Matáyɔ 23:7 - Ɔngana á Kɛ̌kɛ

⁷ Ɓákondi gea te ɓáɓɛǒsesea n'obebɔ k'ɔ́ma nde ɓakpa ɓáɓiki, ɓɛ́ɓɔphanɛ ɓɔ: ‹Ɓagoisigi›.

Matáyɔ 23:7 Iomraidhean Croise

Matáyɔ 11:16

Někengeanisande ɓato á k'ɛɓɔkɔti nde n'eke? Ɓákengeani na ɓaniki na ɓáiki ka ntanga, na ɓáǒtoɓea ɓadaɓɔ:

Matáyɔ 23:8

Ɓenu gǎkɛ, ɓókóɓeekeɛmbɛ ɓánɔɔphanɛ: ‹Ɓagoisigi›. Nga, ɓenu ɓɔbu ɓonde ɓato á komunamema na ɓona ngoisigi moci tɔndɔ.

Matáyɔ 26:25

Yúda, mmbɔ ɗántɔngi Yéso, áomúsia te: «Ngoisigi, nna phɔ́ eme?» Yéso áonsikisia te: «A tɔ ɓíndɔ ɔyɔngi.»

Matáyɔ 26:49

Cɔ, mɔngɔ moci, Yúda áombîmisia Yéso, áongea te: «Ngoisigi samba!» Mpɔ, áomumbia.

Málikɔ 10:51

Mpɔ, Yéso áomúsia te: «Cɔ, okondi negeɛ ka phɔakɔ ɓo?» Keíme-íme áonsikisia te: «Ngoisigi, nekondi nɛ́ɔnaphɛ goto.»

Málikɔ 11:21

Mpɔ, Pɛ́tɛɛ áokanisia ɓî Yéso ɗánsɛmɛigi me ndɔɔ. Áongoɗea te: «Ngoisigi, énga phɔ́ me ndɔ ɔnsɛmɛigima, aɔmi buakɛ pɔ!»

Málikɔ 12:38

Ka ɓɔphɛi ndea Yéso, ɗɛ́phɛi phɔtɔ ɓakpa te: «Óengani na ɓaɗundu-ɛɔphi. Nga, ɓákondi tamba na ɓáɔ́ligi ngɔ́mbɛ éndandandǎ, na ɓakpa ɓaɓɛǒsesea k'ɔ́ma á madondanɔ. Suɓi éndu á madondanɔ ndea Ɓayúda ka nyɔngɔ á Mokonga, ɓákondi phɔtɔ ikiɗia kankaanga á k'ama mosá-mosá na ka jaí ɗanga-ɗanga ɓáikɛ k'ɔ́ma á kɔkɔta.

Málikɔ 14:45

Ka kiɗia á Yúda tɔ, áombîmisia Yéso, áongea: «Ngoisigi!» Mpɔ, áomumbiaga.

Málikɔ 9:5

Pɛ́tɛɛ áongoɗea Yéso te: «Ngoisigi, aánjá ka ɓesu ika wani. Ɓɛ́phɛ̌kɛ ɛma isaɔ, moci k'óɓɛ, moci ka Mósa, moci goto ka Elía.»

Lóka 11:43

Ande ngomi ka ɓenu Ɓaphaisáyɔ, ɓo tɔ okonda ika ka kankaanga á mosá suɓi éndu á madondanɔ ndea Ɓayúda ka nyɔngɔ á Mokonga. Ɓokondi phɔtɔ ɓánoseseɛ ka ntanga.

Yoáni 1:38

Mpɔ, Yéso áǒpháia, áɔ̌ɓɔna ɓagoigi ndɔ na ɓáomɓea. Áǒɓúsia: «Cɔ, ɓookaɓa eke?» Ɓáonsikisia: «Lábi, (ande gea te, ngoisigi) ɔma á ɓoiki nɛkɔ a wani?»

Yoáni 1:49

Kaɓondɔ, Natanaɛ́li áongoɗea: «Ngoisigi, onde Muna-Mokonga, Moamɛ ndea Ɓaisilaɛ́li.»

Yoáni 11:8

Wa, ɓagoigi ɓáongea: «Ngoisigi, nna tɔ ka ɓ'esa nde unge Ɓayúda ɓátúokaɓa mowa akɔ n'ɛtɛ? Cɔ, o goto oja ko?»

Yoáni 20:16

Yéso áongoɗea: «Malía!» Malía áǒpháia kuɓî Yéso aɔ, áongoɗea ka Kiɛbulanía: «Labúni!» Ande gea te: Ngoisigi.

Yoáni 3:2

Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Yoáni 3:26

Kaɓondɔ, ɓagoigi ndɔ ɓáɔngɛndɛa Yoáni, ɓáongoɗea te: «Ngoisigi, mmbɔ ɗátú n'oɓɛ kubi á Yɔɔdáni, mmbɔ ɗɔ́ɔtɔmiaga nyɔngɔ akɛ, a ye tɔ oɓatisa. Ɓakpa ɓɔbu ɓámɓǐ.»

Yoáni 4:31

Ka mbenɔ ndɔ ɓagoigi ɓáonɗengemisaga gea: «Ngoisigi cɛɛ, eaga!»

Yoáni 6:25

Ɓî ɓándondi ye Yéso kubi á etǔ, ɓáomúsia: «Ngoisigi, mbenɔ sina nde okiɗimá koni?»

Yoáni 9:2

Ɓagoigi nɛkɛ ɓáomúsia: «Ngoisigi ca, nkpa nde ɗáɓɔkɔtɛani keíme-íme ka ɓo? Ande gea te, nkpa nde ɗági ɓojeɗe sasakɛ kaɓɛ ɓaɓɔkɔti akɛ ɓáunge ɗáɓági ɓojeɗe?»