Matáyɔ 23:8 - Ɔngana á Kɛ̌kɛ

⁸ Ɓenu gǎkɛ, ɓókóɓeekeɛmbɛ ɓánɔɔphanɛ: ‹Ɓagoisigi›. Nga, ɓenu ɓɔbu ɓonde ɓato á komunamema na ɓona ngoisigi moci tɔndɔ.

Matáyɔ 23:8 Iomraidhean Croise

Matáyɔ 10:25

Ambe ngoigi áɓɛ ɓea ngoisigi nɛkɛ, mbɛɗanigi áɓɛ ɓea mɔkɔta ékuma nɛkɛ. Aoɓá na ɓámɔphani mɔkɔta á ekombo k'ína Bɛljɛbúli, ɓáɛɓɔphanande ɓato á k'ékombo nɛkɛ k'ína ájeɗe phɛɛ.»

Matáyɔ 17:5

N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Matáyɔ 23:10

Ɓákanɔ́ɔphanɛmbɛ tanda: ‹Ɓakɔta›. Nga, ɓo tɔ na Mɔkɔta moci, Kiísito.

Matáyɔ 23:7

Ɓákondi gea te ɓáɓɛǒsesea n'obebɔ k'ɔ́ma nde ɓakpa ɓáɓiki, ɓɛ́ɓɔphanɛ ɓɔ: ‹Ɓagoisigi›.

Matáyɔ 26:25

Yúda, mmbɔ ɗántɔngi Yéso, áomúsia te: «Ngoisigi, nna phɔ́ eme?» Yéso áonsikisia te: «A tɔ ɓíndɔ ɔyɔngi.»

Matáyɔ 26:49

Cɔ, mɔngɔ moci, Yúda áombîmisia Yéso, áongea te: «Ngoisigi samba!» Mpɔ, áomumbia.

Málikɔ 10:51

Mpɔ, Yéso áomúsia te: «Cɔ, okondi negeɛ ka phɔakɔ ɓo?» Keíme-íme áonsikisia te: «Ngoisigi, nekondi nɛ́ɔnaphɛ goto.»

Málikɔ 11:21

Mpɔ, Pɛ́tɛɛ áokanisia ɓî Yéso ɗánsɛmɛigi me ndɔɔ. Áongoɗea te: «Ngoisigi, énga phɔ́ me ndɔ ɔnsɛmɛigima, aɔmi buakɛ pɔ!»

Málikɔ 14:45

Ka kiɗia á Yúda tɔ, áombîmisia Yéso, áongea: «Ngoisigi!» Mpɔ, áomumbiaga.

Málikɔ 9:5

Pɛ́tɛɛ áongoɗea Yéso te: «Ngoisigi, aánjá ka ɓesu ika wani. Ɓɛ́phɛ̌kɛ ɛma isaɔ, moci k'óɓɛ, moci ka Mósa, moci goto ka Elía.»

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

Yoáni 1:38

Mpɔ, Yéso áǒpháia, áɔ̌ɓɔna ɓagoigi ndɔ na ɓáomɓea. Áǒɓúsia: «Cɔ, ɓookaɓa eke?» Ɓáonsikisia: «Lábi, (ande gea te, ngoisigi) ɔma á ɓoiki nɛkɔ a wani?»

Yoáni 1:49

Kaɓondɔ, Natanaɛ́li áongoɗea: «Ngoisigi, onde Muna-Mokonga, Moamɛ ndea Ɓaisilaɛ́li.»

Yoáni 11:8

Wa, ɓagoigi ɓáongea: «Ngoisigi, nna tɔ ka ɓ'esa nde unge Ɓayúda ɓátúokaɓa mowa akɔ n'ɛtɛ? Cɔ, o goto oja ko?»

Yoáni 20:16

Yéso áongoɗea: «Malía!» Malía áǒpháia kuɓî Yéso aɔ, áongoɗea ka Kiɛbulanía: «Labúni!» Ande gea te: Ngoisigi.

Yoáni 3:2

Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Yoáni 3:26

Kaɓondɔ, ɓagoigi ndɔ ɓáɔngɛndɛa Yoáni, ɓáongoɗea te: «Ngoisigi, mmbɔ ɗátú n'oɓɛ kubi á Yɔɔdáni, mmbɔ ɗɔ́ɔtɔmiaga nyɔngɔ akɛ, a ye tɔ oɓatisa. Ɓakpa ɓɔbu ɓámɓǐ.»

Yoáni 4:31

Ka mbenɔ ndɔ ɓagoigi ɓáonɗengemisaga gea: «Ngoisigi cɛɛ, eaga!»

Yoáni 6:25

Ɓî ɓándondi ye Yéso kubi á etǔ, ɓáomúsia: «Ngoisigi, mbenɔ sina nde okiɗimá koni?»

Yoáni 9:2

Ɓagoigi nɛkɛ ɓáomúsia: «Ngoisigi ca, nkpa nde ɗáɓɔkɔtɛani keíme-íme ka ɓo? Ande gea te, nkpa nde ɗági ɓojeɗe sasakɛ kaɓɛ ɓaɓɔkɔti akɛ ɓáunge ɗáɓági ɓojeɗe?»

2 Ɓakɔlítɔ 1:24

Ké phɔtɔ na siki á soseaga anu ka kema nde akeni na ɓeekea í, ka nyɔngɔ nde, ɓeekea nɛnu ka Yéso a ye tɔ na mǐgi akpɛ. Ɓe tɔ ɔbɛɗanaga kimoci ka gea, ɓóɓɛ na maseye.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

Ɓaɛphɛ́sɔ 3:15

mmbé ande Abei á ekombo bubui á na koba, na nnde á ka mokonda bui.

Philɛmɔ́nɔ 1:16

Cɔ, kɛ̌kɛnde, nna ye tɔ ɓea nkɔɓɛ, anyɛ́nyi gǎkɛ nga, a ye muna-amasu ékondi phɛɛ. Eme nenkondi phɛɛ, oɓɛ nkonda goto phɛɛ, ɓea nkpa buakɛ, goto ɓea muna-amasu suɓi á Mɔkɔta.

Yakɔ́ɓɔ 3:1

Ɓaya, ɓókoɓikɛmbɛ k'ékuma á goisaga nga ɓooúba gea, ɓátenande nyɔngɔ nɛsu ɓagoisigi akpɛ kɔ̌nyɛ́nya ɓakpa ɓuangbo.

1 Pɛ́tɛɛ 5:3

Ɓókobɛɗaneɛgɛmbɛ kɔkɔta gǔ á ɓunde Mokonga ɗánóphi ka amba aɓɔ, ɓáni ndiu mphangiɔ ka ɓɔ.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 22:9

Yɛ, â gǎkɛ omongoɗea te: «Caa! Kógeɛmbɛ ɓó! Nga, eme nende mbɛɗanigi ɓea ɔɓɛ, ɓea ɓadakɔ ɓaɔtu-nyɔngɔ ndea Mokonga na ɓea ɓɔbu ɓunde ɓáotétemisa nyɔngɔ nde a suɓi á ɓuku ndee. Mokonga ndiu aámbé ómbebɛ.»