Matáyɔ 2:22 - Ɔngana á Kɛ̌kɛ

²² Ɓî ɗáɔ́ki gǎkɛ gea, Alkɛláɔ aámbé ɗásiki ka mpɛnɛ á abakɛ Ɛlɔ́dɛ ka mamea á nji á Yudɛ́a, Yɔsɛ́phu áoɓanga gǎ á kó. Malaéka ndea Mɔkɔta áɔngɔɗea nyɔngɔ ka njeki, Yɔsɛ́phu áoga na Galiláya.

Matáyɔ 2:22 Iomraidhean Croise

Matáyɔ 1:20

Mbenɔ nde Yɔsɛ́phu ɗáoianaga nyɔngɔ ndɔ, Malaéka ndea Mɔkɔta áɔnsɛnɛkɛa ka njeki, áongoɗea: «Yɔsɛ́phu mosuko á Daúdi, kɔ́ɓɛ́mbɛ na kɔɓɔɓɔkɔ ka ɓoa á nkakɔ Malía nga, akumbi éme ndɔ ka ɓukpɛkpɛ á Měma á kanga ɓojeɗe.

Matáyɔ 2:1

Yéso ɗáɓɔkɔtɛani ka Bɛtɛlɛɛ́mu á ka Yudɛ́a, ka mbenɔ á moamɛ angbóngbó Ɛlɔ́dɛ. Mbusa á ɓɔkɔtɛana akɛ, ɓaúbaphi ka toka n'Okomo, ɗáɓáju ka Yɛusalɛ́ma.

Matáyɔ 2:19

Mbusa á kukuwa á Ɛlɔ́dɛ, malaéka ndea Mɔkɔta áɔnsɛnɛkɛa Yɔsɛ́phu ka njeki na Mísii,

Matáyɔ 2:21

Mpɔ Yɔsɛ́phu áoma, áɔmbɛɗa miki na amakɛ, áoja na ɓɔ na Isilaɛ́li.

Matáyɔ 3:13

Ka mbenɔ ndɔ, Yéso áokiɗia ka Yɔɔdáni ka toka akɛ na Galiláya ka gea, Yoáni ámɓatisɛ.

Lóka 2:39

Ɓágɔɓi ye moangɔ ɛ́ɔphi ndea Mɔkɔta, nnde ɗábisi ka nyɔngɔ á ɓaniki, Yɔsɛ́phu na Malía ɓáosikianaga ka nji nɛɓɔ Najalɛ́ti á ka Galiláya.

Yoáni 7:52

Ɓáosikisia te: «Onde phɔtɔ nto á ka Galiláya? Cɔca phɔ́ Ɓuku á Mokonga, ɔɔnande gea, ka ɓaɔtu-nyɔngɔ ndea Mokonga moci nnaɔtɔka n'atóki na Galiláya.» [