Matáyɔ 22:3 - Ɔngana á Kɛ̌kɛ

³ Áǒteka ɓabɛɗanigi nɛkɛ k'aphe á ɔphana á ɓakpa ɓunde ɗáɓáeɓɔphani ka jaí ndɔ. Ɓakpa ndɔ ɓákakondɛ gǎkɛ bika.

Matáyɔ 22:3 Iomraidhean Croise

Matáyɔ 21:34

Ɓî matú á ɗungu akpeengeani ye, áǒteka ɓabɛɗanigi nɛkɛ ka ɓabɛɗanigi ka ciko gea, ɓántekisiɛ keɓu ínɛkɛ.

Matáyɔ 23:37

Yɛusalɛ́ma, Yɛusalɛ́ma! Oɓɛ aámbé ǒmowe ɓaɔtu-nyɔngɔ ndea Mokonga, óǒmowa n'etae ɓunde Mokonga akotekisíí. Mɔngɔ ángaáni nde netókondi dondanisa á ɓakpa nɛkɔ ka mpɛphɛ ani ɓea ama-gbɔ̌kɔ n'aódodanisa ɓ'anakɛ kusi á kepupe akɛ, kókondɛ gǎkɛ.

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 9:15

Yéso áǒsikisia te: «Ɓato-ɛ́kɛka ɓáikimbɛ mɔnɔ na ngomi na mǒko-ɛ́kɛka a kimoci na ɓɔ? Ɓɛɛndɔ! Ɓáikande kángá á eaga ka nyɔngɔ á mɛma á Mokonga mbenɔ nde ɓámphúiande mǒko-ɛ́kɛka ka ɔlɔ aɓɔ.

Lóka 13:34

Hoo! Yɛusalɛ́ma, hoo! Yɛusalɛ́ma, oɓɛ ímbe ǒmowa ɓaɔtu-nyɔngɔ ndea Mokonga, kusa aɓɔ ka makeaga ɛtɛ ɓunde Mokonga aǒteka mɔtɛ-akɔ! Mɔngɔ kǔngaáni ɗékondi dondanisa á ɓakpa nɛkɔ bíbí ani ɓea ama-gbɔ̌kɔ n'aódondanisa ɓ'anakɛ kusi á kepupe akɛ. Cɔ, ɓenu ɗóɓokókóndi gǎkɛ!

Lóka 15:28

Miki ímbɔ phomi áɔɓɛa, áoyá ngia ka jaí. Kaɓondɔ, abakɛ áojuana, áonɗengemisaga, ángiɛ.

Lóka 19:27

Cɔ, ɓaɓiɓia ani, ɓundɔ ɓánáokonda néɓɛ moamɛ gǔ aɓɔ, obikani ně koni, ɓóótenɛ mosá ani.›»

Yoáni 5:40

Nanga áɓá ɓó, ɓókókondi gǎkɛ bikia ani ka ɓá na enda.

Ekuma á ɓateki 13:45

Ɓî Ɓayúda ɗáɓáɔni usɛsɛ á ɓakpa ndɔ, ɓáotúma na nsengo, ɓáongana ɓɔphɛi ndea Pɔ́lɔ na bóma akɛ.

Ɓalɔ́ma 10:21

Mokonga áɔyɔnga ka phɔa á Ɓaisilaɛ́li gea: «Ɗéonanoa njaga ani esa bui ka ɓakpa nde ɓákáɔmɔɔ́ka, na ɓunde ɓáomoyá.»

Ɓaɛbulanía 12:25

Ɛ́ngɛphani ka gea, ɓókoyɛmbɛ ɔ́ka á nyɔngɔ á nkpa nde aɔyɔnga na ɓenu nga, ɓakpa nde ɗáɓán'yé Mósa mbenɔ nde ɗáɔ̌phɛa ka mokonda, ɗáɓákátɔki tea á esúia ndea Mokonga. Ɓesu phɔtɔ ɓɛ́kɛ́ɔtɔka na ɓetí, aoɓá na ɓen'yé Mokonga mbenɔ nde aɔsɔ́phɛa n'ana koba.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

Mphaniɔ 22:17

Měma á Mokonga na Nke-éyamani ɓáɔyɔnga te: «Bika!» Mmbé aɔ́ki, áyɔngɛ phɔtɔ: «Bika!» Mmbé a n'ɛnyɔta, ábikɛ, mmbé ana siki á iɓo á enda ábɛɗɛ ecici.