Matáyɔ 18:9 - Ɔngana á Kɛ̌kɛ

⁹ Aoɓá iso akɔ moci n'aokongisa ka ɓojeɗe, phongota ú, ómakɛ ɗanga n'oɓɛ. Akeni k'óɓɛ óngiɛ ka enda á ɗoni n'ona iso moci, kángá á ɓá na iso iɓɛ, na maka akɔ ka ɛɛmbɛ á nsa nde nnaoímika.

Matáyɔ 18:9 Iomraidhean Croise

Matáyɔ 16:26

Cɔ, ana kantíti sina aoɓá nkpa n'atɔi kema bubui á ka mokonda n'aɓúngisi ndiu enda akɛ, ɛtɔi ndɔ anengande k'éke? Ekende ɓɛɔtɔka na ɓemphendi na Mokonga ka anganisa na enda?

Matáyɔ 18:8

Akoɓá njaga n'ecinji akɔ n'aokongisa ka ɓojeɗe, tena ú ce! Ómakɛ ɗanga n'oɓɛ. Akeni k'óɓɛ ngia ka enda á ɗoni n'ona njaga moci na ecinji moci, kángá á ngia ka nsa á mɛyɔ n'ona njaga iɓɛ na ecinji iɓɛ.

Matáyɔ 19:17

Yéso áonsikisia ɓe: «Ka nyɔngɔ éke nde oomúsia ka phɔa á kema ánjá? Nto anjánjá a tɔ mo. Aoɓá n'okondi ngia ka enda á mɛyɔ, cɔ, ámbá ɛɔphi.»

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Matáyɔ 5:29

Aoɓá iso akɔ á nci á mǔku aunge aokongisa ka ɓojeɗe, ambe óphongotɛ ú, ómakɛ ɗanga n'oɓɛ. Akeni ɓúngisa gbútuka moci á nyama, kángá á makea á nyama akɔ bui k'ɛɛmbɛ á nsa nde nnaoimika.

Málikɔ 9:47

A phɔtɔ oɓá, n'ande iso akɔ moci, aunge aokogusa, phongota ú, ómakɛ ɗanga. Nga, aánjá k'óɓɛ ngia ka koɓoamɛ ndea Mokonga n'íso moci, kɔnyɛ́nya ɓá n'íso iɓɛ, ɓáokomaka ně ka Gɛɛ́na,

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ɓaɛbulanía 4:11

Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

Mphaniɔ 21:27

Ka kema ájeɗe-jeɗe kángieɛka gǎkɛ suɓi á ntanga-nji ndɔɔ. Nto á ɓɔjɔɔkiɔ na mbɛa, nnaɔtɔka n'angí suɓi í, tɔndɔ ɓundɔ ɓáɗundu ina aɓɔ suɓi á ɓuku á enda ndea Muna-Mɔgɔgɔ.