Matáyɔ 13:44 - Ɔngana á Kɛ̌kɛ

⁴⁴ Koɓoamɛ á na koba akengeani n'ɛtɔi nde aɛsɔmɛani suɓi á ciko. Nkpa moci ɗáɔni ú suɓi á ciko, â goto ɔsɔmɛa. Áoɓá na maseye phɛɛ, áosombisa nkumba nɛkɛ bubui ka nyɔngɔ á somba ciko ndɔ.

Matáyɔ 13:44 Iomraidhean Croise

Matáyɔ 13:24

Yéso áǒngoɗea mɛní nɛngbo, áɔyɔnga te: «Koɓoamɛ á na koba akengeani na nkpa moci mmbé ɗákoni mbó ánjá ka ciko nɛkɛ.

Matáyɔ 13:46

Ɓî ɗáɔni nsángá á esombi akpɛ, áoga osombisa nkumba nɛkɛ bui, áosomba nsángá ndɔɔ.

Matáyɔ 13:47

Koɓoamɛ á na koba a ɓea moaɓɔ na ɓáubi ka iɓo nnde etéte bui á ɓasú ɓáotá kau.

Matáyɔ 19:21

Yéso áongea te: «Aoɓá n'okondi ɓá nto anjánjá phɛɛ, gǎ ósombisɛ nkumba nɛkɔ bubui, óɓophɛ ɓato á ɓuyɛnɛ imɔna í, na oɓande n'ɛtɔi na koba. Mpɔ, bika ómoɓeɛ.»

Matáyɔ 19:27

Mpɔ, Pɛ́tɛɛ áongoɗea Yéso: «Ɔ́na phɔ́, ɓesu ɓeɗeketi kema bui ka nyɔngɔ á ɓeá akɔ. Cɔ, ɓɛtɔande kema sina?»

Matáyɔ 19:29

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Matáyɔ 6:21

Nga, ɔma nde ɛtɔi nɛkɔ a ɓei, wandɔ unge měma akɔ aɓande phɔtɔ.

Lóka 14:33

Mpɔ Yéso â goto ɔyɔnga gea: «A phɔtɔ ɓó ka ɓenu. Aoɓá ka ɓenu na káɗeketi kema nɛkɛ bui, nkpa ndɔ nnaɔtɔka ɓá ngoigi nɛmɔ.

Yoáni 6:35

Mpɔ, Yéso áɔ̌tɔmia ɓe: «Nende Mokati á endisa. Mmbé amobikíí, kákuwɛku tanda na nja na mmbé amoɓeeki, kákuwɛku tanda n'ɛnyɔta.

Ɓalɔ́ma 15:4

Nyɔngɔ bui nde ɗáɓáɗundu kala suɓi á ɓuku ndea Mokonga, ɗáɓáɗundu ú ka phɛá asu ně, ka opha asu nténdé na měma á phiphia ka gea, ɓéɓɛ na nseɓeɔ ɓíndɔ ɓáosogoisaga suɓi á Ɓuku á Mokonga.

Ɓakɔlɔsái 2:3

Nga, yɛ, ande cina á ɛtɔi bui á úbapha na kɔɓɔɔngɛ.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Mphaniɔ 3:18

Kaɓondɔ unge, nɛɔphɛí gea, Somba láté mɔtɛ-amɔ, nnde ɓáɓɔngisigi ka nsa étombe, ka gea, óɓɛ ye tɔ ntɔi á ɗoni. Somba phɔtɔ bɔngɔ ábu ka gea, ɔ́ɔ́lɛ, ɔ́sɔmɛɛ soni á ndúmbú akɔ. Somba goto manga á siá k'íso akɔ ka gea, ɔ́ɔnaphɛ.