Matáyɔ 15:1 - Ɔngana á Kɛ̌kɛ

¹ Cɔ, Ɓaphaisáyɔ na ɓaɗundu-ɛɔphi ɓáombikia Yéso na ɓátóki na Yɛusalɛ́ma, ɓáongea:

Matáyɔ 15:1 Iomraidhean Croise

Matáyɔ 23:2

«Ekuma á ɓaɗundu-ɛɔphi na Ɓaphaisáyɔ ande tɔ̌miaga base ɛɔphi ndea Mósa.

Matáyɔ 5:20

Nenógie, akoɓá koɗoni anu na kányɛ́nyi nnde á ɓaɗundu-ɛɔphi na Ɓaphaisáyɔ, ɓókóngiɛku ka koɓoamɛ á na koba.

Málikɔ 3:22

Mpɔ, ɓaɗundu-ɛɔphi ɓunde ɓátóki na Yɛusalɛ́ma ɓáogea: «Bɛljɛbúli, mɔkɔta á ɓansombo, a suɓi á Yéso. Yɛ aǒjuanisa ɓansombo ka ɓukpɛkpɛ á Bɛljɛbúli.»

Lóka 5:17

Esa ímoci, ɓî Yéso ɗáogoisaga, Ɓaphaisáyɔ na ɓagoisigi-ɛɔphi ɗáɓáiki ka mpɛphɛ akɛ. Ɗáɓátóki ka nji ɗanga-ɗanga á ka Galiláya n'índe á ka Yudɛ́a na á ka Yɛusalɛ́ma. Ɓukpɛkpɛ á Mɔkɔta Mokonga ɗátú suɓi akɛ ka amisa á ɓasambi.

Lóka 5:21

Mpɔ, ɓaɗundu-ɛɔphi na Ɓaphaisáyɔ ɓáoianaga: «Mogaa nde ande ani ka yɛ bóma á Mokonga ɓende? Ani mmbé aɔtɔka n'aími ɓojeɗe na nna tɔndɔ Mokonga sasakɛ?»

Lóka 5:30

Mpɔ, Ɓaphaisáyɔ na ɓadaɓɔ ɓaɗundu-ɛɔphi, ɓáɔ̌ngɔngɔnɛaga ɓagoigi ndea Yéso: «Kanyɔngɔ sina nde ɓooeaga na noa kimoci na ɓaphendisigi-manjanja na ɓato á ɓojeɗe ɓunɛngbo?»

Yoáni 1:19

Cɔ, nnde ande ɓoabi ndea Yoáni. Mbenɔ nde ɓakɔta á Ɓayúda íɓunde ɓá ka Yɛusalɛ́ma ɗáɓěteki ɓatoɓeigi-phɛ́a na Ɓaláwi ka úsia akɛ te: «Onde ani?»

Ekuma á ɓateki 23:9

Kaɓondɔ, eongo áoɓá phɛɛ, mpɔ, ɓaɗundu-ɛɔphi ɓunɛngbo ɓundɔ ɓá ka ketoto á Ɓaphaisáyɔ, ɓáoma, ɓáoyá na měma moci gea: «Ɓɛ́kɛ́ɔɔna ɓojeɗe ka nkpa ndee. Kaɓɛ n'ande nketi aámbé áɔyɔnga, kaɓɛ malaéka, ɓékéoúba.»

Ekuma á ɓateki 25:7

Ɓî Pɔ́lɔ ajú, Ɓayúda ɓunde ɓátóki na Yɛusalɛ́ma, ɓáontimba, ɓáɔntɔnga akpɛ phɛɛ. Ɓákatɔkɛ gǎkɛ engekisa á koɗoni á ɓojeɗe nde ɓántɔngi kau.