Matáyɔ 2:11 - Ɔngana á Kɛ̌kɛ

¹¹ Ɓáongia suɓi éndu, ɓáɔmɔna mbɛnjɛ n'amakɛ Malía. Ɓáogbuka muanku, ɓáombeba miki. Mbusa, ɓáokoɗaga nkumba nɛɓɔ, ɓáomopha ɛkɔmi: láté, ngaɛ́ na nkoki nde ɓáɔɔphana míla.

Matáyɔ 2:11 Iomraidhean Croise

Matáyɔ 1:18

Cɔ, ɓɔkɔtɛana á Yéso Kiísito ɗátú ɓe: Yɔsɛ́phu ɗántɔmi Malía, amakɛ na Yéso. Yɔsɛ́phu na kádondanimbɛ na yɛ, Malía áokumba éme ka ɓukpɛkpɛ á Měma á kanga ɓojeɗe.

Matáyɔ 12:46

Yéso n'a phɔ́tɔ ɔyɔnga na usɛsɛ á ɓakpa, amakɛ na ɓana-amakɛ ɓáokiɗia, ɓáomamaga ka nsɛngɛ, na kaɓa aphe ka yɔngaga na yɛ.

Matáyɔ 14:33

Cɔ, ɓagoigi nɛkɛ ndɔ ɗáɓátú suɓi á koko, ɓáogbuka muanku aɓɔ mosá á Yéso, ɓáongoɗea te: «Onde Muna-Mokonga ɗoni!»

Matáyɔ 2:10

Mbenɔ nde ɗáɓámɔni sɛɛngɔa ndɔ, ɓáotúma na maseye phɛɛ.

Matáyɔ 2:2

Ɓâ koúsia: «Mɔkɔta ndea Ɓayúda mmbɔ aɓɔkɔtɛani a suani? Nga, ɓɛtɔ́ɔni sɛɛngɔa akɛ n'Okomo. Kaɓondɔ unge, ɓebiki ombeba.»

Lóka 2:16

Cɔ, ɓáokamisaga gǎ, ɓáǒdonda Malía, Yɔsɛ́phu na ɓámɔyi mɔɛmba suɓi á ɔma á isa ɓanyama.

Lóka 2:38

Ka mbenɔ ndɔ tɔ, áɔsɛkɛɗa mosá aɓɔ. Áombeba Mokonga, áɔtɔmiaga nyɔngɔ á miki Yéso ka ɓakpa ɓɔbu íɓundɔ ɗáɓáoɓondeaga gea Mokonga áamisɛ Yɛusalɛ́ma.

Yoáni 19:39

Nikɔdɛ́mu mmbé ɗábiki phɔ́ mɔtɛ á Yéso kǐpha, â phɔtɔ obika n'akumbi nkoki n'adaɗu na údi. Ɓoɗoko í n'aɓea nkama isaɔ (30).

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 5:8

Mbenɔ nde ɗábɛɗi ɓuku, ɓamakɛlúbi gena na ɓagbɛga nkama iɓɛ na gena (24), ɓáogbúka muanku mosá á Muna Mɔgɔgɔ. Ɓagbɛga ɓɔbu ɓáoɓá na ɓaphíí, na cǎ nde ɓáɓɔngisigi na láté, n'atúmi na nkoki, nnde ande ɛmɛmi ndea ɓato á kanga ɓojeɗe.