Matáyɔ 17:5 - Ɔngana á Kɛ̌kɛ

⁵ N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Matáyɔ 17:5 Iomraidhean Croise

Matáyɔ 12:18

«Mokonga ayɔngi: mɔnani mbɛɗanigi nɛmɔ, mmbé ɗɛ́nsɔmbu, néonkonda phɛɛ, nena maseye ka yɛ. Nebisande Měma ani ka yɛ, aɛ́tɔ̌miande ɓato á k'ékuna bui koɗomi nɛmɔ.

Matáyɔ 17:6

Ɓî ɓagoigi ɓáɔ́ki ɛsɔ ndɔ, ɓáoɓá na kɔɓɔɓɔkɔ phɛɛ, ɓáoguwa ka oɗo na ɓákpúngbúmanigi.

Matáyɔ 3:17

Wa, ɛsɔ áɔɔ́kɛkana n'atóki na koba gea: «Mmbé ande miki nɛmɔ á ekondi, nena maseye ka phɔakɛ.»

Málikɔ 1:11

Ɛsɔ áotóka na koba: «Oɓɛ, onde miki nɛmɔ á ekondi. Nena maseye ka phɔakɔ.»

Málikɔ 9:7

Mpɔ, egugu áobika, iimbiɔ í áǒgbukumia. Ɓáɔɔ́ka ɛsɔ n'aotóka suɓi í gea: «Mmbé ande miki nɛmɔ ékondi, mɔ́kani yɛ.»

Lóka 3:22

Měma á kanga ɓojeɗe áodida gǔ akɛ n'aǒphangisia ɓea mboe. Ɛsɔ áɔɔ́kɛkana n'atóki na koba, áogea: «Ɔɓɛ, onde miki nɛmɔ ékondi. Nena maseye ka phɔakɔ.»

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Yoáni 3:35

Eya, Mokonga ankondi Anakɛ, áobisa kema bui ka njaga akɛ.

Yoáni 5:37

Cɔ, Abɛ, mmbé amoteki, yɛ sasakɛ a phɔtɔ omoɗigimisa. Ɓɔ́kɔ́ɔ́kimbɛ mɔnɔ tanda ɛsɔ akɛ na ɔna á keongi akɛ.

Ekuma á ɓateki 1:9

Mbusa á yɔnga akɛ ɓó, Mokonga áontáisisa Yéso na koba. Ɓateki na ɓá phɔ́tɔ kɔɛnjia na koba, egugu áomɓómba, ɓákámɔnɛ ye.

Ekuma á ɓateki 7:37

A phɔtɔ Mósa mmbɔ ɗéngóɗi Ɓaisilaɛ́li nyɔngɔ gea: ‹Mokonga anjuanisande mɔtu-nyɔngɔ nɛkɛ ɓea eme. Aɓande k'ékombo nɛnu.›

Ɓaɛphɛ́sɔ 1:6

Kaɓondɔ, ɓémbebɛni Mokonga ka ɓonjánja-ékondi á ɓoombia nɛkɛ ka phɔasu, ka nyɔngɔ á anakɛ.

Ɓakɔlɔsái 1:13

Yɛ aámbé ɗásókoɗigi ka ɓukpɛkpɛ á kaiphiɔ, áosóngisa ka koɓoamɛ ndea Miki nɛkɛ ékondi.

Ɓaɛbulanía 5:9

Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 14:14

Nê goto ɔɛnjia, nɛ́ɔɔna egugu ábu. Nkpa moci áoika gǔ í n'akengeani na Muna-Nkpa. Ɗáɔ́li kekombó á láté, áodunga píndí á pheá.