Matáyɔ 19:9 - Ɔngana á Kɛ̌kɛ

⁹ Nenóngoɗi gea, aoɓá nkpa n'an'yé nkakɛ na nna tɔ ka nyɔngɔ á gua n'etoa, áomɓoa nke ɓaangbo, nkpa ndɔ, a ye tɔ nto á otungɔ.»

Matáyɔ 19:9 Iomraidhean Croise

Matáyɔ 19:10

Mpɔ ɓagoigi nɛkɛ ɓáongea te: «Nyɔngɔ á nke na mǒko a ye oɓá ɓondɔ, kákeni ye pɛ mǒko ndɔ ámukɛ nke.»

Matáyɔ 19:8

Yéso áǒsikisia: «Mósa ɗánososi yá á ɓake ɓanu ka nyɔngɔ á gbaga á měma anu. Ɗákákpangi gǎkɛ ɓó.

Matáyɔ 5:32

Cɔ, eme nenóngoɗi gǎkɛ te, aoɓá nkpa n'an'yé nkakɛ na kátungani, antunganisi ye tɔ, aoɓá n'aɔmani goto. Aoɓá nkpa n'amɓu nke nde ɓán'yé, atungani phɔtɔ.

Lóka 16:18

Aoɓá mǒko n'an'yé nkakɛ, áomuka nke ɓaangbo, ande nto á iɛɓɛ. Aoɓá mǒko n'amukí nke nde munyakɛ an'yé, ande phɔtɔ nto á iɛɓɛ.

1 Ɓakɔlítɔ 5:1

Mbino anu aɔɔ́kɛkana ɔma bui gea, ɓona nyɔngɔ á iɛɓɛ sɔsɔɓɛ anu. Iɛɓɛ kau, aájeɗe phɛɛ nnde ɓákádondimbɛ mɔnɔ, nanga áɓá ka ɓunde ɓáná ɓaɓêki nga, ɓági te, ka ɓenu moci amukí nka-abakɛ!

1 Ɓakɔlítɔ 7:39

Nke a tɔ oɓá kusi á kɔkɔta á munyakɛ, ámbé munyakɛ ka yɛ kákumbɛ. A ye oɓá munyakɛ n'aku, nke ndɔ n'akondi ɔmana, áɔmanɛ na mǒko nde yɛ ankondi, aoɓá mǒko ndɔ n'ande mɓêki nde ɓa Mɔkɔta.

1 Ɓakɔlítɔ 7:4

Nke éyamani nna ye na kɔkɔta gǔ á nyama akɛ sasakɛ, munyakɛ ndiu aámbé ana kɔkɔta í. Mǒko-éyamani nna phɔtɔ na kɔkɔta gǔ á nyama akɛ sasakɛ, nkakɛ ndiu aámbé ana kɔkɔta í.