Matáyɔ 13:12 - Ɔngana á Kɛ̌kɛ

¹² Nga, nkpa nde ana kema, ɓámophande nengbo, áoɓá ně ásii. Mmbé gǎkɛ nna na kau, ɓámutande n'índɔ aně.

Matáyɔ 13:12 Iomraidhean Croise

Matáyɔ 21:43

Kaɓondɔ unge nenógie: Ɓánoútande koɓoamɛ ndea Mokonga na opha á ɓunde ɓágɔmbisande mbuka nde akenani. [

Matáyɔ 25:29

Nga, nkpa buakɛ mmbé ana ka kema, atɔande nɛngbo áoɓá ně ásii. Mmbé nna gǎkɛ na kau ɓámutande n'ǐnde atójigi ně.

Málikɔ 12:9

Cɔ, nenoúsi ɓe: Mɛna-ciko ndɔ, ageande ɓo? Kábikɛku ǒma ɓabɛɗanigi ka ciko ndɔ, áɔbɛɗa ciko, áǒɓopha ɓabɛɗanigi ɓunɛngbo?

Lóka 10:42

Cɔ, nyɔngɔ moci tɔ unge ana kantíti. Nga kema nde Malía asɔmbu aánjá kɔnyɛ́nya kema bui. Nkpa nnaɔtɔka n'amuti ú.»

Lóka 12:48

Mmbé nna gǎkɛ oúba mɔphɛ á mɔkɔta nɛkɛ, n'aogea ájeɗe, ɓámɓindande ábɔa, ande gea te nkpa nde ɓámophi kema ásii, ɓámɛmande phɔtɔ kema ásii. Nkpa nde ɓámophi kɔkɔta ángbó, ɓámúsiagande ka kema ásii.

Lóka 16:2

Kaɓondɔ, ntɔi áɔmɔphana nambi-nkumba, áongoɗea ɓe: ‹Nyɔngɔ sina nde ɓakpa ɓáɔkɔtɔnga ájeɗe ně? Cɔ, ómoúbisa nyɔngɔ á nkumba ndɔ ooamba. Nga, kpanga á kesande, kóɓɛku ye nambi-nkumba nɛmɔ.›

Lóka 16:25

Abalaámu â ndiu ongoɗea te: «Miki amɔ, kanisia gea te, ɗɔ́tɔi kema ánjánja ka enda akɔ, Lajáɔ â gǎkɛ ɔtɔa kema ájeɗe-jeɗe. Kɛ̌kɛnde gǎkɛ, aphɔngi tɔ wani phio! Oɓɛ aámbé o ndiu ká tambaga.

Lóka 8:18

Kaɓondɔ, ɛngɛphani mbenɔ nde ɓɔɔ́ka nyɔngɔ! Nga, mmbé ana ka kema aámbé ɓáyameande k'ínɛkɛ. Mmbé nna gǎkɛ na ka kema, ɓámutande n'ǐndɔ aně.»

Lóka 9:26

Aoɓá nkpa n'aku na soni ka phɔani na ka phɔa ɓɔphɛi nɛmɔ, eme Muna-Nkpa, nenkuiande phɔtɔ soni esa nde nebikaeka ka ɓoombia nɛmɔ na nnde á Abɛ, na nnde á ɓamalaéka á kanga ɓojeɗe.

Yakɔ́ɓɔ 4:6

Yɛ gǎkɛ, asophi ɓonjánja-ékondi nɛkɛ ángbó phɛɛ, ɓíndɔ Ɓuku á Mokonga ayɔngi phɔtɔ gea: «Mokonga nnaɔɔ́kana na ɓato á ɓemboko, a ndiu ǒɓopha ɓato á édidisa, ɓonjánja-ékondi nɛkɛ.»

Mphaniɔ 2:5

Cɔ, kanisia phɔ́ tambea akɔ á mosá, kɛ̌kɛnde gǎkɛ, ogu. Cɔ, kětia tambea akɔ ájeɗe, ótambeɛ ɓíndɔ ɗótú otambea mosá. Kaɓɛ na kókěti tambea akɔ ájeɗe, ámbé nekobikiande, néophúia ɔbɛa nɛkɔ k'ɔ́ma í.