́yɔngi?»

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 16:28

Nenóngoɗi ɗoni gea, ka ɓunde ɓá wani, ɓákákuwɛku mosá á ɔna á Muna-Nkpa, n'aobika ɓea Moamɛ.»

Matáyɔ 17:19

Mbusa, ɓagoigi ɓáɔsɛkɛɗa bíbí á Yéso, ɓáomúsia ka mpɛphɛ gea: «Ka nyɔngɔ sina nde ɓékétɔki phúia á nsombo ndɔ?»

Matáyɔ 21:1

Ɓî Yéso na ɓagoigi nɛkɛ ɗáɓábîmisi Yɛusalɛ́ma, ɓáojúa bíbí á nji Bɛtɛphágɛ, ka mamba á Mijɛitúni, áǒteka ka ɓagoigi nɛkɛ ɓaɓɛ mosá.

Matáyɔ 24:27

Muna-Nkpa abikande ɓea phenua á mbua na koba nde aobenya ka toka n'okomo, áoga n'oyonga.

Matáyɔ 24:30

Mphangiɔ á Muna-Nkpa asɛnɛkande na koba na ɓukpɛkpɛ ángbó. Cɔ, ɓato á ka mokonda ɓɔbu ɓátaɓokanagande. Ɓámɔnande Muna-Nkpa n'akiɗiani k'egugu á na koba na ɓukpɛkpɛ na ɓophómbia.

Matáyɔ 24:37

Nyɔngɔ nde ɗányɛ́nyi ka matú ndea Nɔ́a, aunge aɓande phɔtɔ ka matú á bika á Muna-Nkpa.

Matáyɔ 24:39

Ɗáɓákáosenda ka kema, na ka ɓî iɓo ɗátúmi phɛɛ áǒmia ɓɔbu. Aɓáeka tɔ ɓó esa nde Muna-Nkpa abikaeka.

Matáyɔ 24:43

Ɔ́kani ánjá! Ɗátúoɓá mɛna-endu n'aúbi esa nde nkukuɓa amúɓiande, ámbé ɗáphɛi tɔ̌ ka gea nkukuɓa ndɔ kángiɛmbɛ k'éndu nɛkɛ.

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Lóka 21:7

Mpɔ ɓáomúsia Yéso te: «Cɔ, Ngoisigi, nyɔngɔ ndɔ atɔtɔkɛanande mbenɔ sina, na mphangiɔ sina nde aúbisande gea kema ndɔ atɔtɔkɛanande?»

Ekuma á ɓateki 1:7

Yéso áǒsikisia te: «Nna nyɔngɔ nɛnu úba á esa na matú nde Abɛ ɗáangi ka kɔkɔta nɛkɛ sasakɛ.

Ɓaɛbulanía 9:26

nga, atúoɓá n'aɓó, ámbé ɗátambigi mongɔ ásii kpanga á conjá á mokonda. Cɔ, kɛ̌kɛnde ka mbenɔ á sungiaga, Kiísito aɔnɛkani tɔ mɔngɔ ímoci ka gea áímɛ ɓojeɗe ka ɓî yɛ sasakɛ aku ɓea nyama á phɛ́a.