Matáyɔ 2:13 - Ɔngana á Kɛ̌kɛ

¹³ Mbenɔ nde ɓaúbaphi ɓájí, Malaéka ndea Mɔkɔta Mokonga áondonda Yɔsɛ́phu ka njeki, áongea te: «Ma, ómbɛɗɛ miki n'amakɛ ɓóteɛ na Mísii. Ɓóikɛ kó na ka ɓî nekongoɗeande mbenɔ á sikianaga anu. Nga, Ɛlɔ́dɛ aokaɓa mowa á miki.»

Matáyɔ 2:13 Iomraidhean Croise

Matáyɔ 1:20

Mbenɔ nde Yɔsɛ́phu ɗáoianaga nyɔngɔ ndɔ, Malaéka ndea Mɔkɔta áɔnsɛnɛkɛa ka njeki, áongoɗea: «Yɔsɛ́phu mosuko á Daúdi, kɔ́ɓɛ́mbɛ na kɔɓɔɓɔkɔ ka ɓoa á nkakɔ Malía nga, akumbi éme ndɔ ka ɓukpɛkpɛ á Měma á kanga ɓojeɗe.

Matáyɔ 10:23

Aoɓá na ɓáonótambisaga ka ntanga-nji moci, ɓôtea ka ntanga-nji nɛngbo. Nenóngoɗi ɗoni gea, ɓɔ́kɔ́gɔɓɛku tɔmba á ntanga-nji bui á ka Isilaɛ́li na Muna-Nkpa kábikimbɛ.

Matáyɔ 2:12

Mpɔ, Mokonga áǒɗesa na njeki gea te, ɓákajɛmbɛ k'aphe ndea Ɛlɔ́dɛ. Ɓâ gǎkɛ oja k'aphe nɛngbo ka gǎ ka nji nɛɓɔ.

Matáyɔ 2:14

Yɔsɛ́phu áoma, áɔmbɛɗa miki n'amakɛ ɓáoga kǐpha na Mísii.

Matáyɔ 2:16

Mbenɔ nde Ɛlɔ́dɛ ɗáúbi ye gea, ɓaúbaphi ɓándemi, áɔɓɛa phɛɛ. Áǒsosea ɓakpa ka gǎ na Bɛtɛlɛɛ́mu na nji nde atimbi ú k'aphe á mowa ɓaniki-ɓǒko ɓɔbu á ɓasaga ɓaɓɛ na dida. Ɗági ɓo ka ɓeana na mbino nde ɗáengekisi ka ɓaúbaphi.

Matáyɔ 2:22

Ɓî ɗáɔ́ki gǎkɛ gea, Alkɛláɔ aámbé ɗásiki ka mpɛnɛ á abakɛ Ɛlɔ́dɛ ka mamea á nji á Yudɛ́a, Yɔsɛ́phu áoɓanga gǎ á kó. Malaéka ndea Mɔkɔta áɔngɔɗea nyɔngɔ ka njeki, Yɔsɛ́phu áoga na Galiláya.

Ekuma á ɓateki 10:22

Ɓáonsikisia te: «Moamɛ á ɓato émani Kɔɔnɛlíɔ aámbé asóteki. Ande nto á koɗoni na mmbé áomɓanga Mokonga. Ɓayúda ɓɔbu, ɓá phɔtɔ ombeba phɛɛ. Malaéka ndea Mokonga angoɗi gea, ákɔɔphanɛ mɔtɛ-akɛ, ka ɔ́ka nyɔngɔ nde ongoɗeande.»

Ekuma á ɓateki 10:7

Ɓî Malaéka nde ɗáɔyɔngaga na yɛ age, Kɔɔnɛlíɔ áɔ̌ɓɔphana ka ɓabɛɗanigi nɛkɛ ɓaɓɛ na nto émani moci, ka ɓunde ɗáɓáɔbɛɗanaga bíbí akɛ phɛɛ n'aomɓánga Mokonga.

Ekuma á ɓateki 12:11

Pɛ́tɛɛ aúbaphi ye, áɔyɔnga te: «Neúbi ye tɔ ɗoni gea, Mɔkɔta anteki malaéka nɛkɛ ka phúia ani ka njaga á Ɛlɔ́dɛ, na ka kanisia ájeɗe bui nde Ɓayúda ɓátú ně.»

Ekuma á ɓateki 12:7

Kɛ̌kɛndɔ, malaéka nde ɓa Mɔkɔta áonkiɗianea Pɛ́tɛɛ, owanga áobɛnya suɓi éndu. Áonsuga Pɛ́tɛɛ ka mpambá, áonjujukisa, áongea: «Cɔ, má mbangɔ!» Kɛ̌kɛndɔ, ngoi á ngɔa ndɔ, áokoɗokana ka njaga á Pɛ́tɛɛ.

Ekuma á ɓateki 16:36

Mɓondigi-mekakɔ áoga ɔntɔmia Pɔ́lɔ mbino ndee: «Ɓateni-nyɔngɔ Ɓalɔ́ma ɓámotekisíí mbino, nénojuanisɛ. Cɔ, júanani ɓógɛ na ɓujɛjɛ!»

Ekuma á ɓateki 5:19

Kǐpha, malaéka ndea Mɔkɔta â ndiu oúkuwa kǐo á mekakɔ, áǒjuanisa ɓateki. Áǒgea te:

Ekuma á ɓateki 7:19

Áǒdemaga ɓatatasu, áǒgeea ájeɗe, áǒsosea gea, ɓáesagɛ ɓambɛnjɛ, ɓásiɛ.

Mphaniɔ 12:14

Nke ndɔ â gǎkɛ kɔtɔa kepupe iɓɛ ángbóngbó á ndia nnde ayaande ně k'ɔ́ma nde ɗáɓámɓɔngisíí ka nkanda nga, kó unge ɓámophande kema á ko eea ka ɓasaga ɓasaɔ na gbútuka n'a tɔ ka mbagɔ á njɔka angbóngbó.

Mphaniɔ 12:4

Moci ka isaɔ á ɓasɛɛngɔa, nkondo á njɔka angbóngbó ndɔ, áoɓota, áomaka ú ka mokonda. Yɛ, áomama mosá á nke á ɓoaé ka ɓondea miá á mɔɛmba mbenɔ nde aɓɔkɔtɛanande.

Mphaniɔ 12:6

Nke ndɔ áotea ka nkanda, ɔma nde Mokonga ɗámɓɔngisíígi ka isa akɛ k'ésa Ɛlɛphu moci mia iɓɛ na nkama ngianjaga (1.260).