Matáyɔ 22:10 - Ɔngana á Kɛ̌kɛ

¹⁰ Ɓabɛɗanigi ndɔ ɓáoga ka makani á aphe ángbóngbó ndɔ, ɓáǒdondanisa ɓakpa ɓɔbu, ɓunde ɗáɓáedondi, ɓánjá na ɓunde ɓájeɗe. Mpɔ endu ɛ́kɛka áotúma na ɓakpa ndɔ ɓáɛɓɔphani.

Matáyɔ 22:10 Iomraidhean Croise

Matáyɔ 13:38

Ciko ande mokonda. Mbó ánjá ande ɓakpa á koɓoamɛ á na koba. Ɔphɔ ájeɗe ande ɓakpa ndea nketi.

Matáyɔ 22:9

Kaɓondɔ, gǎni ka makani á aphe ángbóngbó ɓɔ́ɓɔphanɛ ɓunde ɓǒdondande kó ka nyɔngɔ á jaí.»

Matáyɔ 25:10

Ai ye ɓî ɓabóbó ɗáɓáoga k'aphe á somba gamba, mǒko éyamani â gǎkɛ okiɗia. Ɓundɔ ɓɔku ɗáɓáɛɓɔngisigi, ɓáongia na mǒko éyamani k'éndu ɛ́kɛka, ɓáophembeketea kǐo.

Matáyɔ 9:15

Yéso áǒsikisia te: «Ɓato-ɛ́kɛka ɓáikimbɛ mɔnɔ na ngomi na mǒko-ɛ́kɛka a kimoci na ɓɔ? Ɓɛɛndɔ! Ɓáikande kángá á eaga ka nyɔngɔ á mɛma á Mokonga mbenɔ nde ɓámphúiande mǒko-ɛ́kɛka ka ɔlɔ aɓɔ.

2 Ɓakɔlítɔ 12:21

Ne phɔtɔ oɓánga gea, ɓî nejúande goto mɔtɛ-anu, Mokonga kamokusɛmbɛ na soni mosá anu. Nga, něgámeande ɓakpa ɓásii ɓunde ɓákáɗeketimbɛ ɓojeɗe nɛɓɔ á kala na kětia tambea aɓɔ ka nyɔngɔ á ɓɔjɔɔkiɔ, otungɔ, mambɔ na ɓojeɗe nde ɓáogea.

1 Yoáni 2:19

Ɓaɓiɓia ndɔ, ɗáɓátókei mɔtɛ-asu, ɗáɓákátú gǎkɛ ɓunɛsu. Ɗáɓátúoɓá ɓunɛsu, ámbé ɗáɓáiki kimoci na ɓesu. Ɓásoɗeketi gǎkɛ ka gea te, áubikanɛ base gea, ɗáɓákátú ɓunɛsu.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.

Mphaniɔ 7:9

Mbusa á nyɔngɔ ndɔ, nɛ́ɔɔna usɛsɛ ángbó á ɓakpa, nnde nkpa nnaɔtɔka nětangi. Ɓakpa ndɔ ɗáɓátóki ka nji bui, k'ekuna bui, k'ététe á ɓakpa ɓɔbu, na k'ététe á ɛyɔngi bui. Ɗáɓámamege mosá á kankaanga á koɓoamɛ na mosá á Muna-Mɔgɔgɔ. Ɗáɓáɔ́li bɔngɔ éndǎ ábu na ɓábɛɗigi kasa á mbia.