Matáyɔ 13:3 - Ɔngana á Kɛ̌kɛ

³ Áǒngoɗea ɓakpa nyɔngɔ ásii ka mɛní ɓe: «Nkpa moci ɗáge omisia mbó ka ciko nɛkɛ.

Matáyɔ 13:3 Iomraidhean Croise

Matáyɔ 13:4

Ɓî ɗáomisia, mbó nɛngbo áogua ka mpɛphɛ á aphe, ɓambǔ ɓáobika oea ú.

Matáyɔ 13:53

Ɓî Yéso agɔɓi ye tɔ̌miaga á mɛní ndɔ, áotóka sua,

Matáyɔ 22:1

Yéso ɗáengoɗi goto ɓakpa nyɔngɔ ka mɛní áǒgea:

Matáyɔ 24:32

Engekisani phɔ́ mɛní á me nde ɓáɔmɔphana mtini: Ɓɔ ye ɔɔna gea, ntabi í n'akpangi tɛisa nsô á kasa, ɓôúba te, matú á okame a ye tɔ bíbí.

Málikɔ 12:1

Mbusa á wa, Yéso áokpanga yɔnga na ɓɔ ka mɛní. Aǒgea: «Nkpa moci ɗákoni ciko á Mujabíbu, áogáa ú, áotongea okanga ka kama á mbuka í na kɛndɛa iɓo í. Áɔphɛka ngbángbá ka mɓondigi ciko. Aǒbisa ɓabɛɗanigi, áɔmɛa tamba.

Málikɔ 12:12

Wandɔ, ɓakɔta á Ɓayúda, ɓáokaɓa aphe á dunga á Yéso. Nga, ɗáɓáúbi gea te, mɛní ndɔ Yéso ayɔngi ka phɔaɓɔ. Ɓî ɗáɓátú gǎkɛ ǒɓánga ɓakpa, ɓáonkámba, ɓáoga.

Málikɔ 3:23

Yéso â gǎkɛ ɔ̌ɓɔphana, áǒngoɗea mɛní ndee: Cɔ, Sɛtáni aɔtɔka n'ěɓigi sasakɛ ɓo?

Málikɔ 4:13

Mpɔ, Yéso áǒgea te: «Ai! Ɓókóengekisimbɛ mɛní nde? Cɔ, ɓoengekisande gǎkɛ mɛní nɛngbo bui ɓo?

Málikɔ 4:33

Yéso ɗátú gǎkɛ ɔ̌tɔmia ɓakpa mɛní ɗanga-ɗanga ka gea te, ɓáengekisɛ ú.

Lóka 12:41

Mpɔ Pɛ́tɛɛ áongea: «Mɔkɔta, mɛní ndɔ oosóngoɗeaga a tɔ ka ɓesu, a phɔtɔ ka ɓakpa ɓɔbu?»

Lóka 8:10

Yéso â gǎkɛ ǒsikisia: «Ɓenu ɓáunge Mokonga anoúbisi nyɔngɔ á ɓɔsɔmɛa á ka koɓoamɛ ndeakɛ. Ɓakpa ɓunɛngbo gǎkɛ, ɓá tɔ ɔɔ́ka ka mɛní, ka gea te: ‹Ɓáɔɔnjia, ɓákáɔnɛ, ɓáɔɔ́ka, ɓákáengekisɛ.›»

Yoáni 16:25

Nɛtɔ́nɔtɔ̌mi kema ndɔ bui ka mɛní, mbenɔ a gǎkɛ obika, nnde kɛ́nɔtɔmiɛgɛku ye nyɔngɔ ka mɛní, nɛnɔtɔmiagande ndiu base, nyɔngɔ ndea Abɛ.