Matáyɔ 16:6 - Ɔngana á Kɛ̌kɛ

⁶ Yéso áǒngoɗea te: «Óengani na cacu ndea Ɓaphaisáyɔ na Ɓasadukáyɔ.»

Matáyɔ 16:6 Iomraidhean Croise

Matáyɔ 16:1

Ɓaphaisáyɔ na Ɓasadukáyɔ ɗáɓámbîmisi Yéso, ka tombaga akɛ. Ɓáɔmɛma gea, áephangiɛ mphangiɔ á ketangaɔ ka ubisa aɓɔ ɗoni gea, Mokonga aámbé anteki.

Matáyɔ 16:11

Eke nde ɓókóengekisa gea, ɗékétúɔyɔnga na ɓenu nyɔngɔ á mokati, mbenɔ ndɔ ɗénógi: Óengani na cacu ndea Ɓaphaisáyɔ na Ɓasadukáyɔ?»

Matáyɔ 16:12

Mpɔ, ɓagoigi ɓáoengekisa gea, Yéso ɗákéngoɗi gea, ɓéɛnjiɛ na cacu nde ɓáɔɓɛɗanaga ně na mokati, a ndiu nyɔngɔ á ɓɔphɛi ndea Ɓaphaisáyɔ na Ɓasadukáyɔ.

Matáyɔ 16:5

Mbenɔ nde ɓagoigi ɗáɓájabi kubi á etǔ, ɗáɓáɓosei bɛɗa á mokati.

Matáyɔ 16:7

Ɓagoigi ɓáɔyɔngaga ngǔngu aɓɔ gea: «Ayɔngi ɓo, ka nyɔngɔ nde ɓékébɛɗi mokati ee?»

Matáyɔ 3:7

Cɔ, Ɓaphaisáyɔ na Ɓasadukáyɔ ɓásii, ɗáɓámbikíí Yoáni-Mɓatisi, ka gea áeɓatisɛ, áǒngoɗea: «Ɛɓɔkɔti á kaɓokosa nde ca! Ani mmbé ɗánophangi aphe á tea á esúia ndea Mokonga nnde a bíbí á bika?

Málikɔ 8:15

Yéso â gǎkɛ ɔ̌phɛá te: «Ɛ́ngɛphani! Óɓangisani na cacu ndea Ɓaphaisáyɔ n'índe á Ɛlɔ́dɛ.»

Lóka 12:1

Wandɔ, usɛsɛ á ɓakpa ɓáotúndukanaga. Ɓáoɓá ɛlɛphu na ɛlɛphu na ka ɓî ɗáɓáɗɛtɛanigi. Yéso â phɔ́ kǒngoɗeaga ɓagoigi nɛkɛ mosá ka mpɛphɛ gea: «Óengani na cacu ájeɗe ndea Ɓaphaisáyɔ. Ande gea, maibe-maibe nɛɓɔ.

Lóka 12:15

Mpɔ, áǒngoɗea ɓɔbu ɓe: «Ɛ́ngɛphani na nyɔngɔ á ekondi á ɛtɔi nga, enda á nkpa nna ka nyɔngɔ á nkumba nɛkɛ nanga áɓá ntɔi phɛɛ.»

Yoáni 4:33

Mpɔ, ɓagoigi ɓáoianaga sɔsɔɓɛ aɓɔ: «Ka ɓakpa atómbikíí na kema á koea?»

Ɓagalatía 5:9

«Cɔ, cacu ábɔa aoɓimbisa ɓonga bui» ɓíndɔ ɓáɔyɔngaga.