11 Nna kema nde aongia k'aphenɔkɔ á nkpa, aunge aɔnjɔɔkisa. Nnde aotóka k'aphenɔkɔ, a ndiu unge aɔnjɔɔkisa nkpa.»
Mbusa, Yéso áɔɔphana usɛsɛ á ɓakpa, áǒngoɗea te: «Ɔ́kani na ɓóúbɛ ánjá nyɔngɔ ndee:
Mpɔ ɓagoigi ɓáɔnsɛkɛɗɛa Yéso, ɓáongea: «Ooúba gea, měma á Ɓaphaisáyɔ agú ka ɔ́ka á nyɔngɔ ndɔ ɔtɔ́yɔngi?»
Nna kema nde nkpa aoea aunge aɔnjɔɔkisa mosá á Mokonga. A ndiu nnde aojuana suɓi akɛ aunge aɔnjɔɔkisa. [
Ka ɔngana ani na Mɔkɔta Yéso, neúbi na ne engekisi ánjá gea nna na kema nde ajɔɔkani. Ajɔɔkani ndiu ka nkpa nde aɔni gea ande á jɔɔkana.
Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.
Kóujɛmbɛ ekuma ndea Mokonga ka nyɔngɔ á eea. Ɗoni, eea bui nna n'otaɔ a ndiu ájeɗe ea eea nde aongisisa nkpa ka gea ɓojeɗe.
Ɓakpa ndɔ ɓáoimisia eyamani, ɓá phɔtɔ oimisia eaga eea nɛngbo nnde Mokonga ɗáconji gǎkɛ ú ka gea, ɓaɓêki ɓunde ɓáoúba ɗoni ɓáeɛ ú na beba á Mokonga k'ɛ́mɛmi.
Cɔ, kema bui nnde kájɔɔkani a ka phɔa ɓunde ɓákájɔɔkani, nna gǎkɛ na ka kema nde kájɔɔkani nnde a ka phɔa ɓunde ɓájɔɔkani na ɓunde ɓákámɓeeki Mokonga nga, úbapha aɓɔ, na měma aɓɔ ajɔɔkani.
Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.
Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.