Matáyɔ 14:3 - Ɔngana á Kɛ̌kɛ

³ Cɔ, Ɛlɔ́dɛ ɗándungisi Yoáni, ɓáomɓóaga na makea akɛ ka mekakɔ. Ɗátú ka nyɔngɔ á Ɛlɔdía, nka muna-amakɛ Philípɔ.

Matáyɔ 14:3 Iomraidhean Croise

Matáyɔ 11:2

Cɔ, Yoáni ɗátú ka mekakɔ. Kó, áɔɔ́ka mbino á ekuma ndea Kiísito. Mpɔ, áǒteka ka ɓagoigi mɔtɛ á Yéso,

Matáyɔ 14:6

Cɔ, Ɗátú ka jaí á kanisia esa á ɓɔkɔtɛana á Ɛlɔ́dɛ, nseka ndea Ɛlɔdía áoɓina mosá á ɓundɔ Ɛlɔ́dɛ ɗáɛɓɔphani. Mɓina ndɔ áɔmɓɔngɛa Ɛlɔ́dɛ phɛɛ.

Matáyɔ 4:12

Cɔ, ɓî Yéso ɗáɔ́ki gea, ɓámmaki Yoáni-Mɓatisi ka mekakɔ, áoga na Galiláya.

Málikɔ 6:14

Ka mbenɔ ndɔ, moamɛ Ɛlɔ́dɛ ɗáɔ́ki na ɓáɔyɔngaga ka phɔa Yéso nga, ina akɛ ɗáúbikani ɔma bui. Ɓakpa moci-moci ɓáɔyɔnga gea: «Yoáni-Mɓatisi ajujúki ka kukuwa. Kaɓondɔ unge, ana ɓukpɛkpɛ á tɔtɔkisa á ketangaɔ.»

Málikɔ 6:17

Nga, Ɛlɔ́dɛ aámbé ɗáeteki ɓakpa ɓándungɛ Yoáni. Áongisisa suɓi á mekakɔ na ɓámɓóege. Ɛlɔ́dɛ ɗági ɓo ka nyɔngɔ á nkakɛ Ɛlɔdía, mmbé muna-amakɛ Philípɔ ɗámuki phɔ́ mosá. Mbusa í, Ɛlɔ́dɛ â goto omuka.

Málikɔ 6:19

Ɛlɔdía áoɓá na ngíní ka phɔa Yoáni, áokaɓa kusisa akɛ. Ɗákátɔki gǎkɛ.

Málikɔ 6:22

Wa, nseka ndea Ɛlɔdía áongia ka maseye, áoɓina mosá á ɓakpa ɓɔbu. Mɓina kau áɔmɓɔngɛa Ɛlɔ́dɛ na ɓakpa nde ɗátú na ɓɔ ka maseye. Mpɔ, Moamɛ Ɛlɔ́dɛ áongoɗea nseka ndɔ te: «Ɔ́mɔmɛma kema nde okondi, nekophande.»

Málikɔ 8:15

Yéso â gǎkɛ ɔ̌phɛá te: «Ɛ́ngɛphani! Óɓangisani na cacu ndea Ɓaphaisáyɔ n'índe á Ɛlɔ́dɛ.»

Lóka 13:1

Ka mbenɔ ndɔ, ɓakpa ɓuangbo ɓáobika ɔntɔmia Yéso te: «Moamɛ Pilátɔ ěmówesi ɓa Galiláya ɓî ɗáɓáotoɓoa phɛ́a ka Mokonga.»

Lóka 13:31

Cɔ, ka mbenɔ ndɔ, Ɓaphaisáyɔ ɓuangbo ɓáɔsɛkɛɗa bíbí á Yéso ɓáongoɗea gea: «Tóka wani, ógɛ k'ɔ́ma nɛngbo nga, moamɛ Ɛlɔ́dɛ akondi mowa akɔ.»

Lóka 23:11

Wa, Ɛlɔ́dɛ kimoci na ɓato émani nɛkɛ ɓáontondea Yéso na tɛɓa akɛ, ɓáɔmɔ́lisa ngɔ́mbɛ ánjá phɛɛ na jisa akɛ goto mɔtɛ á Pilátɔ.

Lóka 23:7

Ɓî ɗáúbi gea ɗátú kusi á kɔkɔta ndea Ɛlɔ́dɛ, áonteka Yéso mɔtɛ á Ɛlɔ́dɛ nga ɗátú phɔtɔ na Yɛusalɛ́ma ka ɓ'esa ndɔ.

Lóka 3:1

Nyɔngɔ nde ɗátú ka saga á ko nkama na ɓɔku á koɓoamɛ ndea moamɛ angbóngbó Tibɛlíɔ Kaisáa, Pɔntíɔ Pilátɔ ɗátú mɔkɔta ka Yudɛ́a. Galiláya ɗátú kusi á kɔkɔta á Ɛlɔ́dɛ. Itulɛ́a na Taakɔníti ɗátú kusi á kɔkɔta á Philípɔ, muna-amakɛ na Ɛlɔ́dɛ. Abilɛ́nɛ ɗátú kusi á kɔkɔta á Lisanía.

Lóka 8:3

Yɔána nka Kúja ímbɔ mɛna-moangɔ á nkumba á k'éndu ndea Moamɛ Ɛlɔ́dɛ, Sujána na ɓake ɓuangbo ɓásii ɓâ phɔtɔ omɓea Yéso. Ɓɔbu ɗáɓáphúi imɔna na nkumba nɛɓɔ, ɓáǒúnaneaga ně Yéso na ɓagoigi nɛkɛ.

Ekuma á ɓateki 12:1

Ka matú ndɔ, Moamɛ Ɛlɔ́dɛ ɗákpangi tambisaga ka ɓato á kanisa.

Ekuma á ɓateki 4:27

Ande ɗoni, moamɛ Ɛlɔ́dɛ, mɔkɔta Pɔntíɔ Pilátɔ, ɓato á ka Isilaɛ́li na ɓato á k'ékuna nɛngbo ɗáɓádondanigi ka ntanga-nji nde ka maca á dunga á Yéso, nto á kanga ɓojeɗe na mbɛɗanigi nɛkɔ mmbé ɗɔ́nsɔmbu áɓɛ Kiísito.