Matáyɔ 13:11 - Ɔngana á Kɛ̌kɛ

¹¹ Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Matáyɔ 13:11 Iomraidhean Croise

Matáyɔ 13:10

Ɓagoigi ɓáɔsɛkɛɗa bíbí á Yéso, ɓáomúsia te: «Ka nyɔngɔ éke nde ɔɔyɔnga na ɓakpa ka mɛní?»

Matáyɔ 16:17

Yéso áongoɗea: «Maseye k'oɓɛ Simɔ́ Muna-Yɔ́na ka nyɔngɔ nde, nna nkpa aámbé akophangi nyɔngɔ nde base, a ndiu tɔ Abɛ mmbé á na koba.

Matáyɔ 19:11

Yéso áǒsikisia te: «Nna ɓakpa ɓɔbu ɓáunge ɓáɔtɔka na ɓáɓeeki nyɔngɔ ndee, tɔndɔ ɓundɔ Mokonga aeɓophi gǎkɛ ɓukpɛkpɛ á ɓeekea í.

Matáyɔ 20:23

Mpɔ, Yéso áǒngoɗea: «Ɗoni, ɓonoande kiɓe nɛmɔ á tambaga. Cɔ, ikisa á ɓakpa ka njaga ani á mǔku na nnde á nkei, nna gǎkɛ nyɔngɔ nɛmɔ. Ɔma ndɔ, a tɔ ka ɓunde Abɛ ɗáɛɓɔngisíí.»

Málikɔ 10:40

Cɔ, ikisa á ɓakpa ka njaga ani á mǔku na nnde á nkei, nna gǎkɛ nyɔngɔ nɛmɔ. Ɔma ndɔ a tɔ ka ɓunde ɓáɛɓɔngisíí.»

Málikɔ 4:11

Yéso áǒsikisia te: «Mokonga anoúbisi nyɔngɔ á ɓɔsɔmɛa á koɓoamɛ nɛkɛ. Ka ɓundɔ ɓá gǎkɛ na nsɛngɛ, nyɔngɔ aɛsɔmɛani ka mɛní.

Lóka 8:10

Yéso â gǎkɛ ǒsikisia: «Ɓenu ɓáunge Mokonga anoúbisi nyɔngɔ á ɓɔsɔmɛa á ka koɓoamɛ ndeakɛ. Ɓakpa ɓunɛngbo gǎkɛ, ɓá tɔ ɔɔ́ka ka mɛní, ka gea te: ‹Ɓáɔɔnjia, ɓákáɔnɛ, ɓáɔɔ́ka, ɓákáengekisɛ.›»

Yoáni 6:65

Mpɔ, Yéso â goto ǒgea: «Ka nyɔngɔ índɔ unge ɗénóngoɗi gea, nkpa nnaɔtɔka n'amobikíí aoɓá Abɛ n'akámophi aphe.»

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Ekuma á ɓateki 16:14

Ka ɓake ndɔ moci, ina akɛ Lúdia nto á ka Tuatɛ́a, n'ande phɔtɔ nsombisigi ngɔ́mbɛ ánjɛ nnde ana esombi akpɛ, n'ande mɓángi-Mokonga. Mɔkɔta áokoɗa měma akɛ ka ɔ́ka bîbíbí yɔnga ndea Pɔ́lɔ.

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

1 Ɓakɔlítɔ 13:2

Nanga néɓá n'egabɔ á ɔtɔa nyɔngɔ á Mokonga, nanga néúba nyɔngɔ á ɓɔsɔmɛa bui, nanga néɓá na úbapha bui, nanga néɓá na ɓeekea nde aɔtɔka na toisi mamba, na ké gǎkɛ n'ékondi, ne tɔ nkpa jǎi.

1 Ɓakɔlítɔ 15:51

Ɔ́kani phɔ́, nénoúbisɛ nyɔngɔ á ɓɔsɔmɛa: Ɓékésiɛku ɓesu ɓɔbu, ɓěketiande ndiu ɓesu ɓɔbu,

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

1 Ɓakɔlítɔ 2:7

Nɛɔphɛa kɔɓɔɔngɛ á ɓɔsɔmɛa ndea Mokonga, nnde ɗáɓásɔmi ka ɓakpa. Nga, ɗáangi moangɔ á kɔɓɔɔngɛ ndɔ mosá á conjá á mokonda ka gea, ɓéɓɛ na ɓoombia nɛkɛ.

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

1 Ɓakɔlítɔ 4:7

Cɔ, ani mmbé akobisi mɔkɔta gǔ á ɓadakɔ? Kema bui nde oně, nna tɔ Mokonga aámbé ɗákophi? Cɔ, ɓî a gǎkɛ ɓó, ǒbeba na kema nde oně, óoúba te, ɓákákophi ka ɓo?

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 1:9

Áosóphangia base moangɔ nɛkɛ á ɓɔsɔmɛa ka ɓonjánja, áosuia kala tɔtɔkisa í ka Kiísito.

Ɓaɛphɛ́sɔ 5:32

Mokongo á nyɔngɔ á ɗoni ungɔ aɛsɔmɛani suɓi á yɔnga ndɔɔ. Eme nenóngoɗi gea, wani ande nyɔngɔ á Kiísito na kanisa.

Ɓaɛphɛ́sɔ 6:19

Mɛmani phɔtɔ ka phɔani ka gea, Mokonga ámopɛ nténdé ka ɓoabi nde akeni, ɓî nɛɔtɔmiaga Mbino-Ánjá nɛkɛ nde ɗásɔmi.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

1 Timɔtɛ́ɔ 3:9

Akeni ɓáambɛ ɓeekea á ɗoni na měma ánjá.

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

1 Yoáni 2:20

Cɔ, Kiísito ɗánóphi ɓenu Měma á kanga ɓojeɗe ka gea, ɓenu ɓɔbu ɓóúbɛ ɗoni.

1 Yoáni 2:27

Ɓî ɓo ye tɔi Měma á Mokonga nnde a suɓi anu, ɓókó ye gǎkɛ na siki á ngoisigi ɓaangbo. Nga, Měma á Mokonga aonógoisaga kema bui. Goisaga nɛkɛ ande á ɗoni, nna á mbɛa. Kaɓondɔ, ɔnganani na Kiísito ɓíndɔ Měma á Mokonga atónogoisigi.