Matáyɔ 18:3 - Ɔngana á Kɛ̌kɛ

³ na yɔnga te: «Nenóngoɗi ɗoni gea, aoɓá n'oɓókókěti tambea anu ájeɗe, ɓôɓá ɓea ɓaniki ɓábɔbɔa, ɓókóngiɛku ka koɓoamɛ á na koba.

Matáyɔ 18:3 Iomraidhean Croise

Matáyɔ 13:15

Nga, ɓakpa nde ɓána měma akpɛ. Ɓáɗaki kecue aɓɔ, ɓáími iso aɓɔ ka gea, ɓákaɔnaphɛmbɛ ně, ɓákaɔ́kaphɛmbɛ na kecuɛ, ɓákákondi bisa á měma aɓɔ ka engekisa á nyɔngɔ. Ɓákákondi kětia á tambea aɓɔ ámbé ka gea néeamisɛ.›

Matáyɔ 18:2

Yéso áɔmɔphana miki abɔbɔa, áommamisa ka ɔlɔ aɓɔ,

Matáyɔ 18:4

Nkpa buakɛ mmbé ědidisande na ɓá ɓea miki abɔbɔa nde, aámbé aɛ́nyɛ́nyande ɓadakɛ ka koɓoamɛ á na koba.

Matáyɔ 19:14

Yéso â gǎkɛ ogea: «Óɗoani ɓaniki ɓásɛkɛɗɛ bíbí ani, ɓókǒimisiɛmbɛ nga, koɓoamɛ ndea na koba a ka ɓunde ɓá ɓea ɓaniki.»

Matáyɔ 19:23

Mpɔ Yéso áǒngoɗea ɓagoigi nɛkɛ: «Amɔ̂ tɔ akpɛ ka ɓatɔi ngia ka koɓoamɛ ndea Mokonga.

Matáyɔ 5:18

Nenóngoɗi ɗoni gea te, mosá á sungiaga á koba na mokonda, nna tanda na miki á nyɔngɔ moci kaɓɛ phaeka í, nnde aimikande k'ɛɔphi na ka ɓî nyɔngɔ bui atɔtɔkɛanande.

Matáyɔ 5:20

Nenógie, akoɓá koɗoni anu na kányɛ́nyi nnde á ɓaɗundu-ɛɔphi na Ɓaphaisáyɔ, ɓókóngiɛku ka koɓoamɛ á na koba.

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Matáyɔ 6:2

Mbenɔ nde oomopha nto á ɓuyɛnɛ kema, kɔɓɛtɛ mɔnɔ ɓongungu ka gea ɓakpa ɓákɔɔnɛ sumbia ɓî ɓato á maibe ɓámɔnɔ ogea k'éndu á madondanɔ ndea Ɓayúda ka nyɔngɔ á Mokonga na k'aphe ka gea ɓakpa ɓáebebɛ. Nenóngoɗi ɗoni gea, ɓágoɓi na ɓátɔi ophendɔ nɛɓɔ.

Matáyɔ 6:5

Mbenɔ nde ɓɔɔmɛma, ɓókoɓɛmbɛ mɔnɔ ɓea ɓato á maibe ɓunde ɓámɔnɔ okonda mɛma na ɓámamege k'éndu á madondanɔ ndea Ɓayúda ka nyɔngɔ á Mokonga na k'aphe ka gea ɓakpa ɓɛ́ɓɔnɛ. Nenóngoɗi ɗoni gea, ɓá ye tɔi ophendɔ nɛɓɔ.

Málikɔ 4:12

Kaɓondɔ unge, ‹Ɓáɔɔnjia, ɓákaɔnɛ mɔnɔ gǎkɛ. Ɓáɔɔ́ka, ɓákáengekisɛ. Atúoɓá na ɓáengekisi, ámbé ɓáekěti ka Mokonga. Yɛ, áoíma ɓojeɗe nɛɓɔ.›»

Lóka 13:24

«Geani ɓukpɛkpɛ anu ka ngia ka kǐo áɔkɔtɔkana. Nga, nenóngoɗi gea, ɓakpa ɓásii ɓákáɓande ngia kau, ɓákátɔkɛku.

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

Yoáni 1:51

Mbusa í, â phɔtɔ ongoɗea: «Eya, nenóngoɗi ɗoni gea, ɓɔɔnande koba n'akoɗokani, ɓamalaéka ndea Mokonga na ɓáotáia na dida gǔ ani eme Muna-Nkpa.»

Yoáni 3:3

Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.»

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 28:27

Nga, měma á ɓakpa nde a ye tɔ akpɛ, ɓáɗaki kecue aɓɔ, ɓáoíma iso aɓɔ, atúoɓá na nna ɓó, ámbé ɓáɔnaphi, ɓáɔ́kaphi, ɓáengekisi na měma aɓɔ. Ɓátúǒpháia k'éme ámbé néeamisi.›

Ekuma á ɓateki 3:19

Cɔ, akeni phɔ́ ɓókětiɛ tambea anu, ɓóopháiɛ ka Mokonga. Mpɔ, áoíma ɓojeɗe nɛnu.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

2 Pɛ́tɛɛ 1:11

Kaɓondɔ, ɓánokoɗeande phɛɛ aphe á ngia ka koɓoamɛ á mɛyɔ ndea Mɔkɔta na Namisi nɛsu Yéso Kiísito.