Matáyɔ 2:12 - Ɔngana á Kɛ̌kɛ

¹² Mpɔ, Mokonga áǒɗesa na njeki gea te, ɓákajɛmbɛ k'aphe ndea Ɛlɔ́dɛ. Ɓâ gǎkɛ oja k'aphe nɛngbo ka gǎ ka nji nɛɓɔ.

Matáyɔ 2:12 Iomraidhean Croise

Matáyɔ 1:20

Mbenɔ nde Yɔsɛ́phu ɗáoianaga nyɔngɔ ndɔ, Malaéka ndea Mɔkɔta áɔnsɛnɛkɛa ka njeki, áongoɗea: «Yɔsɛ́phu mosuko á Daúdi, kɔ́ɓɛ́mbɛ na kɔɓɔɓɔkɔ ka ɓoa á nkakɔ Malía nga, akumbi éme ndɔ ka ɓukpɛkpɛ á Měma á kanga ɓojeɗe.

Matáyɔ 2:13

Mbenɔ nde ɓaúbaphi ɓájí, Malaéka ndea Mɔkɔta Mokonga áondonda Yɔsɛ́phu ka njeki, áongea te: «Ma, ómbɛɗɛ miki n'amakɛ ɓóteɛ na Mísii. Ɓóikɛ kó na ka ɓî nekongoɗeande mbenɔ á sikianaga anu. Nga, Ɛlɔ́dɛ aokaɓa mowa á miki.»

Matáyɔ 2:19

Mbusa á kukuwa á Ɛlɔ́dɛ, malaéka ndea Mɔkɔta áɔnsɛnɛkɛa Yɔsɛ́phu ka njeki na Mísii,

Matáyɔ 2:22

Ɓî ɗáɔ́ki gǎkɛ gea, Alkɛláɔ aámbé ɗásiki ka mpɛnɛ á abakɛ Ɛlɔ́dɛ ka mamea á nji á Yudɛ́a, Yɔsɛ́phu áoɓanga gǎ á kó. Malaéka ndea Mɔkɔta áɔngɔɗea nyɔngɔ ka njeki, Yɔsɛ́phu áoga na Galiláya.

Matáyɔ 27:19

Cɔ, ɓî Pilátɔ ɗáiki ka kankaanga á tena á nyɔngɔ, nkakɛ áontekisia mbino gea: «Kǒngisɛ mɔnɔ ka nyɔngɔ ndea nto á koɗoni ndɔ nga, kesande kǐpha netambigi phɛɛ ka njeki ka nyɔngɔ akɛ.»

Lóka 2:26

Měma á kanga ɓojeɗe ɗámúbisi gea, kákuwɛku mosá á ɔna ka Kiísito mmbé Mɔkɔta anteki.

Ekuma á ɓateki 10:22

Ɓáonsikisia te: «Moamɛ á ɓato émani Kɔɔnɛlíɔ aámbé asóteki. Ande nto á koɗoni na mmbé áomɓanga Mokonga. Ɓayúda ɓɔbu, ɓá phɔtɔ ombeba phɛɛ. Malaéka ndea Mokonga angoɗi gea, ákɔɔphanɛ mɔtɛ-akɛ, ka ɔ́ka nyɔngɔ nde ongoɗeande.»

Ekuma á ɓateki 4:19

Mpɔ, Pɛ́tɛɛ na Yoáni ɓáǒsikisia te: «Tenani phɔ́ nyɔngɔ nde sasanu. Aánjá mosá á Mokonga ɔ́ka anu kángá á ɔ́ka Mokonga?

Ekuma á ɓateki 5:29

Pɛ́tɛɛ, kimoci na ɓadakɛ ɓateki, ɓáǒsikisia te: «Akeni ɓɛ́mɔkɛ Mokonga, kɔ̌nyɛ́nya ɓakpa.

1 Ɓakɔlítɔ 3:19

Nga, kɔɓɔɔngɛ ndea ka mokonda nde, ande kobóbó mosá á Mokonga. Cɔ, ɓáɗundu suɓi á Ɓuku á Mokonga ɓe: «Mokonga aǒkoɗa ɓato á kɔɓɔɔngɛ ka mɛ̌kɔ nɛɓɔ sasaɓɔ.»

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

Ɓaɛbulanía 8:5

Ɓundɔ ɓaobɛɗanaga na ɓáoɓea mphangiɔ na kaengekɔ á koɗoni ndea na koba. A tɔ ɓíndɔ Mokonga ɗánsosi Mósa gea ábɛɗanɛgɛ ka mbenɔ á phɛ̌ka á Ɛma. Ɗángoɗi ɓe: «Ɔ́bɛɗanagambɛ tɔ ɓíndɔ ɗékophi kaengekɔ í gǔ á mamba.»