Matáyɔ 17:1 - Ɔngana á Kɛ̌kɛ

¹ Mbusa á ɓ'esa ngianjaga (6), Yéso áɔ̌bɛɗa Pɛ́tɛɛ, Yakɔ́ɓɔ na muna-amakɛ Yoáni, áɔ̌sɔndɔɛa gǔ á mamba nde akoi, ɓáoɓá sasaɓɔ.

Matáyɔ 17:1 Iomraidhean Croise

Matáyɔ 17:2

Kó, keongi á Yéso áǒketia mosá aɓɔ, áɔbɛnya ɓea maní. Ngɔ́mbɛ nɛkɛ áobusumana ɓea owanga.

Matáyɔ 26:37

Áɔmbɛɗa Pɛ́tɛɛ na ɓaniki-ɓǒko ɓaɓɛ ɓunde á Jɛbɛdáyɔ. Wa, áoɓá na ɓɔmbɛ na ágátana á měma.

Málikɔ 13:3

Ɓî Yéso ɗáiki gǔ á mamba á Mijɛitúni, áoenga endu á Mokonga. Cɔ, Pɛ́tɛɛ, Yakɔ́ɓɔ, Yoáni na Andeé ɓáobika omúsia ka mpɛphɛ te:

Málikɔ 5:37

Yéso ɗákáɓeeki ka ɓakpa ágɛ na yɛ, tɔndɔ: Pɛ́tɛɛ, Yakɔ́ɓɔ na Yoáni, muna-amakɛ na Yakɔ́ɓɔ.

Lóka 8:51

Mbenɔ nde akiɗi ye mɔtɛ á Yaílɔ, Yéso â tɔ oɓeekea gea, Pɛ́tɛɛ, Yoáni, Yakɔ́ɓɔ na ɓaɓɔkɔti á nseka ndɔ tɔ ɓáunge ɓángiɛ k'éndu.

2 Ɓakɔlítɔ 13:1

Nnde ande tamba nɛmɔ á ko isaɔ á gǎ mɔtɛ-anu. Ɓáɗundu suɓi á Ɓuku á Mokonga gea: Ka tena nyɔngɔ bui, ambe ɓaɗigimisi ɓáɓɛ ɓei ɓaɓɛ kaɓɛ ɓasaɔ.

2 Pɛ́tɛɛ 1:16

Cɔ, mbenɔ nde ɗéɓenóúbisi nyɔngɔ á ja á Mɔkɔta nɛsu Yéso Kiísito na ɓukpɛkpɛ nɛkɛ, ɗéɓékébɛɗaneigi egani á jǎi-jǎi, nnde ɓakpa ɓáophusiaga. Ɗɛ́ɓɛɔni ndiu na iso asu sasasu ɓongbóngbó akɛ.

2 Pɛ́tɛɛ 1:18

Eya, ɓesu ɓáunge ɗɛ́ɓɛɔ́ki ɛsɔ ndɔ n'aotóka na koba, mbenɔ nde ɗéɓetú kimoci na Yéso gǔ á mamba ndea Mokonga.